ປະທານາທິບໍດີເກົາຫລີໃຕ້ ຢຸນ ຊຸກ ໂຢລ (Yoon Suk Yeol) ແລະນາຍົກລັດຖະມົນຕີຈີນ ທ່ານ ລີ ຈຽງ (Li Qiang) ໄດ້ຕົກລົງໃນວັນອາທິດວານນີ້ ທີ່ຈະເປີດການເຈລະຈາທາງການທູດ ແລະຄວາມໝັ້ນຄົງ ແລະເລີ້ມການເຈລະຈາຄືນໃໝ່ ກ່ຽວກັບສັນຍາການຄ້າເສລີ, ຫ້ອງການຂອງ ທ່ານ ຢຸນ (Yoon) ກ່າວ, ອີງຕາມອົງການຂ່າວ ຣອຍເຕີສ໌.
ທ່ານ ຢຸນ ແລະ ທ່ານ ລີ ໄດ້ຈັດການເຈລະຈາກັນ ນຶ່ງມື້ກ່ອນການປະຊຸມສຸດ ຍອດ ກັບຄູ່ຮ່ວມມື່ຍີ່ປຸ່ນຂອງພວກທ່ານ ຄືທ່ານ ຟູມິໂອະ ກິຊິດະ (Fumio Kishida) ຊຶ່ງເປັນການເຈລະຈາ 3 ຝ່າຍຄັ້ງທຳອິດໃນຮອບ 4 ປີປາຍ ຂອງພວກທ່ານ.
ທ່ານ ຢຸນ ບອກກັບທ່ານ ລີ ວ່າ ທັງສອງປະເທດຄວນເຮັດວຽກຮ່ວມກັນ ບໍ່ພຽງແຕ່ເພື່ອສົ່ງເສີມຜົນປະໂຫຍດຮ່ວມກັນ ໂດຍບໍ່ພຽງແຕ່ອີງໃສ່ການເຄົາລົບເຊິ່ງ ກັນແລະກັນເທົ່ານັ້ນ, ແຕ່ຍັງລວມເຖິງບັນຫາລະດັບພາກພື້ນ ແລະ ໃນທົ່ວໂລກເພື່ອແກ້ໄຂບັນດາສິ່ງທ້າທາຍຮ່ວມກັນ, ໂດຍກ່າວເຖິງສົງຄາມຢູເຄຣນ, ຄວາມ ຂັດແຍ້ງລະຫວ່າງອິສຣາແອລ ແລະ ກຸ່ມຮາມາສ ແລະ ຄວາມບໍ່ແນ່ນອນດ້ານເສດຖະກິດໃນທົ່ວໂລກ.
"ໃນຂະນະທີ່ ສ.ເກົາຫຼີ ແລະ ຈີນ ໄດ້ຜ່ານຜ່າຄວາມຫຍຸ້ງຍາກຕ່າງໆຮ່ວມກັນໃນຕະຫຼອດ 30 ປີຜ່ານມາ ແລະ ປະກອບສ່ວນເຂົ້າໃນການພັດທະນາ ແລະ ການເຕີບໂຕຂອງກັນ ແລະກັນ, ຂ້າພະເຈົ້າຫວັງວ່າຈະຍັງຄົງສືບຕໍ່ເພີ່ມທະວີການຮ່ວມມືລະຫວ່າງສອງປະເທດຕໍ່ໄປ ເຖິງແມ່ນວ່າຈະປະເຊີນກັບວິກິດການທີ່ສັບສົນລະດັບໂລກໃນປັດຈຸບັນນີ້ກໍຕາມ," ທ່ານ ຢຸນ ກ່າວໃນຕອນຕົ້ນຂອງ ການປະຊຸມ, ອີງຕາມຫ້ອງການຂອງທ່ານ.
ຟໍຣັມສະແດງຄວາມຄິດເຫັນ