ລິ້ງ ສຳຫລັບເຂົ້າຫາ

ກຸ່ມກະບົດໂຊມາເລຍ ປະກາດ ຈະເພີ່ມ ການໂຈມຕີຂຶ້ນ (ເບິ່ງວີດີໂອ)

  • ທອງປານ ເທບວົງສາ

ເຫດການລະເບີດຮຸນແຮງໃນເຂດທຸລະກິດສໍາິັນໃນເມືອງໂມກາດີສຊູ ປະເທດໂຊມາເລຍ ເມື່ອວັນທີ່ 4 ເດືອນຕຸລານີ້.

ກຸ່ມກະບົດ al-Shabab ໃນໂຊມາເລຍໄດ້ປະກາດວ່າ ຈະທໍາການໂຈມ ຕີເພີ່ມຕື່ມຢູ່ໃນປະ
ເທດດັ່ງກ່າວ ລຸນຫລັງທີ່ໄດ້ມີການໂຈມຕີດ້ວຍລະເບີດ ລົດບັນທຸກໃນນະຄອນຫລວງໂມ
ກາດີສຊູ ເມື່ອວັນອັງຄານວານນີ້ ທີ່ຍັງ ຜົນໃຫ້ມີຜູ້ເສຍຊີວິດຢ່າງໜ້ອຍ 70 ຄົນແລະບາດ
ເຈັບອີກຫລາຍສິບຄົນ.

ເຈົ້າໜ້າທີ່ແລະພວກເຫັນເຫດການກ່າວວ່າ ການໂຈມຕີໄດ້ມີຂຶ້ນໃນຕອນ ເດີກຂອງຄືນວັນ
ອັງຄານວານນີ້ ເວລາຜູ້ໂຈມຕີສະຫລະຊີບ 2 ຄົນ ໄດ້ ຂັບລົດບັນທຸກທີ່ເຕັມດ້ວຍລະເບີດ ແລ່ນເຂົ້າໄປໃນບໍລິເວນໂຮງການຂອງ ລັດຖະບານແຫ່ງນຶ່ງ ທີ່ຕັ້ງຢູ່ແຄມທາງ ທີ່ມີການສັນ
ຈອນໄປມາໜາແໜ້ນ ທີ່ສຸດນັ້ນ.

ກຸ່ມຫົວຮຸນແຮງອີສລາມໄດ້ອ້າງເອົາຄວາມຮັບຜິດຊອບ ໃນການໂຈມຕີຄັ້ງ ນີ້ໂດຍທັນທີ
ໂດຍກ່າວວ່າ ຕົນໄດ້ແນເປົ້າໝາຍໃສ່ລັດຖະບານກາງໃນໄລ ຍະຂ້າມຜ່ານຂອງໂຊມາເລຍ. ໂຄສົກຄົນນຶ່ງຂອງກຸ່ມກະບົດໄດ້ເຕືອນຊາວ ໂຊມາເລຍ ໃຫ້ພາກັນຢູ່ຫ່າງໆ ຈາກຕຶກໂຮງ
ການຂອງລັດຖະບານ ໂດຍ ກ່າວວ່າ ຈະມີການໂຈມຕີຢ່າງດຸເດືອດຮຸນແຮງຕື່ມອີກ.

ປະຊາຄົມນານາຊາດ ໄດ້ປະນາມຢ່າງວ່ອງໄວ ຕໍ່ເຫດຮ້າຍທີ່ໄດ້ເກີດຂຶ້ນ ຢູ່ໂຊມາເລຍ.

XS
SM
MD
LG