ລິ້ງ ສຳຫລັບເຂົ້າຫາ

ວັນສຸກ, ໒໙ ມີນາ ໒໐໒໔

ບໍ່​ເທົ່າ​ໃດ​ນາ​ທີ​ ກ່ອນທີ່ເຮືອບິນ EgyptAir ຕົກ ມີສັນຍານ ​​ເຕືອນໄຟ​ໄໝ້ ​ດັງ​ຂຶ້ນ


ເຮືອບິນອີຈິບກຳລັງບິນຊອກຄົ້ນຫາຊາກເຮືອບິນຕົກ ທີ່ທະເລ Mediterranean.
ເຮືອບິນອີຈິບກຳລັງບິນຊອກຄົ້ນຫາຊາກເຮືອບິນຕົກ ທີ່ທະເລ Mediterranean.

ບໍ່​ເທົ່າ​ໃດ​ນາ​ທີ​ກ່ອນທີ່ຖ້ຽວ​ບິນ 804 ຂອງສາຍ​ການບິນ EgyptAir ຕົກລົງ​ສູ່​ທະ​ເລ Me- diterranean ​ໃນ​ຕອນ​ເຊົ້າ​ວັນ​ພະຫັດຜ່ານ​ມານີ້ ສັນຍານເຕືອນໄຟ​ໄໝ້ໄດ້​ດັງ​ຂຶ້ນຢູ່ໃນ​ຫ້ອງ​ຄົນ​ຂັບ ​ອີງ​ຕາມຂໍ້​ມູນ​ຂອງ​ຖ້ຽວບິນ.

​ເວັ​ບ​ໄຊ​ການບິນ Aviation Herald ທີ່​ລາຍ​ງານ​ກ່ຽວ​ກັບ​ເລື້ອງຕ່າງໆ​ ຂອງອຸດສາຫະ ກຳການບິນ ​ພິມເຜີ​ຍ​ແຜ່​ຂໍ້​ມູນ​ທີ່​ສະ​ແດງ​ໃຫ້​ເຫັນວ່າ ​ເຄື່ອງ​ເຕືອນໄຟ​ໄໝ້​ຢູ່​ໃນ​ຫ້ອງ​ນໍ້າ ໄດ້ດັງ​ຂຶ້ນ​ບໍ່​ດົນ​ກ່ອນ​ເຮືອບິນ​ຕົກ.

Aviation Herald ລາຍ​ງານ​ວ່າ ຕົນ​ໄດ້​ຮັບ​ຂໍ້​ມູນ​ນີ້ ​ຜ່ານ​ທາງລະບົບ​ການ​ສື່ສານ ​ແລະ ​ລະບົບລາຍ​ງານຂອງ​ເຮືອບິນ ຫຼື ACARS ທີ່​ໃຊ້​ໂດຍສາຍການບິນ​ ເພື່ອ​ບັນທຶກ​ຂໍ້​ມູນ​ຖ້ຽວບິນ ທີ່ສະ​ແດງ​ໃຫ້​ເຫັນ​ວ່າ ມີ​ຄວັນ​ໄຟ​ຢູ່​ໃນ​ຫ້ອງ​ນໍ້າ​ເວລາ 2 ​ໂມງ 26 ນາທີ ​ຕາມ​ເວ ລາ​ທ້ອງ​ຖິ່ນ.

ທ່ານ Tarek, ຍາດພີ່ນ້ອງຄົນນຶ່ງຂອງຜູ້ໂດຍສານໄດ້ຮ້ອງໃຫ້ຂຶ້ນ.
ທ່ານ Tarek, ຍາດພີ່ນ້ອງຄົນນຶ່ງຂອງຜູ້ໂດຍສານໄດ້ຮ້ອງໃຫ້ຂຶ້ນ.

​ໃນລະຫວ່າງ​ນຶ່ງ​ນາ​ທີ​ຕໍ່​ມາ ​ເຄື່ອງ​ເຕືອນ​ໄພ​ໄໝ້​ອີກ​ອັນ​ນຶ່ງ​ກໍ​ໄດ້​ດັງ​ຂຶ້ນຫລັງຈາກ​ນັ້ນສອງ​ນາທີ​ຕໍ່​ມາ ​ເຄື່ອງ​ເຕືອນ​ອັນສຸດ​ທ້າຍ​ ຂອງລະບົບ ACARS ​ກໍໄດ້​ເຕືອນວ່າ ​ມີຄວັນ​ໄຟຢູ່​ໃກ້ກັບ​ລະ​ບົບ​ອີ​ເລັກ​ໂທຣນິກແລະຢູ່​ບ່ອນເຄື່ອງອຸບ​ປະກອນຂອງ​ເຮືອບິນ.

ບັນດາຄອບຄົວທີ່ພາກັນໂສກເສົ້າໄດ້ມາເຖິງຫ້ອງການ EgyptAir ທີ່ນະຄອນ Cairo.
ບັນດາຄອບຄົວທີ່ພາກັນໂສກເສົ້າໄດ້ມາເຖິງຫ້ອງການ EgyptAir ທີ່ນະຄອນ Cairo.

ອົງການຄຸ້ມ​ຄອງ​ຄວາມ​ປອດ​ໄພ​ການບິນ​ຂອງຝຣັ່ງ ​ໄດ້​ຢືນຢັນກ່ຽວ​ກັບ​ຄວາມ​ຖືກຕ້ອງ​ ຂອງ​ລາຍງານດັ່ງກ່າວ ​ແຕ່​ໂຄສົກ​ໄດ້​ກ່າວ​ວ່າ “ຍັງເປັນ​ການໄວ​ເກີນ​ໄປ​ທີ່​ຈະ​ຕີ​ຄວາມ​ ໝາຍ ​ແລ​ະ​ເຂົ້​າ​ໃຈ​ເຖິງ​ສາ​ເຫດ​ຂອງອຸປະຕິ​ເຫດ ຕາບ​ໃດ​ທີ່​ເຮົາ​ຍັງ​ບໍ່​ພົບ​ເຫັນ​ຊາກ​ເຮືອ ບິນ ຫລືເຄື່ອງບັນທຶກຂໍ້​ມູນ​ຖ້ຽວບິນ​ເທື່ອ.

ບັນດາ​ເຈົ້າ​ໜ້າ​ທີ່​ອີ​ຈິບ​ກໍ​ທຳ​ການ​ສື​ບສວນກ່ຽວ​ກັບການ​ເຕືອນ​ເຖິງ​ຄວັນ​ໄຟ​ເຊັ່ນກັນ.

People Pray in Cairo for EgyptAir Victims
please wait

No media source currently available

0:00 0:00:50 0:00

​ພວກ​ຊອກ​ຄົ້ນ​ຫາ​ໄດ້​ພົບ​ເຫັນ​ຊາກ​ສົບ​ຂອງຜູ້​ຄົນ ພ້ອມ​ດ້ວຍ​ສິ່ງ​ຂອງ​ຕ່າງໆ​ຂອງຜູ້ໂດຍ ສານຢູ່​ໃນ​ເຮືອບິນ ​ແຕ່​ຍັງ​ກຳລັງຊອກ​ຫາສ່ວນ​ໃຫຍ່ຂອງ​ຊາກເຮືອບິນ​ນັ້ນຢູ່.

​ໃນ​ການ​ຊອກ​ຫາ​ຮ່ອງ​ຮອຍ ​ເພື່ອ​ໃຫ້​ເປັນ​ທີ່​ເຂົ້າ​ໃຈ​ວ່າ​ ເປັນຫຍັງ​ເຮືອບິນອາຍ​ພົ່ນ​ໂດຍ ສານ​ທີ່​ບັນທຸກ 66 ຄົນຈຶ່ງ​ຕົກລົງ​ສູ່​ທະ​ເລ Mediterranean ຊຶ່ງບັນດາຄະນະຊອກ​ຄົ້ນ ກຳລັງ​ຊອກ​ຫາ​ຊິ້ນ​ສ່ວນຂະໜາດໃຫຍ່​ ຂອງ​ເຮືອ​ບິນ ຫລືບ່ອນ​ທີ່​ມີ​ສັນ​ຍານ​ຈາກ​ເຄື່ອງ ບັນທຶກ​ຖ້ຽວບິນ.

ອ່ານຂ່າວນີ້ເພີ້ມເປັນພາສາອັງກິດ

Egypt Air
please wait
Embed

No media source currently available

0:00 0:01:04 0:00

ລາຍການກະຈາຍສຽງຂອງວີໂອເອ ລາວ ຜ່ານໂທລະພາບ

ສົດ ລາຍການວິທະຍຸ-ກະຈາຍສຽງຂອງວີໂອເອລາວ ວັນທີ 29 ມີນາ 2024

XS
SM
MD
LG