ບັນດາເຈົ້າໜ້າທີ່ໂຊມາເລຍ ກ່າວວ່າ ປະທານາທິບໍດີ ແລະ
ນາຍົກລັດຖະມົນຕີ ຂອງປະເທດ ໄດ້ຮັບຄວາມປອດໄພ ຫລັງຈາກ
ການໂຈມຕີໂດຍກຸ່ມກະບົດ al-Shabab ທີ່ທຳນຽບປະທານາທິບໍ
ດີ ໃນນະຄອນຫຼວງ Mogadishu.
ບັນດາຜູ້ທີ່ເຫັນເຫດການກ່າວວ່າ ລະເບີດໄດ້ແຕກຂື້ນ ແລະມີສຽງ
ຍິງປືນຍິງຕໍ່ ສູ້ກັນຢ່າງໜັກ ຢູ່ໃນແລະອ້ອມແອ້ມ ທຳນຽບປະທາ
ນາທິບໍດີ ໃນຕອນບ່າຍວັນອັງຄານວານນີ້ ໃນຂະນະທີ່ພວກມືປືນ
ຈຳນວນນຶ່ງໄດ້ບຸກໂຈມຕີປະຕູເຂົ້າ ແລະພະຍາຍາມບຸກເຂົ້າໄປ
ຂ້າງໃນ.
ບັນດາຜູ້ທີ່ເຫັນເຫດການ ຍັງກ່າວວ່າ ສຽງປືນຍິງຕໍ່ສູ້ກັນໄດ້ມິດງຽບລົງໃນຕອນແລງ. ຢູ່ໃນ
ຂໍ້ຄວາມທີ່ສົ່ງຜ່ານທາງ Twitter ຢ່າງຕໍ່ເນຶ່ອງນັ້ນ ທຳນຽບປະທາ ນາທິບໍດີ ກ່າວວ່າ ການ
ໂຈມຕີ Villa Somali ໄດ້ຖືກ “ຄົ້ນພົບ” ແລະບໍລິເວນ ດັ່ງກ່າວແມ່ນປອດໄພແລ້ວ ທັງນີ້ກໍ
ຍ້ອນທະຫານໂຊມາເລຍ ແລະກຳລັງຂອງສະຫະພາບອາຟຣິກາ.
ປະທານາທິບໍດີ Hassan Sheik Mohamoud ບໍ່ໄດ້ຢູ່ທີ່ທຳນຽບປະທານາທິບໍດີ ໃນເວ
ລາມີການໂຈມຕີ. ໂຄສົກຄົນນຶ່ງຂອງກຸ່ມ al-Shabab ກ່່າວວ່າ ກຳລັງຂອງຕົນໄດ້ບຸກເຂົ້າ
ໄປຂ້າງໃນ ແລະຍຶດໄດ້ບາງສ່ວນຂອງທຳນຽບປະ ທານາທິບໍດີ ໃນຂະນະທີ່ມີການໂຈມຕີ
ຢູ່ນັ້ນ.
ການໂຈມຕີ ທຳນຽບ ປ. ໂຊມາເລຍ
