ເກົາ​ຫຼີ​ໃຕ້ ຕົກ​ລົງ​ຈ່າຍ​ເງິນ​ເພີ້ມ ໃຫ້​ແກ່ ກຳ​ລັງ​ທະ​ຫານ​ ສະ​ຫະ​ລັດ

ເກົາຫຼີໃຕ້ ແລະສະຫະລັດ ໄດ້ເຊັນຂໍ້ຕົກລົງສະ​ບັບໃໝ່ໃນວັນອາທິດມື້ນີ້ ເພື່ອເພີ້ມຈຳ
ນວນເງິນທີ່ລັດຖະບານ ໂຊລ ຈະຈ່າຍໃຫ້ແກ່ ສະຫະລັດ ສຳລັບການມີກອງກຳລັງ
ຢູ່ໃນ ເກົາຫຼີໃຕ້. ເກົາຫຼີໃຕ້ ຈະຈ່າຍປະມານ 890 ລ້ານໂດລາ ພາຍໃຕ້ຂໍ້ຕົກລົງນຶ່ງປີ
ປະມານ 60 ລ້ານໂດລາ ຫຼາຍກວ່າປີກາຍນີ້.

​ຂໍ້ຕົກລົງດັ່ງກ່າວຕ້ອງຖືກອະນຸມັດໂດຍສະພາແຫ່ງຊາດ ເກົາຫຼີໃຕ້. ຂໍ້ຕົກລົງສະບັບ
ໃໝ່ໄດ້ຂຶ້ນຄ່າໃຊ້ຈ່າຍຂອງລັດຖະບານ ໂຊລ ເຖິງ 8.2 ເປີເຊັນ ເພື່ອຊ່ວຍໃນການ
ຮັກສາກຳລັງທະຫານ ສະຫະລັດ 28,500 ຄົນ ໄວ້ຢູ່ໃນ ເກົາຫຼີໃຕ້.

ສະຫະລັດ ໄດ້ມີກຳລັງທະຫານຢູ່ ເກົາຫຼີໃຕ້ ນັບຕັ້ງແຕ່ສະໄໝສົງຄາມ ເກົາຫຼີ ປີ
1950-1953 ເປັນຕົ້ນມາ.

​

ອ່ານ​ຂ່າວ​ນີ້​ເພີ້ມ​ເປັນ​ພາ​ສາ​ອັງ​ກິດ