ລັດຖະມົນຕີ ຕ່າງປະເທດ ສະຫະລັດ ທ່ານ John Kerry ອີກ
ຄັ້ງນຶ່ງ ໄດ້ສະແດງຄວາມເປັນຫ່ວງ ກ່ຽວກັບຄວາມພະຍາຍາມ
ເພື່ອສ້າງເກາະ ດອນຢ່າງໃຫຍ່ ໃນທະເລຈີນໃຕ້.
ທ່ານ Kerry ໄດ້ພົບປະກັບ ລັດຖະມົນຕີຕ່າງປະເທດຈີນ ຢູ່
ນອກກອງປະຊຸມຂອງສະມາຄົມບັນດາປະເທດຊາດໃນເຂດເອ
ເຊຍອາຄະເນ ຫລືອາຊຽນທີ່ມີສະມາຊິກ 10 ປະເທດໃນວັນພຸດ
ມື້ນີ້ ບ່ອນທີ່ເຈົ້າໜ້າທີ່ຂັ້ນ ສູງກະຊວງຕ່າງປະເທດສະຫະລັດ
ກ່າວວ່າ ທ່ານໄດ້ກ່າວຢ້ຳເຖິງຄວາມ ເປັນຫ່ວງຂອງທ່ານ ກ່ຽວ
ກັບຄວາມເຄັ່ງຕຶງທີ່ເພີ້ມທະວີຂຶ້ນໃນການອ້າງ ກຳມະສິດ ທີ່ເປັນ
ບັນຫາໂຕ້ຖຽງ ໃນເສັ້ນທາງເດີນເຮືອ ທີ່ມີເຮືອໄປມາຫລາຍທີ່ສຸດ
ແຫ່ງນຶ່ງໃນໂລກ ແລະການຖົມເກາະດອນຢ່າງໃຫຍ່ ຂອງ ຈີນ ການກໍ່ສ້າງ ແລະເຮັດໃຫ້
ເຂດດັ່ງກ່າວ ມີລັກສະນະທາງທະຫານ.
ທ່ານ Kerry ກ່າວຢູ່ໃນການເປີດກອງປະຊຸມລະດັບລັດຖະມົນຕີຂອງ ອາຊຽນກັບສະຫະ
ລັດວ່າ “ສະຫະລັດ ມີຄວາມຮູ້ສຶກແບບດຽວກັນ ກັບ ຄວາມປາຖະໜາທີ່ສະແດງອອກຢູ່ເລື້ອຍໆ ຂອງສະມາຊິກ ASEAN ເພື່ອຮັກສາໄວ້ຊຶ່ງສັນຕິພາບ ແລະສະຖຽນລະພາບ ຢູ່
ທະເລຈີນໃຕ້.”
ທ່ານກ່າວເພີ້ມອີກວ່າ ສະມາຄົມອາຊຽນຕ້ອງການຢາກ “ເຫັນການໂຕ້ແຍ້ງຢູ່ໃນຂົງເຂດ
ໄດ້ຮັບການແກ້ໄຂຢ່າງສັນຕິແລະຢູ່ບົນພື້ນຖານກົດ ໝາຍສາກົນ.”
ຈີນ ໄດ້ສ້າງບັນດາເກາະທຽມ ຢູ່ໃນເຂດນ່ານນໍ້າ ທີ່ຫວຽດນາມ ມາເລເຊຍ ໄຕ້ຫວັນ ແລະ
ຟິລິບປີນ ໄດ້ອ້າງເອົາກຳມະສິດກວມກັນ.
ສະຫະລັດ ແລະຟິລິບປີນ ໄດ້ຮຽກຮ້ອງໃຫ້ຈີນ ຢຸດໂຄງການຖົມເກາະ ຕ່າງໆ. ຈີນ ໄດ້ປະ
ຕິເສດຕໍ່ການຕິຕຽນໃນຄວາມພະຍາມຂອງຕົນແລະ ປະຕິເສດບໍ່ຍອມເຂົ້າພົວພັນໃນສົນທະນາ ຢູ່ບ່ອນເຕົ້າໂຮມ ຄືດັ່ງກອງປະຊຸມ ASEAN.
ຢູ່ໃນຖະແຫລງຂ່າວຂອງກະຊວງຕ່າງປະເທດອາທິດນີ້ ທ່ານ Wang ກ່າວວ່າ ເລື້ອງທະ
ເລຈີນໃຕ້ “ບໍ່ໄດ້ເປັນບັນຫາລະຫວ່າງ ຈີນ ແລະ ASEAN” ແລະຈະບໍ່ເປັນຜົນກະທົບ “ຕໍ່ການຮ່ວມມືທີ່ໃຫຍ່ກວ່ານັ້ນ” ລະຫວ່າງທັງສອງຝ່າຍ.
ນັກວິເຄາະ Greg Poling ທີ່ສຸູນກາງ ຍຸດທະສາດ ແລະການສຶກສານາໆຊາດ ກ່າວວ່າ
“ວິທີທີ່ທ່ານໄດ້ຮັບການແກ້ໄຂ ກ່ຽວກັບບັນຫາຂັດ ແຍ້ງໃນທະເລຈີນໃຕ້ ທີ່ເກືອບຈະເກີດ
ການລະເບີດຢ່າງເຕັມທີ່ຢູ່ແລ້ວ ນັ້ນ ກໍຄືວ່າ ຖ້າຫາກຈີນຕັດສິນວ່າ ມັນເປັນການເສຍ
ຫາຍຮ້າຍແຮງຕໍ່ ພາບພົດຂອງຕົນ ໃນຖານະມະຫາອຳນາດທີ່ພວມມີອິດທິພົນເພີ້ມຂຶ້ນ
ທີ່ມີຄວາມຮັບຜິດຊອບນັ້ນ.”
