ຊາວອາຟຣິກາໃຕ້ ໄປປ່ອນບັດ ເລືອກຕັ້ງ ໃນທົ່ວປະເທດ (ວີດີໂອ)

ຊາວ​ອາ​ຟຣິກາ​ໃຕ້​ຫລາຍ​ລ້ານ​ຄົນ ພາກັນ​ປ່ອນ​ບັດ​
ເລືອກ​ຕັ້ງ​ໃນທົ່ວ​ປະ​ເທດ​ໃນ ​ວັ​ນພຸດ​ມື້​ນີ້.

​ເປັນ​ເທຶຶ່ອທຳ​ອິດ ທີ່​ບັນດາຜູ້ມີສິດ​ເລືອກ​ຕັ້ງ ແມ່ນ​ຮວມ​
ທັງອັນ​ທີ່​ຮ້ອງວ່າ ຮຸ້ນ​ທີ່ “​ເກີດ​ມາ​ຢ່າງເສລີ” ໂດຍມີ​ວັນ​
ເກີດ ຫລັງ​ຈາກລະບອບການ​ປົກຄອງ​ແບ່ງ​ແຍກ​ເຊື້ອ
ຊາດຜິວ​ພັນ ​ໃນ​ອາ​ຟຣິກາໃຕ້ໄດ້​ສີ້​ນສຸດ​ລົງ ​ໃນ​ເດືອນ
​ເມສາ ປີ 1994. ​

ຜູ້​ມີ​ສິດ​ປ່ອນ​ບັດ​ຈຳນວນ​ນຶ່ງກ່າວ​ວ່າ ​ເຂົາ​ເຈົ້າ​ມີ​ຄວາມ​ຜິດ
​ຫວັງທີ່ພັກຄອງແກຣັສ ແຫ່ງຊາດອາຟຣິກາຫຼື ANC ​ບໍ່ສາ
ມາດທີ່ຈະຂະຫຍາຍການ​ບໍລິການພື້ນຖານທີ່ ຈຳ​ເປັນຕ່າງໆ ເຊັນ​ວ່າ ນຳ້​ສະອາດ ​ແລະ
​ໄຟຟ້າ​ໃຊ້ ໃຫ້​ແກ່​ຊາວ​ອາ​ຟຣິກາໃຕ້. ອີກ​ຈຳນວນ​ນຶ່ງແມ່ນ​ພາກັນ​ບໍ່ພໍໃຈ​ນຳ​ຄື້ນຟອງ
​ໃນການກ່າວ​ຫາກ່ຽວກັບການ​ສໍ້​ລາດ​ບັງ​ຫລວງ ທີ່​ມີຕໍ່ຜູ້ນຳພັກ ANC ຄື ປະທານາທິ
ບໍດີ Jacob Zuma.

​ແຕ່​ການຢັ່ງຫາງສຽງສະແດງໃຫ້ເຫັນ​ວ່າ ພັກ ANC ຍັງ​ຄາດວ່າ ຈະ​ໄດ້ຮັບ​ຄະແນນ
ສຽງ​ປະຊາຊົນຫລາຍ​ກວ່າ 60 ​ເປີ​ເຊັນ​ ທີ່​ຈະອຳນວຍ​ໃຫ້ທ່ານ Zuma ຢູ່​ໃນ​ຕຳ​ແໜ່​ງ
ເປັນສະໄໝທີ​ສອງ​ ຕື່ມອີກ​ຫ້າ​ປີ.

ຜົນ​ການ​ເລືອກ​ຕັ້ງ​ຄາດ​ວ່າ ​ຈະເປັນທີ່ຮູ້ກັນ ໃນ​ວັນ​ທີ 10 ​ເດືອນ​ພຶດສະພາ​ນີ້​.