ລິ້ງ ສຳຫລັບເຂົ້າຫາ

ວັນພຸດ, ໒໙ ພຶດສະພາ ໒໐໒໔

ກຸ່ມຫົວຮຸນແຮງ ໂຊມາເລຍ ສັງຫານ ຄົນອາເມຣິກັນ ທີ່ ອອກຈາກກຸ່ມ


ທ້າວ Omar Shafik Hammami, ສັນຊາດອາເມຣິກັນ ແລະເປັນປະຊາຊົນທີ່ເຄີຍອາໄສຢູ່ລັດ Alabama ຖືກສັງຫານໃນຕອນເຊົ້າໆ
ຂອງວັນພະຫັດມື້ນີ້ ເມື່ອພວກຫົວຮຸນແຮງ ໂຈມຕີບ່ອນລີ້ຊ່ອນ.
ທ້າວ Omar Shafik Hammami, ສັນຊາດອາເມຣິກັນ ແລະເປັນປະຊາຊົນທີ່ເຄີຍອາໄສຢູ່ລັດ Alabama ຖືກສັງຫານໃນຕອນເຊົ້າໆ ຂອງວັນພະຫັດມື້ນີ້ ເມື່ອພວກຫົວຮຸນແຮງ ໂຈມຕີບ່ອນລີ້ຊ່ອນ.
ມີລາຍງານວ່າ ພົນລະເມືອງອາເມຣິກັນຄົນນຶ່ງ ທີ່ອອກຈາກ
ກຸ່ມຫົວຮຸນແຮງ al-Shabab ຂອງໂຊມາເລຍ ໄດ້ຖືກສັງ
ຫານໂດຍພວກນັກລົບຂອງກຸ່ມດັ່ງກ່າວ.

ແຫລ່ງຂ່າວຕ່າງໆ​ ​ແຈ້ງ​ໃຫ້ວີໂອເອ ພະແນກພາສາໂຊມາເລຍ
ຊາ​ບວ່າທ້າວ Omar Hammami ໄດ້ເສຍຊີວິດໃນຕອນເຊົ້າໆ
ຂອງວັນພະຫັດມື້ນີ້ ເມື່ອພວກຫົວຮຸນແຮງ ໂຈມຕີບ່ອນລີ້ຊ່ອນ
ຂອງລາວ ​ໃກ້ໆເມືອງ Bardher.

ພວກຫົວຮຸນແຮງຍັງໄດ້ສັງຫານອີກສອງຄົນ ໃນການໂຈມຕີດັ່ງ
ກ່າວ ລວມທັງທ້າວ Osama al-Britaini ຄົນສັນຊາດອັງກິດ ທີ່ມີເຊື້ອສາຍປາກິສຖານ.

ທ້າວ Hammami ອາຍຸ 29 ປີ ກ່າວຕໍ່ວີໂອເອໃນອາທິດແລ້ວນີ້ວ່າ ຕົນໄດ້ຕັດສາຍສໍາ ພັນກັບທ່ານ Moktar Abu Zubayr ໂດຍເວົ້າວ່າຜູ້ນໍາຂອງກຸ່ມ al-Shabab ດັ່ງກ່າວ ບໍ່ໄດ້ເຮັດຕາມຫລັກການຂອງສາສະໜາອິສລາມ ແລະໄດ້ຫັນເອົາກຸ່ມດັ່ງກ່າວ ໄປເປັນ ກຸ່ມທີ່ທໍາການກົດຂີ່ຊາວມຸສລິມ ໃນການແຂ່ງຂັນເພື່ອຄວບຄຸມໂຊມາເລຍ.

ທ້າວ Hammami ເວົ້າອີກວ່າ ກຸ່ມ al-Shabab ພະຍາຍາມທີ່ຈະສັງຫານລາວ ແລະ
ວ່າ ລາວຍັງຖືວ່າ ລາວເອງເປັນຜູ້ກໍ່ການຮ້າຍຢູ່.

ລາວໄດ້ເດີນທາງໄປຍັງໂຊມາເລຍ ໃນປີ 2006 ແລະໄດ້ເຂົ້າຮ່ວມຝ່າຍ​ທະຫານຂອງ​
ກຸ່ມ al-Shabab. ອົງການ FBI ເວົ້າວ່າ ໃນປີ 2007 ລຸນຫລັງທີ່ກໍາລັງທະຫານຂອງ
ອີທີໂອ ເປຍໄດ້ເຂົ້າບຸກ​ເຂົ້າ​ໄປ​ໃນໂຊມາເລຍທ້າວ Hammami ກໍໄດ້ເຂົ້າຮ່ວມຖັນ
ແຖວແນວໜ້າ ໃນນາມນັກຮົບຜູ້ນຶ່ງແລະໃນທີ່ສຸດກໍໄດ້ກາຍເປັນຜູ້ນໍາຂອງກຸ່ມ al-Shabab. ສະຫະລັດ ສະເໜີໃຫ້ລາງວັນເຖິງ 5 ລ້ານໂດລາ ຖ້າໃຜມີຂ່າວຄາວທີ່ພາ
ໃຫ້ຈັບກຸມຜູ້ກ່ຽວໄດ້.
XS
SM
MD
LG