ບັນດາຜູ້ພິພາກສາຂັ້ນອາວຸໂສສຸດຂອງ ອີຈິບ ພາກັນຕົກລົງທີ່ຈະ
ກຳກັບເບິ່ງແຍງແນະນໍາການລົງມະຕິ ຊຶ່ງຈະຈັດຂຶ້ນໃນວັນທີ່ 15
ເດືອນທັນວານີ້ ເພື່ອຮັບຮອງເອົາລັດຖະທໍາມະນູນສະບັບໃໝ່
ຊຶ່ງຕົ້ນຕໍແລ້ວແມ່ນຮ່າງຂຶ້ນໂດຍພັກສາສະໜາອິສລາມິສ ເຮັດ
ໃຫ້ ປະທານາທິບໍດີ Mohammed Morsi ທີ່ຮຽກຮ້ອງໃຫ້ມີການ
ປ່ອນບັດນັ້ນມີຄວາມເຂັ້ມ ແຂງເພີ້ມຂຶ້ນ.
ສະພາຕຸລາການສູງສຸດຂອງອີຈິບ ກ່າວໃນວັນຈັນວານນີ້ວ່າ ຕົນ
ຈະມອບວຽກໃຫ້ແກ່ພວກເຈົ້າໜ້າທີ່ ເພື່ອກຳກັບນຳການລົງມະ
ຕິ ທີ່ໄດ້ຖືກປະຕິເສດຈາກພວກຜູ້ພິພາກສາຊັ້ນຕໍ່າ ພ້ອມດ້ວຍສະ
ໂມສອນຜູ້ພິພາກສາທີ່ມີອິດທິພົນ ຮ່ວມຫົວກັນຄັດຄ້ານກ່ຽວກັບ
ເລື່ອງນີ້. ສະໂມສອນຜູ້ພິພາກສາ ໄດ້ອອກຖະແຫລງການໃນວັນ
ອາທິດຜ່ານມາຮຽກຮ້ອງໃຫ້ຮ່ວມຫົວກັນ ປະທ້ວງຕໍ່ຕ້ານດຳລັດ
ຂອງທ່ານ Morsi ທີ່ອອກໃນວັນທີ 22 ພະຈິກ ທີ່ຫ້າມບໍ່ໃຫ້ສານໃດໆກໍຕາມ ທ້າທາຍ
ການຕັດສິນໃຈຂອງທ່ານ.
ປະທານາທິບໍດີ Morsi ຕ້ອງການຢາກໃຫ້ຄະນະຕຸລາການເປັນຜູ້ຊີ້ນຳ ໃນການລົງປະຊາມະຕິ ເພື່ອໃຫ້ເປັນການເຄື່ອນໄຫວທີ່ຖືກຕ້ອງຊອບທຳຕາມກົດໝາຍ ກ່ຽວກັບການລົງປະຊາມະຕິນີ້ ແລະລັດຖະທໍາມະນູນ ທີ່ຮ່າງຂຶ້ນໂດຍພັນທະມິດຂອງທ່ານຢູ່ໃນສະພາຮ່າງລັດຖະທຳມະນູນ ທີ່ໄດ້ນໍາສົ່ງເອກກະສານໃຫ້ທ່ານໃນວັນເສົາແລ້ວນີ້. ບັນດາເຈົ້າໜ້າທີ່ກ່າວວ່າ ເຂົາເຈົ້າພວມດຳເນີນການຕໍ່ໄປກ່ຽວກັບແຜນການລົງປະຊາມະຕິ ຮວມທັງຈັດແຈງໃຫ້ຊາວອີຈິບ ທີ່ຢູ່ຕ່າງປະເທດໄປປ່ອນບັດໄດ້ ຢູ່ຕາມສະຖານທູດຕ່າງໆຂອງຕົນໃນຕ່າງປະເທດ.
ກຳກັບເບິ່ງແຍງແນະນໍາການລົງມະຕິ ຊຶ່ງຈະຈັດຂຶ້ນໃນວັນທີ່ 15
ເດືອນທັນວານີ້ ເພື່ອຮັບຮອງເອົາລັດຖະທໍາມະນູນສະບັບໃໝ່
ຊຶ່ງຕົ້ນຕໍແລ້ວແມ່ນຮ່າງຂຶ້ນໂດຍພັກສາສະໜາອິສລາມິສ ເຮັດ
ໃຫ້ ປະທານາທິບໍດີ Mohammed Morsi ທີ່ຮຽກຮ້ອງໃຫ້ມີການ
ປ່ອນບັດນັ້ນມີຄວາມເຂັ້ມ ແຂງເພີ້ມຂຶ້ນ.
ສະພາຕຸລາການສູງສຸດຂອງອີຈິບ ກ່າວໃນວັນຈັນວານນີ້ວ່າ ຕົນ
ຈະມອບວຽກໃຫ້ແກ່ພວກເຈົ້າໜ້າທີ່ ເພື່ອກຳກັບນຳການລົງມະ
ຕິ ທີ່ໄດ້ຖືກປະຕິເສດຈາກພວກຜູ້ພິພາກສາຊັ້ນຕໍ່າ ພ້ອມດ້ວຍສະ
ໂມສອນຜູ້ພິພາກສາທີ່ມີອິດທິພົນ ຮ່ວມຫົວກັນຄັດຄ້ານກ່ຽວກັບ
ເລື່ອງນີ້. ສະໂມສອນຜູ້ພິພາກສາ ໄດ້ອອກຖະແຫລງການໃນວັນ
ອາທິດຜ່ານມາຮຽກຮ້ອງໃຫ້ຮ່ວມຫົວກັນ ປະທ້ວງຕໍ່ຕ້ານດຳລັດ
ຂອງທ່ານ Morsi ທີ່ອອກໃນວັນທີ 22 ພະຈິກ ທີ່ຫ້າມບໍ່ໃຫ້ສານໃດໆກໍຕາມ ທ້າທາຍ
ການຕັດສິນໃຈຂອງທ່ານ.
ປະທານາທິບໍດີ Morsi ຕ້ອງການຢາກໃຫ້ຄະນະຕຸລາການເປັນຜູ້ຊີ້ນຳ ໃນການລົງປະຊາມະຕິ ເພື່ອໃຫ້ເປັນການເຄື່ອນໄຫວທີ່ຖືກຕ້ອງຊອບທຳຕາມກົດໝາຍ ກ່ຽວກັບການລົງປະຊາມະຕິນີ້ ແລະລັດຖະທໍາມະນູນ ທີ່ຮ່າງຂຶ້ນໂດຍພັນທະມິດຂອງທ່ານຢູ່ໃນສະພາຮ່າງລັດຖະທຳມະນູນ ທີ່ໄດ້ນໍາສົ່ງເອກກະສານໃຫ້ທ່ານໃນວັນເສົາແລ້ວນີ້. ບັນດາເຈົ້າໜ້າທີ່ກ່າວວ່າ ເຂົາເຈົ້າພວມດຳເນີນການຕໍ່ໄປກ່ຽວກັບແຜນການລົງປະຊາມະຕິ ຮວມທັງຈັດແຈງໃຫ້ຊາວອີຈິບ ທີ່ຢູ່ຕ່າງປະເທດໄປປ່ອນບັດໄດ້ ຢູ່ຕາມສະຖານທູດຕ່າງໆຂອງຕົນໃນຕ່າງປະເທດ.
