ອາການຂອງທ່ານ Mandela ຍັງສາຫັດ ແຕ່ທຸ່ນທ່ຽງ (ວີດິໂອ/ສະໄລດ໌)

ລັດຖະບານອາຟຣິກາໃຕ້ເວົ້າວ່າ ອະດີດປະທານາທິບໍດີ
Nelson Mandela ຍັງມີອາການ “ສາຫັດ ແຕ່ກໍຍັງທຸ່ນ
ທ່ຽງຢູ່” ໃນຂະນະທີ່ທ່ານສືບຕໍ່ນອນຮັກສາຕົວຢູ່ໂຮງໝໍແຫ່ງ
ນຶ່ງໃນນະຄອນຫລວງ Pretoria ເປັນມື້ທີສາມເພື່ອປົວໂຣກ
ປອດອັກເສບ ທີ່ກັບມາຄືນອີກ.

ຫ້ອງການຂອງປະທານາທິບໍດີ Jacob Zuma ເວົ້າຢູ່ໃນຖະ
ແຫລງການສະບັບທີ່ນໍາອອກເຜີຍແຜ່ ໃນວັນຈັນມື້ນີ້ວ່າ ສຸຂະ
ພາບຂອງທ່ານ Mandela ຍັງບໍ່ມີຫຍັງປ່ຽນແປງ ນັບແຕ່
ທ່ານໄດ້ເຂົ້າໂຮງໝໍໃນວັນເສົາຜ່ານມາ.


ເບິ່ງວີດິໂອເລື້ອງ ຜູ້ຄົນສວດມົນພາວະນາ ໃຫ້ທ່ານແມນເດລາ ຫາຍວັນຫາຍຄືນ :



ບຸກຄົນທີ່ໄດ້ຮັບຄວາມຊື່ນຊົມຍົກຍ້ອງຍ້ອນການຕໍ່ສູ້ຕ້ານການແບ່ງແຍກສີຜີວ ອາຍຸ 94
ປີທ່ານນີ້ ໄດ້ເຂົ້າໂຮງໝໍສີ່ຄັ້ງແລ້ວ ນັບແຕ່ເດືອນທັນວາປີກາຍນີ້ເປັນຕົ້ນມາ.

ໃນວັນອາທິດວານນີ້, ພວກໄປສວດມົນພາວະນາຢູ່ທົ່ວປະເທດ ໄດ້ພາກັນໄຫວ້ວອນຂໍ
ໃຫ້ທ່ານ Mandela ທີ່ຊາວອາຟຣິກາໃຕ້ຫລາຍຄົນຖືວ່າເປັນບິດາຂອງປະເທດນັ້ນ ຫາຍ
ຈາກຄວາມເຈັບປ່ວຍ.

ທ່ານ Andrew Mlangeni ເພື່ອນຄົນນຶ່ງຂອງທ່ານ Mandela ໄດ້ກ່າວຕໍ່ໜັງສືພິມ
Sunday Times ວ່າ ລັດຖະບູລຸດທີ່ໄດ້ຮັບຄວາມຊື່ນຊົມຍ້ອງຍໍໃນລະດັບສາກົນທ່ານນີ້
ອາດບໍ່ສາມາດກັບຫາຍດີໄດ້ ແລະທ່ານໄດ້ຂໍໃຫ້ສະມາຊິກຄອບຄົວຂອງທ່ານ “ປ່ອຍໃຫ້
ທ່ານໄປ.” ທ່ານ Mlangeni ເວົ້າອີກວ່າ “ຫາກເມື່ອໃດຄອບຄົວຂອງທ່ານ ປ່ອຍໃຫ້ທ່ານ
ໄປແລ້ວ ປະຊາຊົນໃນອາຟຣິກາໃຕ້ກໍຈະເຮັດຕາມ.”


ເບິ່ງສະໄລດ໌ກ່ຽວກັບຂ່າວນີ້: