ທູດພິເສດຂອງຈີນຮັບຜິດຊອບການເຈລະຈາ 6 ຝ່າຍ
ກ່ຽວກັບເລື່ອງນິວເຄລຍຂອງເກົາຫຼີເໜືອ ຈະພົບປະກັບ
ນັກການທູດອະວຸໂສຂອງສະຫະລັດທີ່ກຸງວໍຊິງຕັນໃນວັນ
ພຸດມື້ນີ້.
ເອກອັກຄະລັດຖະທູດ Wu Dawei ຈະພົບປະກັບຮອງ
ລັດຖະມົນຕີການຕ່າງປະເທດສະຫະລັດ ທ່ານ Jim
Steinberg ແລະທ່ານ Steven Bosworth ທູດພິ
ເສດ ຮັບຜິດຊອບກ່ຽວກັບການເຈລະຈາ 6 ຝ່າຍຂອງ
ສະຫະລັດ.
ການເດີນທາງມາຢ້ຽມຢາມສະຫະລັດຂອງທ່ານ Wu ມີຂຶ້ນທ່າມກາງການເຄື່ອນໄຫວ
ທາງດ້ານການທູດຮວມທັງການເດີນທາງໄປຢ້ຽມຢາມຈີນໃນສັບປະດາແລ້ວຂອງທ່ານ
ກິມ ຈົງ ອິລຜູ້ນຳຂອງເກົາຫຼີເໜືອ. ມີລາຍງານວ່າ ທ່ານກິມ ຈົງ ອິລ ໄດ້ບອກ
ປະທານປະເທດຈີນວ່າ ທ່ານຢາກໃຫ້ມີການໄຂການເຈລະຈາ 6 ຝ່າຍ ຄືນໂດຍໄວ.
ເກົາຫຼີເໜືອໄດ້ຍ່າງອອກຈາກກອງປະຊຸມເຈລະຈາ 6 ຝ່າຍ ໃນເດືອນເມສາ ປີ 2009
ຊຶ່ງກອງປະຊຸມທີ່ວ່ານີ້ ແມ່ນພົວພັນກັບສອງເກົາຫຼີ ສະຫະລັດ ຈີນ ຣັດເຊຍ ແລະຍີ່ປຸ່ນ. ອຳນາດການປົກຄອງຂອງເກົາຫຼີເໜືອໄດ້ຢຸດເຊົາການປະຊຸມ ຫຼັງຈາກອົງການສະຫະປະ ຊາຊາດໄດ້ທຳການລົງໂທດລຸນຫລັງການທົດລອງອາວຸດນິວເຄລຍ ແລະລູກສອນໄຟ ໄລຍະໄກຂອງພຽງຢາງ.
