ລິ້ງ ສຳຫລັບເຂົ້າຫາ

ວັນພຸດ, ໒໒ ພຶດສະພາ ໒໐໒໔

ສຫລ ກ່າວວ່າ ການປະພຶດຂອງຈີນ ຢູ່ທະເລຈີນໃຕ້ ນຳໄປສູ່ ການຢູ່ໂດດດ່ຽວ


ຮູບພາບທາງອາກາດ ຈາກເຮືອບິນທະຫານ ສຫລ ສະແດງໃຫ້ ເຫັນການຂຸດລອກເກາະນຶ່ງ ໃນໝູ່ເກາະ Spratly ທີ່ ທະເລຈີນໃຕ້.
ຮູບພາບທາງອາກາດ ຈາກເຮືອບິນທະຫານ ສຫລ ສະແດງໃຫ້ ເຫັນການຂຸດລອກເກາະນຶ່ງ ໃນໝູ່ເກາະ Spratly ທີ່ ທະເລຈີນໃຕ້.

ການ​ເຄື່ອນ​ໄຫວ​ຂອງ​ຈີນ ​ຢູ່​ທະ​ເລ​ຈີນ​ໃຕ້ ພາ​ໃຫ້​ມີ​ການ​ໂດດ
ດ່ຽວ​ຕົນ​ເອງໂດຍ​ກະ​ຕຸກ​ຊຸກຍູ້​ໃຫ້​ບັນດາ​ປະ​ເທດ​ເພື່ອນ​ບ້ານ​ຢູ່​
ໃນ​ຂົງ​ເຂດ​ຫັນ​ມາ​ຕໍ່ຕ້ານ​ປັກ​ກິ່ງ ອີງຕາມ​ຄຳ​ເວົ້າ ຂອງ​ລັດຖະ
ມົນຕີ​ກະຊວງ​ປ້ອງ​ກັນ​ປະ​ເທດ​ສະຫະລັດ ທ່ານ Ash Carter.

ທ່ານ Carter ກ່າວ​ຕໍ່​ບັນດາ​ສະມາຊິກ​ຂອງ​ຄະ​ນະກຳມະການ​
ຈັດ​ສັນ​ງົບປະມານ ຂອງ​ສະພາ​ຕ່ຳ​ສະຫະລັດ ​ໃນ​ວັນ​ພະຫັດ​
ວານ​ນີ້ວ່າ ການ​ຂຸດ​ລອກ​ແລະ​ຈັດ​ສົ່ງ​ອຸບ ປະກອນ​ທາງ​ທະຫານ
​ຂອງ​ຈີນ ​ໄປ​ຍັງ​ໝູ່​ເກາະ​ໝູ່​ດອນ​ທີ່​ມີ​ການ​ຂັດ​ແຍ້​ງຢູ່​ທະ​ເລຈີນ
​ໃຕ້ນັ້ນ ​ເຮັດ​ໃຫ້​ທັງ​ພັນທະ​ມິດ​ເກົ່າ​ຂອງ​ສະຫະລັດ ​ເຊັ່ນ​ຍີ່ປຸ່ນ
​ແລະ​ຟີ​ລິບ​ປິນ ​ແລະ​ພັນທະ​ມິ​ດ​ໃໝ່ ​ເຊັ່ນ​ຫວຽດນາມ​ແລະ​ອິນ
​ເດຍ​ ​ເຮັດ​ວຽກ​ຮ່ວມ​ກັນ​ກັບ​ສະຫະ ລັດ​ເພີ້ມຂຶ້ນ.

ທ່ານ Carter ກ່າວ​ວ່າ ​ເຫດຜົນ​ທີ່​ວ່າ​ກິດຈະກຳ​ເຫລົ່ານີ້ພວມ​ໄດ້​ຮັບ​ຄວາມ​ສົນ​ໃຈ ບໍ່​ແມ່ນ​
ຍ້ອນ​ສະຫະລັດ​ໄດ້​ເຮັດ​ສິ່ງ​ໃດ​ສິ່ງ​ນຶ່ງ​ໃໝ່ໆ. ພວກ​ເຮົາ​ເຄີຍເດີນ​ເຮືອ ຢູ່​ໃນ​ທະ​ເລ​ຈີນ​ໃຕ້​ມາ
​ດົນ​ນາ​ນ​ແລ້ວ ​ແລະ​ກໍ​ຈະ​ດຳ​ເນີນ​ຕໍ່​ໄປ​ໃນ​ການ​ເດີນ​ເຮືອ​ດັ່ງ ກ່າວ​ ຢູ່​ບ່ອນ​ໃດ​ກໍ​ຕາມ​ທີ່
​ກົດໝາຍ​ນາໆຊາດ​ອະນຸຍາດ​ໃຫ້.

ຈີນ​ອ້າງ​ເອົາ​ກຳມະສິດ​ສ່ວນ​ໃຫຍ່​ຢູ່​ໃນ​ທະ​ເລ​ຈີນ​ໃຕ້​ວ່າ​ເປັນ​ຂອງ​ຕົນ ​ແລະ​ການອ້າງ​ກຳ
ມະ​ສິດ​ຂອງ​ຈີນ​ໄດ້​ກວມ​ກັບໄຕ້​ຫວັນ ຫວຽດນາມ ຟີ​ລິບ​ປິນ ມາ​ເລ​ເຊຍ ​ແລະ​ບຣູນາຍ. ​
ໃນ​ໄລຍະ​ສອງ​ສາມ​ປີມາ​ນີ້ ຈີນ​ໄດ້​ລິ​ເລີ້ມ​ໂຄງການ​ທີ່​ມີ​ຄວາມທະ ​ເຍີ​ທະຍານ​ສູງ ​ເພື່ອ
​ກໍ່ສ້າງ​ເກາະດອນ​ທຽມ​ຂຶ້ນ ​ໃນ​ທະ​ເລ​ທີ່​ສອກຫລີກ​ຫ່າງ​ໄກ​ທີ່ ສາມາດ​ໃຫ້ການ​ສະໜັບ
ສະໜຸນ​ຕໍ່​ການ​ສ້າງ​ສະໜາມບິນ​ແລະ​ຕິດຕັ້ງອຸບປະກອນ ທາງ​ທະຫານ​ຕ່າງໆ.

ພາບຖ່າຍຈາກດາວທຽມ ສະແດງໃຫ້ເຫັນ ຕຶກ ແລະການຂະຫຍານທາງທະຫານ ທີ່ ເກາະ Woody ໃນທະເລຈີນໃຕ້.
ພາບຖ່າຍຈາກດາວທຽມ ສະແດງໃຫ້ເຫັນ ຕຶກ ແລະການຂະຫຍານທາງທະຫານ ທີ່ ເກາະ Woody ໃນທະເລຈີນໃຕ້.

ພົນ​ເຮືອ​ເອກ Harry Harris ຜູ້​ບັນຊາ​ການ​ກຳລັງ​ສະຫະລັດ​ ໃນ​ເຂດ​ມະຫາ​ສະມຸດ​ປາຊີ​
ຟິກກ່າວ​ຕໍ່​ພວກ​ນັກ​ຂ່າວ​ທີ່​ທຳນຽບຫ້າ​ແຈ​ໃນ​ວັນ​ພະຫັດ​ວານ​ນີ້ວ່າຈີນ​ໄດ້ ຖົມດິນ​ເພື່ອ​ສ້າງ
​ຄ້າຍ​ທະຫານ​ໃນ​ພື້ນທີ່​ເກືອບ 3,000 ​ເອ​ເຄີ້ຢູ່​ໃນ​ທະ​ເລ​ຈີນ​ໃຕ້.

​ໃນ​ອາທິດແລ້ວນີ້ ຮູບ​ຖ່າຍ​ຈາກ​ດາວ​ທຽມ​ຂອງ​ບໍລິສັດ ISI (ImageSat Inter-national)
ທີ່​ນຳ​ອອກ​ເຜີຍ​ແຜ່ນັ້ນສະ​ແດ​ງ​ໃຫ້​ເຫັນ​ວ່າ ​ໄດ້​ມີ​ການ​ຕິດຕັ້ງລູກ​ສອນ ​ໄຟ​ທີ່​ກ້າວໜ້າ​ທັນ
​ສະ​ໄໝຍິງ​ຈາກ​ພາກພື້ນດິນ​ສູ່​ອາກາດ ຢູ່​ທີ່​ເກາະ Woody ຊຶ່ງ​ຍັງ​ເປັນ​ບັນຫາໂຕ້​ແຍ້​ງ​ໃນ​
ທະ​ເລ​ຈີນ​ໃຕ້. ​ເຈົ້າໜ້າ​ທີ່​ສະຫະລັດ​ຄົນ​ນຶ່ງ​ໃຫ້ການ​ຢືນ ຢັນ​ ກ່ຽວ​ກັບ​ການ​ຕິດຕັ້ງລູກ​ສອນ
​ໄຟ​ດັ່ງກ່າວ​ກັບ​ວີ​ໂອ​ເອ ​ແລະ​ເວົ້າວ່າ ທຳນຽບຫ້າ​ແຈ​ແມ່ນ​ມີ​ຄວາມ​ວິຕົກ​ກັງວົນ.

US Pentagon South China Sea
please wait

No media source currently available

0:00 0:00:39 0:00

XS
SM
MD
LG