ຫິມະ ແລະ ນ້ຳກ້ອນ ໃນເຂດພູເຂົາ Alps ໃນປະເທດຝຣັ່ງ
ໄດ້ເຮັດໃຫ້ລົດຈຳນວນ 15,000 ຄັນ ຕົກຄ້າງຢູ່ຕາມພູ ສົ່ງ
ຜົນກະທົບໃຫ້ເກີດການຕິດຂັດຢ່າງໜັກ ໃນການຈະລາຈອນ
ໄປ ແລະກັບຈາກສະຖານທີ່ຫຼິ້ນສະກີ້ຫິມະຕ່າງໆຢູ່ເຂດພູເຂົາ
Alps ໃນຊ່ວງພັກບຸນຄຣິສມັສ.
ລັດຖະບານໄດ້ຂໍຮ້ອງ ໃຫ້ບັນດາຜູ້ຂັບລົດທັງຫຼາຍ “ຈົ່ງໃຊ້
ຄວາມລະມັດລະວັງຢ່າງທີ່ສຸດ” ແລະໃຫ້ຫລີກລ່ຽງການ
ເດີນທາງ ຖ້າເປັນໄປໄດ້.
ຊາຍຄົນໜຶ່ງເສຍຊີວິດ ເວລາລົດຂອງລາວແລ່ນເຈືອກລົງເຫວ ລະຫວ່າງຮ່ອມພູ.
ຫຼາຍກວ່າ ສາມສ່ວນສີ່ຂອງປະເທດ ແມ່ນຕົກຢູ່ພາຍໃຕ້ການເຕືອນໃຫ້ຕິດຕາມເບິ່ງ
ອາກາດປັ່ນປ່ວນທີ່ຮ້າຍແຮງ. ບັນດານັກພະຍາກອນອາກາດ ເຕືອນວ່າ ຈະມີຫິມະ
ຕົກລົງມາຕື່ມອີກ ແລະ “ຫິມະຈະແຂງຕົວຄືນ ໃນບໍລິເວນກວ້າງຂວາງ” ໃນຕອນ
ຂ້າມຄືນ ແລະໄດ້ເຕືອນອີກວ່າ ຖະໜົນສາຍຕ່າງໆ ຈະໝື່ນຫຼາຍ.
ລົມ ພັດຢ່າງແຮງກໍໄດ້ສ້າງຄວາມເສຍຫາຍ ໃນເຂດອື່ນໆຂອງຝຣັ່ງ ສົ່ງຜົນໃຫ້ປິດທ່າເຮືອ ເມືອງ Calais ລົງ ແລະ ສວນທີ່ມີຊື່ສຽງຂອງພະລາດຊະວັງເກົ່າ Versailles.
ຫິມະທີ່ຕົກລົງມາຢ່າງໜັກ ຍັງໄດ້ລົບກວນການສັນຈອນຕາມທ້ອງຖະໜົນສາຍຕ່າງໆ
ໃນເຢຍຣະມັນ ສົ່ງຜົນໃຫ້ເກີດສະພາບລົດຕິດ ຍາວເຖິງ 25 ກິໂລແມັດ ຢູ່ຖະໜົນໃຫຍ່
motorway ເລກ A8 ໃກ້ກັບນະຄອນ Stuttgart.
ຢູ່ໃນອັງກິດ ບັນດາເຈົ້າໜ້າທີ່ ໄດ້ອອກຄຳເຕືອນໃຫລະວັງການກ້າມເປັນນ້ຳກ້ອນຂອງ
ຫິມະ ແລະຫິມະທີ່ຕົກລົງມາ ຢ່າງໜັກໃນບາງເຂດ. ເຮືອນຊານຫຼາຍຮ້ອຍຫຼັງບໍ່ມີໄຟຟ້າ
ໃຊ້ ຢູ່ໃນບາງເຂດຂອງອັງກິດ.
