ສິງກະໂປໄດ້ຮຽກຮ້ອງໃຫ້ຈີນລະບຸການກ່າວອ້າງຂອງຕົນເອົາເຂດນໍ້າແດນດິນໃນທະເລຈີນໃຕ້ ອອກມາຢ່າງລະອຽດຄັກແນ່.
ໃນຖະແຫລງການທາງການສະບັບນຶ່ງໃນວັນຈັນມື້ນີ້ ກະຊວງການຕ່າງປະເທດສິງກະໂປກ່າວວ່າ ມັນນອນຢູ່ໃນຜົນປະໂຫຍດຂອງຈີນເອງ ທີ່ຈະບອກມາຢ່າງແຈ້ງຂາວກ່ຽວກັບເຂດແດນທ່ີຕົນອ້າງເອົາກໍາມະສິດນັ້ນ ແລະວ່າ ການກ່າວອ້າງທີ່ບໍ່ແຈ້ງຂາວໃນປັດຈຸບັນນີ້ພາໃຫ້ເກີດຄວາມເປັນຫ່ວງຂຶ້ນມາໃນບັນດາປະເທດທີ່ຕັ້ງຢູ່ອ້ອມແອ້ມທະເລຈີນໃຕ້ນັ້ນ.
ຖະແຫລງການດັ່ງກ່າວນີ້ມີຂຶ້ນ ໃນຂະນະທີ່ສິງກະໂປຕ້ອນຮັບກໍາປັ່ນ Haixun 31 ຂອງຈີນ
ທີ່ເຂົ້າຢ້ຽມຢາມທ່າເຮືອຂອງສິງກະໂປ. ກໍາປັ່ນ Haixun 31 ເປັນນຶ່ງໃນບັນດາກໍາປັ່ນລາດ
ຕະເວນທາງທະເລທີ່ໃຫຍ່ທີ່ສຸດຂອງຈີນແລະກໍເປັນເທື່ອທໍາອິດທີ່ກໍາປັ່ນໃຫຍ່ຂະໜາດນີ້ຂອງ
ຈີນໄດ້ເຂົ້າຈອດທຽບທ່າເຮືອຂອງອີກປະເທດນຶ່ງ.
ສິງກະໂປກ່າວເນ້ນວ່າ ຕົນບໍ່ໄດ້ອ້າງເອົາດິນແດນໃດໆໃນທະເລຈີນໃຕ້ແລະຕົນບໍ່ໄດ້ເອົາທ່າ
ທີໃດໆກ່ຽວກັບການກ່າວອ້າງເອົາດິນແດນທີ່ເປັນບັນຫາຂັດແຍ້ງກັນຂອງຈີນແລະຂອງລັດ
ຖະບານ 5 ປະເທດອື່ນໆ. ແຕ່ສິງກະໂປກ່າວວ່າ ໃນຖານະທີ່ເປັນປະເທດຄ້າຂາຍລາຍ
ໃຫຍຕົນມີຜົນປະໂຫຍດອັນສໍາຄັນໃນການຮັກສາໃຫ້ມີການເດີນເຮືອຢ່າງເສລີຜ່ານຂົງເຂດ
ນີ້.
