ລັດຖະມົນຕີປ້ອງກັນປະເທດ ຈາກເກົາຫລີໃຕ້ແລະຈີນ ຈະທໍາການໂອ້ລົມກັນຢູ່ນະຄອນ
ຫລວງປັກກິ່ງຂອງປະເທດຈີນ ໃນເດືອນກຸມພາປີໜ້ານີ້ ເພື່ອປຶກສາຫາລືກັນ ເລື່ອງການ ເກາະຜິດທາງທະຫານຂອງເກົາຫລີເໜືອ ແລະບັນຫາຄວາມໝັ້ນຄົງອື່ນໆ ໃນຂົງເຂດ.
ເຈົ້າໜ້າທີ່ກະຊວງປ້ອງກັນປະເທດເກົາໃຕ້ທ່ານນຶ່ງກ່າວ ໃນວັນອາທິດມື້ນີ້ວ່າ ສ່ວນໃຫຍ່
ແລ້ວ ລັດຖະມົນຕີປ້ອງກັນປະເທດເກົາຫລີໃຕ້ ທ່ານ Kim Kwan-Jin ແລະຄູ່ຕໍາແໜ່ງ
ຝ່າຍຈີນຂອງທ່ານ ຄືທ່ານ Liang Guanglie ແມ່ນຈະປຶກສາຫາລືກັນ ໃນເລື່ອງກ່ຽວກັບ
ວ່າເຮັດວິທີໃດຈຶ່ງຈະເຮັດໃຫ້ການຮ່ວມມືດ້ານການທະຫານ ລາບລື່ນຄືນໃໝ່ອີກ ລະຫວ່າງ
ປະເທດທັງສອງ. ທ່ານກ່າວຕື່ມວ່າ ພວກເຈົ້າໜ້າທີ່ລະດັບປະຕິບັດການຈະພົບປະກັນໃນ
ເດືອນມັງກອນປີໜ້ານີ້ ເພື່ອຈັດວາງຫົວຂໍ້ຂອງການປະຊຸມ.
ອົງການຂ່າວຢົນຮັບຂອງເກົາຫລີໃຕ້ກ່າວວ່າ ໃນລະຫວ່າງການເຈລະຈາກັນນັ້ນ ທ່ານ Kim
Kwan-Jin ມີທ່າທີວ່າຈະຮຽກຮ້ອງໃຫ້ທ່ານ Liang ຈົ່ງເອົາໃຈໃສ່ພະຍາຍາມໃຫ້ໜັກໜ່ວງ
ຕື່ມອີກ ເພື່ອຍັບຍັ້ງການເກາະຜິດຕ່າງໆນາໆທາງທະຫານຂອງເກົາຫລີເໜືອນັ້ນ.
