ບັນດາສະມາຊິກສະພາຂອງລັດ South Carolina ໄດ້ອະນຸມັດ
ມາດຕະການເພື່ອຍົກຍ້າຍທຸງສະຫະພັນລັດພາກໃຕ້ ສະໄໝສົງ
ຄາມກາງເມືອງ ອອກຈາກພື້ນທີ່ ຂອງສະພາ ໃນເມືອງຫຼວງ Co-
lumbia ຂອງລັດ South Carolina.
ຮ່າງກົດໝາຍດັ່ງກ່າວ ໄດ້ຖືກຮັບຮອງໃນຕົ້ນຕອນເຊົ້າຂອງວັນ
ພະຫັດມື້ນີ້ດ້ວຍຄະແນນສຽງ 94 ຕໍ່ 20 ໃນການພິຈາລະນາຄັ້ງ
ທີ 3 ແລະ ສຸດທ້າຍ, ຫຼັງຈາກໃຊ້ເວລາໃນການອະພິປາຍຫຼາຍ
ກວ່າ 13 ຊົ່ວໂມງ. ຜູ້ຄັດຄ້ານຕໍ່ຮ່າງກົດໝາຍນີ້, ເຊິ່ງໄດ້ຮັບການເຫັນດີ ໂດຍຄະແນນສຽງ
ຖ້ວມລົ້ນຂອງສະພາສູງລັດໃນວັນອັງຄານທີ່ຜ່ານມາ ໄດ້ສະເໜີບົດເພີ້ມເຕີມຫຼາຍກວ່າ 60
ຂໍ້ໃນລະຫວ່າງການອະພິປາຍເຊິ່ງແນໃສ່ການເລື່ອນເວລາຫຼືເປັນໄປໄດ້ກໍຍົກເລີກການຮັບ
ຮອງເອົາໃນທີ່ສຸດ.
ຜູ້ປົກຄອງລັດທ່ານນາງ Nikki Haley ໄດ້ກ່າວໃນ Facebook ຂອງ ທ່ານນາງວ່າ “ມັນແມ່ນມື້ໃໝ່ໃນລັດ South Carolina ເປັນມື້ທີ່ພວກເຮົາທຸກຄົນສາມາດມີຄວາມພາກພູມໃຈ, ມື້ໜຶ່ງທີ່ສາມາດນຳເອົາພວກເຮົາທຸກຄົນມາຢູ່ຮ່ວມກັນໂດຍແທ້ຈິງ ໃນຂະນະທີ່ພວກເຮົາສືບຕໍ່ຫາທາງກັບຄືນມາດີກັນ ດັ່ງກັບຄົນໜຶ່ງດຽວກັນ ແລະ ລັດໜຶ່ງດຽວກັນ.”
ໃນການລົງຄະແນນສຽງຂອງວັນພະຫັດມື້ນີ້ ເປັນການສະຫຼຸບຄວາມພະຍາຍາມອັນເຄັ່ງຕຶງ ເຊິ່ງໄດ້ເລີ່ມຂຶ້ນຫຼັງຈາກ 9 ຄົນຢູ່ໃນໂບດຄົນຜິວດຳທີ່ເມືອງ Charleston ຖືກຂ້າຕາຍໃນຂະນະທີ່ກຳລັງສຶກສາຄຳພີ ໄບໂບ ໃນວັນທີ 17 ກໍລະກົດ. ຕໍ່ມາໄດ້ມີການປະກົດໃຫ້ເຫັນຮູບຂອງມີປືນຄົນຜິວຂາວ, ທ້າວ Dylann Roof, ຖືທຸງສະຫະພັນລັດພາກໃຕ້, ເຊິ່ງຊາວຜິວດຳຫຼາຍຄົນຖືວ່າ ເປັນສັນຍາລັກຂອງສະໄໝ ການແບ່ງແຍກລະຫວ່າງ ຂ້າທາດ ແລະນາຍທາດທີ່ເປັນຄົນຜິວ ຂາວ ຢູ່ໃນພາກໃຕ້ຂອງສະຫະລັດ.
ຜູ້ຖືກເຄາະຮ້າຍລວມມີ ທ່ານ Clementa Pinckney, ສະມາຊິກສະພາສູງລັດ ແລະພະ ປະຈຳໂບດ Emanuel Methodist Episcopal.
ຜູ້ປົກຄອງລັດ ທ່ານ ນາງ Haley ໄດ້ຮຽກຮ້ອງໃຫ້ມີການຍົກຍ້າຍທຸງດັ່ງກ່າວຫຼັງຈາກການສັງຫານໝູ່ຢູ່ໂບດ Emanuel ໂດຍປະຕິເສດຕໍ່ຄວາມເຫັນ ຂອງຜູ້ສະໜັບສະໜູນ ທີ່ກ່າວວ່າ ມັນເປັນສັນຍາລັກຂອງປະຫວັດສາດ ແລະ ມໍລະດົກຂອງລັດພາກໃຕ້.
ທຸງນັ້ນຈະຖືກຍົກຍ້າຍພາຍໃນ 24 ຊົ່ວໂມງຫຼັງຈາກທ່ານນາງ Haley ລົງນາມໃນຮ່າງກົດ
ໝາຍ. ແລະ ທຸງກໍຈະຖືກນຳໄປວາງສະແດງໄວ້ໃນຫໍພິພິທະພັນ.
