ບັນດານັກພະຍາກອນອາກາດ ສະຫະລັດ ກ່າວວ່າ ພາຍຸຫິມະ
ທີ່ຮ້າຍແຮງ ຢູ່ທາງພາກເໜືອຂອງລັດນິວຢອກ ໃກ້ຈະສີ້ນສຸດ
ລົງແລ້ວ ແຕ່ເລື່ອງນໍ້າ ຖ້ວມອາດຈະເປັນບັນຫາໃນຂັ້ນຕໍ່ໄປ
ຂະນະທີ່ອຸນຫະພູມສູງຂື້ນ ເກືອບ 16 ອົງສາແຊລເຊິສ ໃນໄລ
ຍະສອງສາມມື້ຂ້າງໜ້ານີ້.
ບັນດາຊາວເມືອງຫລາຍຄົນ ພາກັນຕົກຄ້າງ ຢູ່ໃນບ້ານເຮືອນ
ຂອງເຂົາເຈົ້າບໍ່ມີຢາຫລືບໍ່ມີໄຟຟ້າໃຊ້ ທັງຢູ່ໃນແລະອ້ອມແອ້ມ
ເມືອງ Buffalo ທາງພາກຕາເວັນຕົກຂອງລັດນິວຢອກ.
ບັນດານັກພະຍາກອນອາກາດທີ່ນັ້ນ ກ່າວວ່າ ພາຍຸລະດູໜາວ
ທີ່ຮ້າຍແຮງ ເຮັດໃຫ້ມີຫິມະຕົກລົງມາ ສອງແມດເຄິ່ງ ຫລືເທົ່າກັນກັບປະລິມານຂອງຫິມະ
ທີ່ຕົກລົງມາໝົດລະດູໜາວ.
ບັນດາເຈົ້າໜ້າທີ່ ໄດ້ຖິ້ມໂທດໃສ່ອາກາດໜາວຈາກຂົ້ວໂລກເໜືອ ທີ່ເຮັດໃຫ້ຢ່າງໜ້ອຍ
ແປດຄົນເສຍຊີວິດ ສ່ວນໃຫຍ່ແມ່ນຍ້ອນອາກາດໜາວເຢັນແລະຫົວ ໃຈວາຍ ຍ້ອນພາ
ກັນອອກໄປຊ້ວນຫິມະຢູ່ຂ້າງນອກ. ຫລັງຄາເຮືອນຈຳນວນນຶ່ງໄດ້ແຕກແຫງແລະພັງລົງ
ມາຍ້ອນນໍ້າ ໜັກຂອງຫິມະ.
ຖະໜົນຫົນທາງຍັງໄປມາຫາກັນບໍ່ໄດ້ ແລະການຫ້າມຂັບລົດໄປມາ ໄດ້ມີຜົນບັງໃຊ້ ໃນ
ຕອນແລງວັນພະຫັດວານນີ້ ຕະຫລາດຂາຍເຄຶ່ອງກິນຈຳນວນນຶ່ງມີລາຍງານວ່າ ມີຂອງ
ກິນທີ່ຕ້ອງການກິນເປັນປົກກະຕິນັ້ນ ໜ້ອຍລົງ ເຊັນວ່າ ເຂົ້າຈີ່ ແລະນ້ຳນົມເປັນຕົ້ນ. ຢູ່
ຕາມເສັ້ນທາງໃຫຍ່ໆຂອງລັດນິວຢອກ ມີລົດຂົນສົ່ງຫລາຍກວ່າ 300 ຄັນ ພາກັນຈອດ
ປະໄວ້ ເພື່ອລໍຖ້າໃຫ້ຫົນທາງເປີດຄືນ.
