ລິ້ງ ສຳຫລັບເຂົ້າຫາ

ເຮືອບິນພະລັງແສງຕາເວັນ ບິນໄປຮອດ Morocco ຢ່າງສໍາເລັດຜົນ (ສະໄລດ໌ກັບເບິ່ງວີດີໂອ)

  • ທອງປານ ເທບວົງສາ

ເຮືອບິນມີຄົນຂັບ ທີ່ໃຊ້ພະລັງງານແສງຕາເວັນ ຫຼືໂຊລາ ທີ່ປະສົບຜົນສໍາເລັດບິນໃນໄລຍະທາງ 830 ກິໂລແມດ

ປະ​ເທດ Morocco ​ໄດ້​ຊົມ​ເຊີຍ​ການ​ມາເຖິງ​ຂອງ​ເຮືອບິນ​ທີ່​ໃຊ້​ພະລັງ​ແສງຕາ​ເວັນ ຫຼື​ໂຊ​ລາ ທີ່​ບິນ​ຈາກ​ນະຄອນ Madrid ປະ​ເທດສະ​ເປ​ນ ​ໄປ​ຍັງ​ນະຄອນຫຼວງ Rabat ປະ​ເທ​ດ Morocco ຊຶ່ງ​ເປັນ​ຖ້ຽວ​ບິນ​ຂ້າມ​ທະວີບເທື່ອ​ທໍາ​ອິດຂອງ​ໂລກ ​ໂດຍ​ເຮືອບິນ​ທີ່​ມີ​ຄົນ​ຂັບ ​ທີ່​ບໍ່​ໃຊ້​ນໍ້າມັນ​ເຊື້ອ​ໄຟ.

​ເຄຶ່ອງບິນ​ທີ່​ໃຊ້​ພະລັງ​ແສງຕາ​ເວັນຫຼື​ໂຊ​ລາ​ໄດ້​ສໍາ​ເລັດ​ການ​ເດີນທາງໄລຍະທາງ 830 ກິໂລ​ແມັດ ໃນ​ຕອນ​ບ່າຍ​ວັນ​ອັງຄານ​ວານ​ນີ້ ​ແລະ​ແລ່ນລົງ​ສະໜາມ​ບິນ​ນາໆ​ຊາດ​ຂອງ​ນະຄອນ Rabat ຫຼັງຈາກ​ບິນ​ອອກ​ຈາກ​ເມືອງ ຫຼວງຂອງ​ປະ​ເທດສະ​ເປ​ນ​ໄດ້ 19 ຊົ່ວ​ໂມງ. ນັກ​ບິນ​ພຽງ​ຄົນ​ດຽວ​ຂອງ​ເຮືອບິນ​ດັ່ງກ່າວ ຄື ນາຍ Bertrand Piccard ນັກ​ຜະຈົນ​ໄພ​ຊາວ​ສວີສ ໄດ້​ຫົວຍິ້ມເວລາ​ລຸກ​ອອກ​ຈາກ​ຫ້ອງ​ບັງຄັບ​ເຮືອບິນແລະຖືກ​ຕ້ອນຮັບ​ໂດຍ​ບັນດາ​ສະມາຊິກ
​ທີ​ມງານ​ຂອງ​ລາວ ​ພ້ອມ​ທັງ​ບັນດາ​ເຈົ້າໜ້າ​ທີ່ Morocco.

ນັກ​ບິນ Piccard ກ່າວ​ວ່າ ການບິນ​ຂ້າມ​ຊ່ອງ​ແຄບ Gibraltar ບ່ອນທີ່​ແຍກ​ທະ​ວີ​ບຢູ​ໂຣບກັບ​ອາ​ຟຣິກາ ຂອງ​ເຮືອບິນ​ນັ້ນ ຖື​ວ່າ​ເປັນ​ຊ່ວງ​ທີ່​ວິ​ເສດ​ສຸດ ທີ່​ສະ​ແດງ​ໃຫ້​ເຫັນ​ຄວາມໂດດເດັ່ນປະການ​ນຶ່ງ​ໃນ​ອາຊີບ​ຂອງ​ລາວ.

ຄະນະ​ຈັດ​ທໍາ​ຖ້ຽວບິນ​ດັ່ງ​ກ່າວ​ນີ້ ​ໄດ້​ເລືອກ​ເອົາ​ປະ​ເທດ Morocco ​ເປັນ​ປາຍທາງຂອງ​ຖ້ຽວ​ບິນ​ແບບ​ທີ່​ບໍ່​ເຄີຍ​ມີ​ມາ​ກ່ອນ ​ເພື່ອ​ເນັ້ນ​ຍໍ້າ​ແຜນການ ຂອງ​ປະ​ເທດອາ​ຟຣິກາ​ເໜືອດັ່ງກ່າວ ​ທີ່​ຈະ​ສ້າງ​ໂຮງງານ​ໄຟຟ້າ​ທີ່​ໃຊ້​ແສງ ຕາ​ເວັນ​ທີ່​ໃຫຍ່​ທີ່​ສຸດ​ຂອງ​ໂລກ. ທ່ານ Mustafa Bakkoury ຫົວໜ້າອົງ ການ​ພະລັງງານ​ໂຊ​ລາ​ຂອງ​ໂມ​ຣອກ​ໂກ ​ໄດ້​ຕ້ອນຮັບ​ນັກ​ບິນ Piccard ທີ່​ສະໜາມ​ບິນ ​ແລະ​ກ່າ​ວວ່າ ​ໂມຣອກໂກ​ໄດ້ແ​ບ່ງປັນຫຼືມີ​ສ່ວນ​ຮັບ​ຮູ້​ນຳ​ຂ່າວ​ຄາວ​ຂອງ​ນັກ​ບິນ ກ່ຽວ​ກັບ​ຄວາມ​ສໍາຄັນ​ຂອງ​ພະລັງງານ​ທີ່​ໝຸນ​ໃຊ້​ຄືນ​ໃໝ່​ໄດ້ນັ້ນ.

ເບິ່ງເຮືອບິນລົງຈອດ ທີ່ນະຄອນຫລວງຣາບັດ:

ຄວາມເຫັນຂອງທ່ານ

ສະແດງຄວາມເຫັນໃຫ້ເບິ່ງ

XS
SM
MD
LG