ລິ້ງ ສຳຫລັບເຂົ້າຫາ

ລະເບີດແຕກ ທີ່ໂຮງແຮມ ໃນນະຄອນຫຼວງ ໂມກາດິຊູ ໄດ້ສັງຫານຢ່າງໜ້ອຍ 23 ຄົນ


ພະນັກງານກູ້ໄພ ຢືນຢູ່ທາງຂ້າງຊາກຫັກພັກຂອງລົດໃນນະ ຄອນຫຼວງໂມກາດິຊູ, ປະເທດ ໂຊມາເລຍ. 29 ຕຸລາ, 2017.

ຕຳຫຼວດປະເທດ ໂຊມາເລຍ ໄດ້ກ່າວໃນວັນອາທິດມື້ນີ້ວ່າ ພວກຕົນໄດ້ເຮັດໃຫ້ການ
ເຂົ້າຍຶດໂຮງແຮງໂດຍພວກຫົວຮຸນແຮງ ອິສລາມ ໃນນະຄອນຫຼວງຂອງປະເທດສິ້ນ
ສຸດລົງແລ້ວ.

ບັນດາເຈົ້າໜ້າທີ່ກ່າວວ່າ ປະຊາຊົນຢ່າງໜ້ອຍ 23 ຄົນໄດ້ຖືກຂ້າຕາຍໃນການໂຈມຕີທີ່
ໂຮງແຮງ Nasa Hablod 2 ທີ່ມີຊື່ສຽງໃນນະຄອນ ຫຼວງ ໂມກາດິຊູ. ປະຊາຊົນອີກ
ຫຼາຍສິບຄົນອີກ ໄດ້ຮັບບາດເຈັບໃນເຫດລະເບີດແຕກຄັ້ງນັ້ນ.

ພວກຫົວຮຸນແຮງ ໄດ້ບຸກເຂົ້າໄປໃນໂຮງແຮມເມື່ອວັນເສົາວານນີ້, ລຸນຫຼັງລົດລະເບີດ
ໄດ້ແຕກຢູ່ປະຕູໂຂງຂອງໂຮງແຮມ.

ຕຳຫຼວດກ່າວວ່າ ເຂົາເຈົ້າໄດ້ຈັບກຸມພວກຄົນຮ້າຍ ແລະ ສັງຫານສອງຄົນຕື່ມອີກ.

ກຸ່ມຫົວຮຸນແຮງ al-Shabab ໄດ້ອ້າງເອົາຄວາມຮັບຜິດຊອບສຳລັບການໂຈມຕີໃສ່
ໂຮງແຮມນັ້ນ.

ມັນມີການລະເບີດລົດຄັ້ງທີສອງໃນວັນເສົາວານນີ້ ໃກ້ກັບຕຶກສະພາແຫ່ງຊາດເກົ່າ.
ຂອບເຂດຂອງຄວາມເສຍຫາຍຈາກລະເບີດແຕກແມ່ນບໍ່ທັນຊັດເຈນໃນທັນທີທັນໃດ.

ລະເບີດແຕກສອງຄັ້ງໄດ້ເກີດຂຶ້ນໃນເວລາສອງສັບປະດາ ຫຼັງຈາກລົດບັນທຸກລະເບີດ
ຂະໜາດໃຫຍ່ໄດ້ສັງຫານປະຊາຊົນຢ່າງໜ້ອຍ 358 ຄົນໃນຖະໜົນສີ່ແຍກທີ່ມີຄົນໜາ
ແໜ້ນໃນນະຄອນຫຼວງ ໂມກາດິຊູ.

ລັດຖະບານ ໂຊມາເລຍ ໄດ້ກ່າວຫາກຸ່ມຫົວຮຸນແຮງ al-Shabab ສຳລັບການໂຈມຕີ
ໃນວັນທີ 14 ທີ່ຜ່ານມາ, ເຖິງແມ່ນວ່າ ກຸ່ມຫົວຮຸນແຮງດັ່ງກ່າວຈະບໍ່ໄດ້ອ້າງເອົາຄວາມ
ຮັບຜິດຊອບກໍຕາມ.

ອ່ານຂ່າວນີ້ຕື່ມເປັນພາສາອັງກິດ


ຄວາມເຫັນຂອງທ່ານ

ສະແດງຄວາມເຫັນໃຫ້ເບິ່ງ

XS
SM
MD
LG