ອະດີດພະນັກງານສັນຍາຈ້າງ ຂອງອົງການຄວາມໝັ້ນຄົງແຫ່ງ
ຊາດ ທ້າວ Edward Snowden ໄດ້ຮ້ອງຂໍ ລີ້ໄພການເມືອງຕໍ່
ໄປ ຢູ່ໃນ ຣັດເຊຍ.
ການອະນຸຍາດໃຫ້ລີ້ໄພການເມືອງຊົ່ວຄາວ ທີ່ ທ້າວ Snowden
ໄດ້ຮັບໃນເດືອນລະກົດປີແລ້ວນີ້ ໃຊ້ໄດ້ຈົນຮອດທ່ຽງຄືນຂອງວັນ
ພະຫັດວານນີ້.
ທະນາຍຄວາມຄົນນຶ່ງ ຂອງ ທ້າວ Snowden ກ່າວວ່າ ລາວສາມາດຢູ່ໃນປະເທດຣັດເຊຍໄດ້ຕໍ່ໄປ ຢ່າງໜ້ອຍ ກໍຈົນກວ່າ ມີການຕັດສິນກ່ຽວກັບຄຳຮ້ອງຂໍຂອງລາວ ແລະອາດຈະຢູ່ໄດ້ດົນກວ່ານັ້ນອີກ.
ບັນດາເຈົ້າໜ້າທີ່ຣັດເຊຍ ໄດ້ປະຕິເສດທີ່ຈະສະແດງຄວາມເຫັນໃດໆ ກ່ຽວກັບ ຄຳຮ້ອງຂໍລີ້ໄພໃດໆ ແມ່ນກະທັ້ງປະຕິເສດທີ່ຈະຢືນຢັນວ່າ ມີຄຳຮ້ອງຂໍມາຈາກ ທ້າວ Snowden.
ຊາວອາເມຣິກັນທີ່ໜີກົດໝາຍຜູ້ນີ້ ໄດ້ຫລົບໜີໄປ Hong Kong ໃນເດືອນພຶດສະພາ ປີ 2013 ບ່ອນທີ່ລາວໄດ້ແຜ່ແບ ກ່ຽວກັບໂຄງການສິ້ງຊອມ ຂອງ ສະຫະລັດ ກ່ອນທີ່ມຸ້ງໜ້າໄປສູ່ ມົສກູ.
ໃບຄຳຮ້ອງຂອງ ທ້າວ Snowden ເພື່ອຂໍຢູ່ໃນຣັດເຊຍຕໍ່ໄປ ແມ່ນມີຂື້ນໃນ ຂະນະທີ່ ສຳ ພັນຂອງ ຣັດເຊຍ ກັບປະເທດຕາເວັນຕົກ ກຳລັງຢູ່ລະດັບຕຳ່ສຸດ ຫລັງຈາກຣັດເຊຍ ໄດ້ເຂົ້າຍຶດເອົາ Crimea ແລະການຍິງຖ້ຽວບິນ MH 17 ຂອງສາຍການບິນມາເລເຊຍຕົກ ທີ່ ຢູເຄຣນ.
