ເກົາຫຼີໃຕ້ໄດ້ອອກຄຳສັ່ງຫ້າມຊົ່ວຄາວໃນການນໍາເຂົ້າອາຫານທະເລ 35 ຊະນິດຈາກຍີ່ປຸ່ນ ເພາະຢ້ານວ່າອາຫານທະເລເຫຼົ່ານີ້ອາດຍັງມີກໍາມັນຕະ ພາບລັງສີ ທີ່ມາຈາກໄພພິບັດນິວເຄຼຍເມື່ອປີກາຍນີ້ເຈືອປົນຢູ່.
ກະຊວງອາຫານ ກະເສດ ປ່າໄມ້ ແລະການປະມົງຂອງເກົາຫຼີໃຕ້ເວົ້າວ່າ ຄຳສັ່ງຫ້າມທີ່ວ່ານີ້ເປັນມາດຕະການຊົ່ວຄາວແມ່ນເພື່ືອປ້ອງກັນບໍ່ໃຫ້ຊາວເກົາຫຼີໃຕ້ບໍລິໂພກຜະລິດພັນໃດໆກໍຕາມທີ່ມາຈາກເຂດນໍ້າທີ່ຢູ່ໃກ້ກັບໂຮງ ໄຟຟ້າຟູກູຊິມະ.
ໂຮງໄຟຟ້າຟູກູຊິມະ ທີ່ຕັ້ງຢູ່ຝັ່ງທະເລກໍ້າຕາເວັນອອກສຽງເໜືອຂອງຍີ່ປຸ່ນ ໄດ້ຮັບຄວາມເສຍຫາຍໃຊ້ການບໍ່ໄດ້ ເມື່ອເດືອນມີນາປີກາຍ ຍ້ອນໄດ້ເກີດ ແຜ່ນດິນໄຫວແລະຄື້ນຟອງສຸນາມິຄັ້ງໃຫຍ່ທີ່ເປັນເຫດໃຫ້ຈັກຂອງໂຮງໄຟ ຟ້າລະລາຍເປັນບາງສ່ວນ ແລະປ່ອຍກໍາມັນຕະພາບລັງສີທີ່ອັນຕະລາຍໄປສູ່ພື້ນທີ່ອັນກວ້າງໄກ.
ລະດັບກໍາມັນຕະພາບລັງສີໃນອາຫານທະເລຈາກເຂດຟູກູຊິມະ ແມ່ນໄດ້ ລົດຕໍ່າລົງຢ່າງຊ້າໆ ແຕ່ຜະລິດຕະພັນປາຈາກເຂດທີ່ໄດ້ຮັບຜົນກະທົບນັ້ນ ຍັງຖືກຫ້າມບໍ່ໃຫ້ນໍາອອກຂາຍ. ຜະລິດຕະພັນດັ່ງກ່າວທີ່ໄດ້ຮັບອະນຸຍາດໃຫ້ນໍາອອກຂາຍໄດ້ເທົ່າເຖິງດຽວນີ້ ແມ່ນໄດ້ມີການສັ່ງ ແບບທີ່ຍັງບໍ່ແນ່ ນອນເທື່ອຈາກພວກຜູ້ຊື້ເທົ່ານັ້ນ.
ອາຫານທະເລ ທີ່ຖືກສັ່ງຫ້າມນໍາເຂົ້າ ເມື່ອວັນພຸດມື້ນີ້ ໂດຍເກົາຫຼີໃຕ້ນັ້ນ ແມ່ນໂຮມທັງປາຫຼາຍຊະນິດ ຫອຍ ແລະເໝັ້ນຫຼືຫອຍ urchin ຊຶ່ງເປັນຜະລິດຕະພັນທີ່ໄດ້ມີຄຳສັ່ງຫ້າມບໍ່ໃຫ້ນໍາອອກຂາຍແລ້ວໃນຍີ່ປຸ່ນ. ການເຄຶ່ອນໄຫວຄັ້ງລ່າສຸດ ກໍຄືບັດນີ້ ກຸງໂຊລໄດ້ສັ່ງຫ້າມຈໍາພວກອາຫານທະເລຍີ່ປຸ່ນທັງໝົດ 64 ຊະນິດ ເຂົ້າໄປຍັງເກົາຫຼີໃຕ້.