ສບາຍດີທ່ານແຟນລາຍການສຽງເພງຈາກແດນໄກທຸກໆທ່ານ. ທ່ານຜູ້ຟັງເຊື່ອແບບວັນນະສອນບໍ່ວ່າ ດົນຕີຄືພາສາທີ່ຈະເຊື່ອມໂຍງໃຫ້ທຸກຄົນ ທຸກຊາດ ທຸກສາສະໜາເຂົ້າມາຫາກັນໄດ້ ແບບບໍ່ມີຂອບເຂດຈໍາກັດ. ປະຈຸບັນນີ້ ວົງການເພງຂອງສປປ ລາວ ກໍນັບມື້ນັບຈະຂະຫຍາຍຕົວກ້ວາງອອກໄປເລື້ອຍໆ ໄດ້ພັດທະນາຂຶ້ນຢ່າງຕໍ່ເນື່ອງ ມີການເປີດກວ້າງແລະກໍຍອມຮັບສິ່ງໃໝ່ໆເຂົ້າມາ ບໍ່ວ່າຈະເປັນເພງປະເພດໃດ ນັກຮ້ອງນັກສິນລະປິນ ມີຫຼາກຫຼາຍສະໄຕລ໌ ປະສົມປະສານທັງຍັງຮັກສາຕົ້ນສະບັບເພງລາວໄວ້ເຊັ່ນກັນ ມີທັງປະເພດ Hip Hop ເອົາໃຈໄວລຸ້ນ ສ່ວນເພງຣ໊ອກເບົາໆ ທີ່ຈະຫຼິ້ນໃຫ້ຟັງຕໍ່ໄປນີ້ ເປັນຜົນງານເພງຂອງ ສຸກ ສິນລະປິນນໍ້າສຽງດີ ທີ່ຖືກຈັດໃຫ້ຢູ່ໃນອັນດັບຕົ້ນໆໃນສປປ ລາວ ພຸ້ນລະ. ຂໍເຊີນທ່ານລອງຟັງເພງໄປກ່ອນດີກວ່າ ວ່າມັນຈະເເທງໃຈທ່ານຜູ້ຟັງໄດ້ຫຼືບໍ່?
ບັດນີ້ຈະຂໍຫຼິ້ນເພງ "ເງິນ" ຂອງອາຈານ ຄໍາຫຼ້າ ໜໍ່ແກ້ວໃຫ້ຟັງ ຊຶ່ງທ່ານສີຄວນ ໂຄດມະນີວົງ ຂຽນເຂົ້າມາຂໍຟັງໃນຄັ້ງກ່ອນ ທີ່ວັນນະສອນຕິດຄ້າງໄວ້ ເພງ "ເງິນ" ນີ້ຖືກຈັດໃຫ້ເປັນ ເພງ classic ໄປແລ້ວ ເພາະວ່າຟັງຍາມໃດ ປະທັບໃຈຍາມນັ້ນ ຫວັງວ່າ ທ່ານສີຄວນ ຄົງດີໃຈແລ້ວ ແລະໃນອານາຄົດຂ້າງໜ້ານີ້ ຄົງເຫັນຂຽນເຂົ້າມາຂໍຟັງອີກ ເຊີນຮັບຟັງໄດ້.
Facebook ຊຶ່ງເປັນສື່ online ທີ່ເຮັດໃຫ້ໂລກແຄບລົງເພາະໄດ້ຕິດຕໍ່ຫາກັນຢ່າງສະດວກສະບາຍ ລວດເລວທັນໃຈ ຊຶ່ງກໍມີຜູ້ຟັງທີ່ໄດ້ຂຽນຂໍເພງຜ່ານທາງ FB ມາຢ່າງຕໍ່ເນື່ອງຜູ້ຟັງທ່ານສີຄວນ ຄົນເດີມ ຂໍຟັງເພງ "ຂອບໃຈ" ຂອງອາຈານ ພົມມະ ພິມມະສອນ ເພື່ອຈັດມອບໃຫ້ທ່ານ ຄໍາພີ ສຸລິຍະວົງ ທີ່ Vancouver, Canada ພ້ອມທັງອ້າຍນິນທອນ ແສງສະວັດ ທີ່ບ້ານໂພນສະຫວ່າງ ເມືອງແປກ ແຂວງຊຽງຂວາງ ບັງເອີນຫາເພງນີ້ບໍ່ພໍ້ ຈຶ່ງຂໍຕິດຄ້າງໄວ້ກ່ອນ ວັນນະສອນ ຂໍຫຼິ້ນເພງ "ຝັນດີທີ່ຮັກ" ເພື່ອມອບໃຫ້ທ່ານທີ່ເອີຍນາມມານັ້ນແລະ ແນ່ນອນ ພ້ອມທັງແຟນເພງທຸກໆທ່ານ ຈະໄດ້ນອນຫຼັບຝັນດີ ໄປຕາມໆກັນ ແລະພົບກັນໃໝ່ໃນອາທິດໜ້າ ຝັນດີທີ່ຮັກ.
ບັດນີ້ຈະຂໍຫຼິ້ນເພງ "ເງິນ" ຂອງອາຈານ ຄໍາຫຼ້າ ໜໍ່ແກ້ວໃຫ້ຟັງ ຊຶ່ງທ່ານສີຄວນ ໂຄດມະນີວົງ ຂຽນເຂົ້າມາຂໍຟັງໃນຄັ້ງກ່ອນ ທີ່ວັນນະສອນຕິດຄ້າງໄວ້ ເພງ "ເງິນ" ນີ້ຖືກຈັດໃຫ້ເປັນ ເພງ classic ໄປແລ້ວ ເພາະວ່າຟັງຍາມໃດ ປະທັບໃຈຍາມນັ້ນ ຫວັງວ່າ ທ່ານສີຄວນ ຄົງດີໃຈແລ້ວ ແລະໃນອານາຄົດຂ້າງໜ້ານີ້ ຄົງເຫັນຂຽນເຂົ້າມາຂໍຟັງອີກ ເຊີນຮັບຟັງໄດ້.
Facebook ຊຶ່ງເປັນສື່ online ທີ່ເຮັດໃຫ້ໂລກແຄບລົງເພາະໄດ້ຕິດຕໍ່ຫາກັນຢ່າງສະດວກສະບາຍ ລວດເລວທັນໃຈ ຊຶ່ງກໍມີຜູ້ຟັງທີ່ໄດ້ຂຽນຂໍເພງຜ່ານທາງ FB ມາຢ່າງຕໍ່ເນື່ອງຜູ້ຟັງທ່ານສີຄວນ ຄົນເດີມ ຂໍຟັງເພງ "ຂອບໃຈ" ຂອງອາຈານ ພົມມະ ພິມມະສອນ ເພື່ອຈັດມອບໃຫ້ທ່ານ ຄໍາພີ ສຸລິຍະວົງ ທີ່ Vancouver, Canada ພ້ອມທັງອ້າຍນິນທອນ ແສງສະວັດ ທີ່ບ້ານໂພນສະຫວ່າງ ເມືອງແປກ ແຂວງຊຽງຂວາງ ບັງເອີນຫາເພງນີ້ບໍ່ພໍ້ ຈຶ່ງຂໍຕິດຄ້າງໄວ້ກ່ອນ ວັນນະສອນ ຂໍຫຼິ້ນເພງ "ຝັນດີທີ່ຮັກ" ເພື່ອມອບໃຫ້ທ່ານທີ່ເອີຍນາມມານັ້ນແລະ ແນ່ນອນ ພ້ອມທັງແຟນເພງທຸກໆທ່ານ ຈະໄດ້ນອນຫຼັບຝັນດີ ໄປຕາມໆກັນ ແລະພົບກັນໃໝ່ໃນອາທິດໜ້າ ຝັນດີທີ່ຮັກ.
