ກຸ່ມ al-Shabab ຖອນອອກຈາກ ເມືອງ Kismayo ໃນໂຊມາເລຍ

ກຸ່ມຫົວຮຸນແຮງ al-Shabab ຂອງໂຊມາເລຍ ກ່າວວ່າ ຕົນໄດ້
ຖອນກຳລັງອອກຈາກທີ່ໝັ້ນແຫ່ງສຸດທ້າຍ ໃນປະເທດດັ່ງກ່າວ
ແລ້ວ.

ກຸ່ມ al-Shabab ກ່າວໃນວັນເສົາ ມື້ນີ້ວ່າ ຕົນໄດ້ຖອນກຳລັງ
ອອກຈາກເມືອງທ່າ Kismayo ໃນໂຊມາເລຍແລ້ວ ນຶ່ງມື້ຫຼັງ
ຈາກທະຫານເຄນຢາໄດ້ບຸກໂຈມຕີເມືອງທ່າດັ່ງກ່າວໃນການ
ປະຕິບັດງານທີ່ແນໃສ່ ເພື່ອຂັບໄລ່ພວກຫົວຮຸນແຮງຈຸນີ້. ກຸ່ມ
al-Shabab ປະກາດວ່າ ຕົນຈະໂຈມຕີຕອບໂຕ້ຄືນ.

ກອງທັບເຄນຢາຖະແຫຼງວ່າ ການບຸກໂຈມຕີໃນມື້ວັນສຸກວານ
ນີ້ ແມ່ນພົວພັນທັງກຳລັງພາກພື້ນດິນ ທະເລ ແລະອາກາດ ແລ້ວກໍດຳເນີນໄປໂດຍມີການປະສານງານກັບກຳລັງຂອງສະ ຫະພາບອາຟຣິກາແລະທະຫານໂຊມາເລຍ.

ວີໂອເອ ພາກພາສາໂຊມາເລຍ ລາຍງານໃນວັນສຸກວານນີ້ວ່າ ທະຫານເຄນຢາແລະທະ ຫານລັດຖະບານໂຊມາເລຍ ໄດ້ເຂົ້າຄວບຄຸມບາງເຂດທາງກໍ້າເໜືອຂອງເມືອງ Kisma-
yo ແຕ່ສ່ວນໃຫຍ່ຂອງເມືອງດັ່ງກ່າວ ຮວມທັງສະໜາມບິນ ແມ່ນຍັງຢູ່ພາຍໃຕ້ການຄວບ ຄຸມຂອງກຸ່ມຫົວຮຸນແຮງ al-Shabab. ພວກທີ່ເຫັນເຫດການສອງຄົນເວົ້າວ່າ ພວກຫົວຮຸນ
ແຮງກຸ່ມນີ້ໄດ້ຕິດຕັ້ງປືນກົນໃສ່ອາຄານທີ່ສູງທີ່ສຸດ ຢູ່ໃນເມືອງດັ່ງກ່າວ.

ກຸ່ມ al-Shabab ຊຶ່ງເປັນເຄືອຂ່າຍຂອງພວກກໍ່ການຮ້າຍຂ້າມຊາດອາລກາຍດານັ້ນ ໄດ້ ໃຊ້ເມືອງທ່າ Kismayo ເພື່ອຊອກຫາເງິນດ້ວຍການເກັບພາສີ ຕະຫຼອດທັງການນຳເຂົ້າ ອາວຸດຕ່າງໆນຳດ້ວຍ.