ທູດພິເສດອົງການສະຫະປະຊາຊາດປະຈໍາໂຊມາເລຍປະນາມຢ່າງແຂງແຮງຕໍ່ການຄາດ
ຕະກໍາດາຣາຕະຫຼົກທີ່ມີຊື່ສຽງຊາວໂຊມາເລຍ ທີ່ປາກົດວ່າ ຍ້ອນຜູ້ກ່ຽວເວົ້າສຽດສີກ່ຽວ
ກັບກຸ່ມ al-Shabab ມູສລິມຫົວຮຸນແຮງ.
ດາຣາຕະຫຼົກ Abdi Jeylani Malaq ທີ່ຮູ້ກັນໃນອີກຊື່ນຶ່ງວ່າ Marshale ນັ້ນ ຖືກຍິງຕາຍ
ຢູ່ບໍລິເວນນອກບ້ານພັກຂອງຜູ້ກ່ຽວທີ່ເມືອງຫຼວງໂມກາດີສຊຸ ເມື່ອວັນອັງຄານຜ່ານມານີ້ ບໍ່ມີໃຜອ້າງເອົາຄວາມຮັບຜິດ ຊອບຕໍ່ເຫດຮ້າຍດັ່ງກ່າວນີ້.
ທ່ານ Augustine Mahiga ທູດພິເສດສະຫະປະຊາຊາດ ເອີ້ນການສັງຫານຄັ້ງນີ້ວ່າ ເປັນ
ເລຶ່ອງທີ່ຮັບເອົາບໍ່ໄດ້ ພ້ອມດຽວກັນທ່ານກໍໄດ້ຮຽກຮ້ອງໃຫ້ເຈົ້າໜ້າທີ່ໂຊມາເລຍກະທໍາທຸກ
ວິທີທາງທີ່ຈໍາເປັນ ເພື່ອດໍາເນີນການສືບສວນສອບສວນໂດຍລະອຽດ ແລະຢ່າງເປັນອິດສະຫຼະ.
ກຸ່ມນິລະໂທດກໍາສາກົນ ຊຶ່ງເປັນກຸ່ມດ້ານສິດທິມະນຸດ ກ່າວວ່າ ຕົນຕົກໃຈທີ່ສຸດຕໍ່ການເສຍ
ຊີວິດຂອງຊາວໂຊມາເລຍໄປອີກຄົນນຶ່ງ ທີ່ມີຊື່ສຽງຢູ່ ໃນວົງການສື່ມວນຊົນຂອງໂຊມາເລຍ
ແຕ່ນອກນີ້ກໍຍັງຢູ່ໃນສິ່ງທີ່ເອີ້ນວ່າ ການບໍ່ປະຕິບັດໜ້າທີ່ໃດໆຂອງບັນດາເຈົ້າໜ້າທີ່ໂຊມາເລຍ.
ກຸ່ມດັ່ງກ່າວນີ້ເວົ້າອີກວ່າ ດາຣາຕະຫຼົກ Marshale ເປັນສະມາຊິກດ້ານສື່ມວນຊົນຄົນທີ່ແປດ ທີ່ຖືກປອງສັງຫານຢູ່ໃນໂຊມາເລຍນັບຕັ້ງແຕ່ເດືອນທັນວາປີຜ່ານມາ.
ປົກກະຕິດາຣາຕະຫຼົກ ຈະປາກົດຕົວຕາມສະຖານີວິດທະຍຸ ແລະໂທລະພາບ ງານສະແດງ
ປະຈໍາຂອງລາວ ກໍຄືແນໃສ່ເພື່ອພະຍາຍາມປຸກໃຈບໍ່ໃຫ້ຊາວໜຸ່ມໂຊມາເລຍທັງຫຼາຍໄປຮ່ວມ
ກັບກຸ່ມຫົວຮຸນແຮງ. ຜູ້ກ່ຽວໄດ້ຮັບຄໍາຂູ່ຈະຖືກສັງຫານຫຼາຍໆເທື່ອ