ລິ້ງ ສຳຫລັບເຂົ້າຫາ

ວັນອັງຄານ, ໒໗ ກຸມພາ ໒໐໒໔

ລູກຊາຍ ຂອງຜູ້ກໍາອໍານາດມາດົນນານກໍາປູເຈຍ ຖືກເລືອກໃຫ້ມາດໍາລົງຕໍາແໜ່ງ ເປັນນາຍົກລັດຖະມົນຕີ ຕໍ່ຈາກພໍ່


ທ່ານຮຸນ ເຊນ ກ່າວປາໄສຢູ່ທີ່ຫໍສະພາແຫ່ງຊາດ ລຸນຫຼັງການລົງຄະແນນສຽງຢືນຢັນເອົາລູກຊາຍຂອງທ່ານ ທ່ານຮຸນ ມາເນດ, ເປັນນາຍົກລັດຖະມົນຕີຂອງກໍາປູເຈຍ, ໃນນະຄອນຫຼວງພະນົມເປັນ, ກໍາປູເຈຍ, ວັນທີ 22 ສິງຫາ 2023.
ທ່ານຮຸນ ເຊນ ກ່າວປາໄສຢູ່ທີ່ຫໍສະພາແຫ່ງຊາດ ລຸນຫຼັງການລົງຄະແນນສຽງຢືນຢັນເອົາລູກຊາຍຂອງທ່ານ ທ່ານຮຸນ ມາເນດ, ເປັນນາຍົກລັດຖະມົນຕີຂອງກໍາປູເຈຍ, ໃນນະຄອນຫຼວງພະນົມເປັນ, ກໍາປູເຈຍ, ວັນທີ 22 ສິງຫາ 2023.

ສະພາຂອງກໍາປູເຈຍ ໄດ້ເລືອກເອົາ ທ່ານຮຸນ ມາເນດ ດ້ວຍ​ຄະ​ແນນ​ສຽງຢ່າງຖ້ວມລົ້ນ ​ເຂົ້າ​ດໍາລົງຕໍາແໜ່ງແທນພໍ່ຂອງທ່ານ, ທ່ານຮຸນ ເຊນ ເຊິ່ງເປັນຜູ້ປົກຄອງປະເທດແບບຜະເດັດການມາຍາວນານ, ມາເປັນນາຍົກລັດຖະມົນຕີຂອງປະເທດ.

ການເລືອກເອົາ ທ່ານຮຸນ ມາເນດ ອາຍຸ 45 ປີ ມາເປັນຜູ້ນໍາຄົນໃໝ່ຂອງປະເທດ ມີຂຶ້ນພຽງບໍ່ເທົ່າໃດອາທິດ ລຸນຫຼັງພໍ່ຂອງທ່ານໄດ້ປະກາດວ່າ ທ່ານຈະກ້າວລົງຈາກຕໍາແໜ່ງ ຫຼັງ​ຈາກທີ່ກໍາອໍານາດມາເປັນເວລາເກືອບ 4 ທົດສະວັດ, ເຊິ່ງໄດ້ຮັບແຮງຜັກດັນໂດຍໄຊຊະນະອັນຖ້ວມລົ້ນຂອງພັກປະຊາຊົນກໍາປູເຈຍທີ່ກໍາອໍານາດຂອງທ່ານ ໃນການເລືອກຕັ້ງສະພາ.

ການເລືອກຕັ້ງດັ່ງກ່າວນີ້ ໄດ້ຖືກປະນາມໂດຍບັນດາລັດຖະບານຂອງປະເທດຕາເວັນຕົກ ແລະ ອົງການປົກປ້ອງສິດທິມະນຸດ ວ່າເປັນສິ່ງທີ່ໜ້າອັບອາຍ ເນື່ອງຈາກພັກຝ່າຍຄ້ານທີ່ສໍາຄັນ ໄດ້ຖືກ​ກີດ​ກັນບໍ່ໃຫ້ເຂົ້າຮ່ວມໃນການເລືອກຕັ້ງ. ທ່ານຮຸນ ມາເນດ ໄດ້ໄຊຊະນະບ່ອນນັ່ງຢູ່ໃນສະພາ ໃນຖານະສະມາຊິກພັກປະຊາຊົນກໍາປູເຈຍ ຫຼື CCP.

ໂດຍຈົບການສຶກສາຈາກ​ສະ​ຖາ​ບັນ West Point Military. ທ່ານຮຸນ ມາເນດ ໄດ້ປະຕິບັດໜ້າທີ່ຢູ່ໃນກອງທັບກໍາປູເຈຍມາຫຼາຍປີ ໂດຍດໍາລົງຕໍາແໜ່ງຕ່າງໆເຊັ່ນ ຫົວໜ້າໜ່ວຍຕໍ່ຕ້ານການກໍ່ການຮ້າຍ, ຮອງຜູ້ບັນຊາການກອງທັບ ແລະເປັນຜູ້ບັນຊາການທະຫານບົກ. ທ່ານຍັງຈົບການສຶກສາລະດັບປະລິນຍາໂທຈາກມະຫາວິທະຍາໄລນິວຢອກ ແລະປະລິນຍາເອກຈາກມະຫາວິທະຍາໄລອັງກິດ, ເຊິ່ງທັງຫຼົດແມ່ນດ້ານເສດຖະກິດ.

ອ່ານຂ່າວນີ້ເປັນພາສາອັງກິດ

XS
SM
MD
LG