ລິ້ງ ສຳຫລັບເຂົ້າຫາ

logo-print

ກໍາລັງສະຫະພາບອາຟຣິກາ ເສຍຊີວິດຫຼາຍສິບຄົນ ຢູ່ໂຊມາເລຍ


ກຳລັງຮັກສາສັນຕິພາບຂອງສະຫະພາບອາຟຣິກາ ໃນໂຊມາເລຍ

ລາຍງານສະບັບນຶ່ງຂອງຜູ້ບັນຊາການກຳລັງສະຫະພາບ
ອາຟຣິກາໃນໂຊມາເລຍເວົ້າວ່າ ການສູ້ລົບກັນເມື່ອໄວໆ
ມານີ້ທີ່ນະຄອນຫຼວງໂມກາດິສຊູເຮັດໃຫ້ກຳລັງຮັກສາສັນ
ຕິພາບຢ່າງນ້ອຍ 40 ຄົນເສຍຊີວິດແລະອີກ 130 ຄົນ
ໄດ້ຮັບບາດເຈັບ.

ໂຕເລກ ຊຶ່ງກ່າວອ້າງຢູ່ຂໍ້ຄວາມຂອງຈົດໝາຍສະບັບນຶ່ງທີ່
VOA ພະແນກພາສາໂຊມາເລຍ ໄດ້ຮັບມານັ້ນ ແມ່ນສູງ
ກວ່າໂຕເລກທີ່ໄດ້ມີການເປີດເຜີຍ ຢ່າງຫຼວງຫຼາຍ.

ຈົດໝາຍຂອງພົນຕີ Nathan Mugisha ທີ່ສົ່ງໄປຫາພວກ
ນັກການທູດຕາເວັນຕົກກ່າວວ່າ ທະຫານຂອງສະຫະພາບ
ອາຟຣິກາໄດ້ຮັບບາດເຈັບລົ້ມຕາຍໃນລະຫວ່າງການປະຕິ
ບັດງານເດືອນແລ້ວເພື່ອເຂົ້າຢຶດເອົາສະຖານທີ່ຕ່າງໆຄືນຈາກ
ກຸ່ມຫົວຮຸນແຮງ Al-Shabab. ກຳລັງຮັກສາສັນຕິພາບຂອງສະຫະພາບອາຟຣິກາ ທີ່ເອີ້ນ
ຫຍໍ້ວ່າ AMISOM ນັ້ນ ໃນທີ່ສຸດກໍສາມາດເຂົ້າຄວບຄຸມສະຖານທີ່ຕ່າງໆຮວມທັງສະຖານ
ທີ່ແຫ່ງນຶ່ງໃກ້ໆກັບຕະຫຼາດ Bakara ແລະຕຶກກະຊວງປ້ອງກັນປະເທດ.

ຈົດໝາຍເວົ້າວ່າ ການປະຕິບັດງານໃນເທື່ອນີ້ ແມ່ນພົວພັນກັບກຳລັງຮັກສາສັນຕິພາບຈາກ
ປະເທດບຸຣຸນດີ.

ໂຄສົກຂອງກຳລັງຮັກສັນຕິພາບ AMISOM ທ່ານ Barigye Ba-Hoku ບໍ່ໄດ້ໃຫ້ການ
ຢືນຢັນຫຼືປະຕິເສດແຕ່ຢ່າງໃດກ່ຽວກັບໂຕເລກຂອງພວກບາດເຈັບລົ້ມຕາຍຢູ່ໃນລາຍງານ.
ທ່ານເວົ້າວ່າ ສຳລັບສະຫະພາບອາຟຣິກາແລ້ວ ການເສຍຊີວິດຂອງທະຫານພຽງຜູ້ດຽວກໍ
ເປັນຈຳນວນຫຼາຍໂພດແລ້ວ ແລະທ່ານໄດ້ສະແດງຄວາມເສົ້າສະລົດໃຈຕໍ່ບັນດາຄອບຄົວ
ຂອງກຳລັງຮັກສັນຕິພາບທີ່ເສຍຊີວິດໃນການສູ້ລົບທີ່ປະເທດໂຊມາເລຍ.

ແຕ່ແນວໃດກໍຕາມໂຄສົກຂອງຫົວໜ້ານະໂຍບາຍການຕ່າງປະເທດສະຫະພາບຢູໂຣບທ່ານ
ນາງ Catherine Ashton ກ່າວຕໍ່ VOA ໃນວັນສຸກວານນີ້ວ່າ ສະຫະພາບຢູໂຣບໄດ້ຮັບ
ຂ່າວວ່າ ມີທະຫານສະຫະພາບອາຟຣິກາຢ່າງນ້ອຍ 50 ຄົນໄດ້ເສຍຊີວິດໃນການສູລົບກັນ
ເມື່ອໄວໆມານີ້ຢູ່ໂຊມາເລຍ.

XS
SM
MD
LG