ປະທານາທິບໍດີເກົາຫຼີໃຕ້ທ່ານ Lee Myung-bak ໄດ້ຮັບເອົາການລາອອກຂອງຜູ້ບັນຊາ
ການກອງທັບບົກ ທີ່ໄດ້ຖືກຕຳໜິຕິຕຽນກ່ຽວກັບການລົງທຶນໃນດ້ານຊັບສິນ ທີ່ຖືວ່າບໍ່
ເໝາະສົມ.
ກະຊວງປ້ອງກັນປະເທດເກົາຫຼີໃຕ້ກ່າວໃນວັນອັງຄານມື້ນີ້ວ່າ ເສນາທິການກອງທັບບົກ
ນາຍພົນ Hwang Eui-don ໄດ້ຍື່ນຄຳຮ້ອງອອກກິນເບ້ຍບຳນານໃນຕອນເຊົ້າຂອງ
ວັນອັງຄານມື້ນີ້. ທ່ານເປັນເຈົ້າໜ້າທີ່ອະວຸໂສຄົນທີ 2 ຂອງ ເກົາຫຼີໃຕ້ທີ່ໄດ້ຖືກສັບປ່ຽນ
ໃນຂະນະທີ່ຄວາມເຄັ່ງຕຶງກັບຄອມມູນິສເກົາຫຼີເໜືອ ພວມເພີ່ມທະວີຂຶ້ນ.
ໃນເດືອນແລ້ວນີ້ ລັດຖະມົນຕີປ້ອງກັນປະເທດຂອງເກົາຫຼີໃຕ້ທ່ານ Kim Tea-young ກໍໄດ້ລາອອກຫຼັງຈາກໄດ້ຖືກຕຳໜິຕິຕຽນວ່າຕອບໂຕ້ຊ້າແລະບໍ່ແຮງພໍຕໍ່ການໂຈມຕີຂອງ
ເກົາຫຼີເໝືອ ຕໍ່ເກາະດອນແຫ່ງນຶ່ງຂອງເກົາຫຼີໃຕ້ໃກ້ໆເຂດແດນທາງທະເລທີ່ມີການຂັດແຍ້ງ
ກັນນັ້ນ.
