ຈີນກຳລັງປະເຊີນໜ້າກັບວິກິດການດ້ານປະຊາສຳພັນຫລັງຈາກສານນາໆຊາດໄດ້ຕັດສິນປະຕິເສດ ຕໍ່ການອ້າງກຳມະສິດຂອງຈີນ ເອົາທະເລຈີນໃຕ້ ເກືອບທັງໝົດນັ້ນ.
ເກືອບສາມປີມາແລ້ວຈີນໄດ້ທຳການໂຈມຕີຢ່າງບໍ່ລົດລະກ່ຽວກັບຄວາມຖືກຕ້ອງຊອບທຳ ຂອງສານນາໆຊາດ ພາຍໃຕ້ສົນທິສັນຍາ ວ່າດ້ວຍກົດໝາຍທາງທະເລ ຫລື UNCLOS ຂອງສະຫະປະຊາຊາດ ແລະປະເທດຟີລິບປິນທີ່ເປັນຄູ່ປໍລະປັກນັ້ນ.
ປັກກິ່ງ ໄດ້ອ້າງເອົາອະທິປະໄຕ ສິດທິຕາມກົດໝາຍ ແລະປະຫວັດສາດ ໃນບໍລິເວນ 90 ກວ່າເປີເຊັນ ຂອງທະເລຈີນໃຕ້. ແຕ່ພາສາ ທີ່ພວກຜູ້ນຳຂອງຈີນໄດ້ນຳໃຊ້ ເພື່ອສະໜັບ ສະໜຸູນການອ້າງກຳມະສິດແລະບ່ອນທຳລາຍສານດັ່ງກ່າວ ເຮັດໃຫ້ມີຄວາມຫຍຸ້ງຍາກຕື່ມຂຶ້ນ ທີ່ຈະດຳເນີນການເພື່ອກ້າວໄປໜ້າ.
ທ່ານ Scott Kennedy ຮອງຜູ້ອຳນວຍການອົງການ Freeman Chair ໃນການສຶກສາກ່ຽວກັບຈີນຢູ່ທີ່ສະຖາບັນຍຸດທະສາດແລະການສຶກສານາໆຊາດທີ່ນະຄອນວໍຊິງຕັນກ່າວວ່າ ຈີນໄດ້ວາດພາບຕົນເອງວ່າຖືກປ້ອງເຂົ້າແຈ ແລະມີທ່າທາງວ່າຈະສືບຕໍ່ແຕ້ມສີໃສ່ຝາໂດຍບໍ່ມີຜົນກະທົບໃດໆ ມີແຕ່ຈະແຍກເຂົາເຈົ້າ ອອກຈາກປະເທດສ່ວນໃຫຍ່ເທົ່ານັ້ນ.
