ບັນດາພັກການເມືອງຝ່າຍຄ້ານອຽງຂວາຂອງສະໂລວາເກຍ ກຽມພ້ອມ ທ່ີຈະປະກອບລັດຖະບານຊຸດໃໝ່ຂຶ້ນ
ຫລັງຈາກການເລືອກຕັ້ງແຫ່ງຊາດໃນວັນເສົາວານນີ້. ຄະແນນສຽງຈາກບັດເລືອກຕັ້ງ ທີ່ນັບເກືອບໝົດແລ້ວ
ໃນວັນອາທິດມື້ນີ້ ສະແດງໃຫ້ເຫັນວ່າ ພວກພັກຝ່າຍຄ້ານທ່ີສຳຄັນຂອງສະໂລວາເກຍໄດ້ ຮັບທັງໝົດ 79 ບ່ອນນັ່ງ
ໃນສະພາ.
ພັກ Smer ນິຍົມຊ້າຍຂອງນາຍົກລົດຖະມຸນຕີຄົນປັດຈຸບັນ ທ່ານ Robert Fico ໄດ້ຊະນະບ່ອນນັ່ງ 36 ບ່ອນ
ຊຶ່ງເປັນຈຳນວນຫລາຍ ທ່ີສຸດ ທ່ີພັກການເມືອງນຶ່ງໄດ້ຮັບ. ທ່ານ Fico ກ່າວໃນວັນອາທິດມື້ນີ້ ວ່າ ທ່ານມີໂອກາດ
ທ່ີຈະດຳຣົງຕຳແໜ່ງນາຍົກລັດຖະມຸນຕີຕ່ໍໄປ ແຕ່ທ່ານກ່າວວ່າ ທ່ານຈະເຄົາລົບນັບຖື ລັດຖະບານນິຍົມຂວາກາງຂອງ
ພັກຝ່າຍຄ້ານ ຖ້າພວກພັກເຫລົ່ານັ້ນ ຫາກສາມາດປະກອບລັດຖະ ບານປະສົມຂຶ້ນມາໄດ້ ໂດຍບໍ່ມີພັກ Smer
ເຂົ້າຮ່ວມນຳ. ພັກ Smer ໄດ້ໃຫ້ຄຳໝັ້ນສັນຍາວ່າ ຈະບໍ່ຕັດຜົນປະໂຫຍດດ້ານສວັດດີການສັງຄົມ ຄືກັນກັບພວກ
ປະເທດອື່ນໆໃນຢູໂຣບ ແຕ່ຂ່າວນອງນັນກ່ຽວກັບການຫາເງິນເລືອກຕັ້ງຫວ່າງໄວໆຜ່ານມານີ້ ໄດ້ສ້າງຄວາມເສຍ ຫາຍ
ໃຫ້ແກ່ ຄວາມຫວັງໃນການໄດ້ຮັບເລືອກຕັ້ງຄືນໃໝ່ຂອງທ່ານ Fico.
