ແຂວງສຸລາເວສີໃນພາກກາງຂອງອິນໂດເນເຊຍ ໄດ້ເລີ້ມເອົາບາດກ້າວທຳອິດ ໄປສູ່
ການຟື້ນໂຕຄືນ ເກືອບນຶ່ງອາທິດຫຼັງຈາກທີ່ບາງສ່ວນຂອງແຂວງດັ່ງກ່າວໄດ້ຖືກທຳ
ລາຍໂດຍແຜ່ນດິນໄຫວ ແລະຄື້ນຟອງສຸນາມິທີ່ຮ້າຍແຮງ ທີ່ເຮັດໃຫ້ຫລາຍກວ່າ
1,500 ຄົນເສຍຊີວິດ.
ໄຟຟ້າໄດ້ມີໃຊ້ແລ້ວ ໃນບາງເຂດຂອງເມືອງປາລູ ທີ່ມີປະຊາຊົນອາໄສຢູ່ຫຼາຍກວ່າ
730,000 ຄົນ ທີ່ເປັນຈຸດສູນກາງຂອງໄພພິບັດ. ບັນດາຮ້ານຄ້າໄດ້ເລີ້ມເປີດຄືນລະ
ບົບໂທລະສັບທີ່ສຳຄັນ ກໍເລີ້ມໃຊ້ງານໄດດ້ແລ້ວ ແລະສາຍການບິນນ້ອຍທ້ອງຖິ່ນ
ຈຳນວນນຶ່ງຄາດວ່າ ຈະເລີ້ມບິນເຂົ້າແລະອອກຈາກສະໜາມ ບິນທີ່ໄດ້ຮັບຄວາມ
ເສຍຫາຍຂອງເມືອງດັ່ງກ່າວຄືນອີກ.
ໃນຂະນະທີ່ການບັນເທົາທຸກສຸກເສີນໄດ້ໄປເຖິງເກາະສຸລາເວສີຢ່າງຊ້າໆ ພວກເຈົ້າ
ໜ້າທີ່ໄດ້ເພີ້ມການຮັກສາຄວາມປອດໄພເພື່ອຍຸຕິການລັກຂະໂມຍເອົາເຄື່ອງຂອງ
ຢູ່ໃນບາງບ່ອນ ໂດຍພວກຊາວບ້ານທີ່ຕ້ອງການອາຫານ ແລະນ້ຳສະອາດ.
ການເສຍຊີວິດທີ່ເປັນທາງການໄດ້ເພີ້ມຂຶ້ນເປັນ 1,558 ຄົນ ໃນຕອນແລງວັນພະຫັດ
ວານນີ້ ພ້ອມດ້ວຍ 70,000 ຄົນ ບໍ່ມີທີ່ຢູ່ອາໄສ.
ແຜ່ນດິນໄຫວທີ່ມີຄວາມແຮງ 7.5 ໄດ້ສັ່ນສະເທືອນ ຊຶ່ງເຮັດໃຫ້ເກີດຄື້ນຟອງຍັກສຸນາ
ມິ ທຳລາຍບ້ານເຮືອນບ້ານຊ່ອງແລະຕຶກອາຄານຈຳນວນນຶ່ງໃນເມືອງປາລູ ກາຍເປັນ
ກອງຊາກຫັກພັງ. ຖະໜົນຫົນທາງ ແລະຂົວຕ່າງໆໄດ້ຖືກນ້ຳຊຸໄປ ຕັດຂາດຢ່າງໜ້ອຍ
ສາມເຂດໄກ້ກັບເມືອງປາລູ ທີ່ມີປະຊາກອນຮວມເຂົ້າກັນທັງໝົດກວ່າ 1 ລ້ານຄົນ.
President Widodo's Visit in Pictures
ປະເທດອິນໂດເນເຊຍ ແລະບັນດາ 18,000 ເກາະດອນທີ່ຕັ້ງຢູ່ໃນເຂດ "ວົງແຫວນ
ໄຟ" ຂອງມະຫາສະໝຸດປາຊິຟິກທີ່ ແລະມັກຈະເກີດມີແຜ່ນດິນໄຫວ ພູໄຟລະເບີດ
ແລະຄື້ນຟອງຍັກສຸນາມິ.
ໃນປີ 2004 ໄດ້ເກີດແດ່ນດິນໄຫວທີ່ມີຄວາມແຮງ 9.1 ຢູ່ນອກຝັ່ງເກາະສຸມາຕຣາ
ແລະຕິດຕາມມາດ້ວຍຟອງຍັກສຸນາມິຊຶ່ງເຮັດໃຫ້ມີຜູ້ເສຍຊີວິດປະມານ 230,000
ຄົນ ຢູ່ໃນ 14 ປະເທດ ເຂດປາຊິຟິກ. ປະມານເຄິງນຶ່ງ ຂອງຜູ້ເສຍຊີວິດເຫລົ່ານັ້ນ
ເກີດຂຶ້ນຢູ່ໃນປະເທດອິນໂດເນເຊຍ.
