ເຮືອບິນພະລັງງານແສງອາທິດ ສະວິດເຊີແລນ ໄດ້ບິນຂຶ້ນສູ່ທ້ອງ
ຟ້າໃນຕອນ ເຊົ້າວັນອາທິດມື້ນີ້ ສຳລັບການບິນ ຫົກມື້ຂ້າມມະຫາ
ສະມຸດປາຊີຟິກ, ຊຶ່ງເປັນຊ່ວງທີ່ຍາກທີ່ສຸດຂອງການບິນອ້ອມໂລກ
ໂດຍການໃຊ້ພຽງແຕ່ແສງອາທິດເພື່ອເປັນພະລັງງານໃຫ້ເທົ່ານັ້ນ.
ເຮືອບິນມີຊື່ວ່າ Solar Impulse 2 ຫຼື Si2 ໄດ້ບິນອອກຈາກເດິ່ນ
ບິນນານກິ່ງ ໃນພາກຕາເວັນອອກຂອງຈີນ ໂດຍມີຈຸດມຸ່ງໝາຍໄປ
ສູ່ລັດຮາວາຍຂອງສະຫະລັດ ເຊິ່ງມີໄລຍະທາງຍາວ 8,500 ກິໂລ
ແມັດ ຫ່າງອອກໄປ ຫຼັງຈາກທີ່ໄດ້ເລື່ອນເວລາການບິນອອກເພື່ອ
ລໍຖ້າໃຫ້ສະພາບອາກາດ ເອື້ອອຳນວຍ ເນື່ອງຈາກບັນຫາຄວາມ
ປອດໄພ.
ນີ້ແມ່ນຊ່ວງທີຫົກຂອງເຮືອບິນລຳນີ້ທີ່ຈະບິນອ້ອມໂລກເປັນໄລຍະທາງໄກ 35,000 ກິໂລແມັດ.
Solar Impulse 2 ເປັນເຮືອບິນບ່ອນນັ່ງດຽວທີ່ເຮັດດ້ວຍ fiber
carbon ມີປີກ ຍາວ 72 ແມັດເຊິ່ງຍາວກວ່າປີກເຮືອບິນໂບອິງ
747 ແລະ ມີນ້ຳໜັກປະມານເທົ່າກັນກັບລົດເກັງຄັນໜຶ່ງ. ປີກ
ຂອງມັນມີເຊລແສງອາທິດ ຕິດຕັ້ງຢູ່ 17,000 ເຊລເຊິ່ງສາມາດ
ເກັບພະລັງງານແສງອາທິດແລະບິນໄດ້ໃນເວລາກາງຄືນ.
ເຮືອບິນ Si2 ແມ່ນໃຊ້ເວລາໃນການສ້າງ 12 ປີ ແລະ ເປັນການ ປະດິດຂຶ້ນຂອງນັກວິທະຍາສາດຊາວສະວິດເຊີແລນ
ທ່ານ Bertrand Piccard ແລະ ທ່ານ Andre Borschberg.
ທັງສອງທ່ານໄດ້ກ່າວວ່າພວກເຮົາບໍ່ໄດ້ອອກມາເພື່ອທຳການປະຕິວັດ ອຸດສາຫະກຳ
ການບິນດອກ, ແຕ່ວ່າພວກເຂົາແມ່ນແນເປົ້າໃສ່ເພື່ອ ສະແດງວ່າ ແຫຼ່ງພະລັງງານອື່ນໆ
ແລະ ເທັກໂນໂລຈີໃໝ່ກໍ່ສາມາດ ບັນລຸສິ່ງທີ່ບາງຄົນຄິດວ່າມັນມີຄວາມເປັນໄປບໍ່ໄດ້.
