ລິ້ງ ສຳຫລັບເຂົ້າຫາ

ເກົາຫຼີ​ໃຕ້​ ປະຕິ​ເສດ ​ຂໍ້​ຫາ ເກົາຫຼີ​ເໜືອ ເລື່ອງ ລັກພາຕົວ ຊາວໜຸ່ມ​ 9 ຄົນ


ພວກນັກເຄື່ອນໄຫວປະທ້ວງ ບໍ່ໃຫ້ຈີນສົ່ງພວກທີ່ໜີອອກຈາກເກົາຫຼີ ເໜືອກັບຄືນບ້ານເກີດ
ເກົາຫຼີ​ໃຕ້​ປະຕິ​ເສດ​ຕໍ່ຂໍ້​ກ່າວ​ຫາຂອງ​ເກົາຫຼີ​ເໜືອ​ ທີ່​ວ່າ​ຕົນ​ພະຍາຍາມ​ລັກ​ພາ​ຕົວຊາວໜຸ່ມ​ເກົາຫຼີເໜືອເກົ້າຄົນ ທີ່​ຖືກ​ກັກ​ຂັງ​ໄວ້​ຢູ່​ໃນ​ລາວ​ເມື່ອ​ເດືອນ​ຜ່ານ​ມາ ກ່ອນ​ທີ່​ຈະ​ສົ່ງ​ກັບ​ຄືນ​ໄປ​ປະ​ເທດ​ບ້ານ​ເກີດ​ຂອງ​ພວກ​ເຂົາ​ເຈົ້ານັ້ນ.

​ໃນ​ຖະ​ແຫຼງການ​ສະບັບ​ນຶ່ງ​ທີ່​ນໍາ​ອອກ​ເຜີຍ​ແຜ່​ໂດຍ​ອົງການ
ຂ່າວທາງ​ການ ຂອງ​ເກົາຫຼີ​ເໜືອ​ ເມື່ອ​ວັນ​ພຸດ​ວານ​ນີ້ ​ເຈົ້າໜ້າ​ທີ່​
ສະພາກາ​ແດງ​ເກົາຫຼີ​ເໜືອ​ທ່ານ​ນຶ່ງ​ເວົ້າ​ວ່າ ສາຍ​ລັບ​ເກົາຫຼີ​ໃຕ້​
ໄດ້​ໃຊ້​ກົນອຸບາຍ ຫຼອກ​ໃຫ້​ຊາວ​ເກົາຫຼີ​ ​ເໜືອ​ໜີ​ອອກ​ນອກ
​ປະ​ເທດ.

ທາງ​ການ​ເວົ້າ​ວ່າ ຊາວ​ເກົາຫຼີ​ໃຕ້​ໄດ້​ທຸບ​ຕີ​ ແລະ​ລ້າງ​ສະໝອງພວກ​ເຍົາວະ​ຊົນຈຸ​ດັ່ງກ່າວ
ໂດຍ​ບັງຄັບ​ໃຫ້​ພວກ​ເຂົາ​ເຈົ້າອ່ານ​ຄຳ​ສັ່ງສອນ​ຂອງສາສະໜາ ຄຣີສຕຽນ​ເວລາຂົນ​ສົ່ງ​
ພວກ​ເຂົາ​ເຈົ້າຜ່ານ​ຈີນ​ໄປ​ຍັງ ​ສປປ ລາວ. ຖະ​ແຫຼງ ການຂອງ​ເກົາຫຼີ​ເໜືອ ​ໄດ້​ກ່າວ​ຫາ​
ກຸງ​ໂຊ​ລວ່າ​ກໍ່​ການ​ອາດຊະຍາ​ກໍາ​ແບບ​ທີ່​ບໍ່​ເຄີຍ​ມີ​ມາກ່ອນ.

​ເມື່ອ​ຕອນ​ບ່າຍ​ວັນ​ພຸດ​ວານ​ນີ້ ກະຊວງ​ທ້ອນ​ໂຮມ​ຊາດ​ຂອງ​ເກົາຫຼີ​ໃຕ້ ​ເວົ້າ​ວ່າ ຄໍາ​ກ່າວ​ຫາ
​ດັ່ງກ່າວ​ຂອງ​ເກົາຫຼີ​ເໜືອ​ ​ເປັນ​ເລື່ອງ​ໄ​ຮ້ສາລະ​ ແລະ​ບໍ່​ມີ ​ເຫດຜົນ ​ແລະ​ເມີນ​ເສີຍ​ຕໍ່
ຄວາມເປັນຫ່ວງ​ຕ່າງໆ​ຂອງ​ປະຊາ​ຄົມນາ​ນາ​ຊາດ ກ່ຽວ​ກັບ​ການ​ບັງຄັບ​ສົ່ງ​ຊາວ​ເກົາຫຼີ​ເໜືອ​
ຈຸ​ນີ້ ກັບ​ບ້ານນັ້ນ.

ທາງ​ການ​ລາວ​ໄດ້​ກັກ​ຂັງ​ຊາວ​ໜຸ່ມ​ເກົາຫຼີເໜືອ​ເກົ້າ​ຄົນ​ດັ່ງກ່າວ​ເມື່ອ​ວັນ​ທີ 10 ​ພຶດສະພາ​
ຜ່ານ​ມາ ​ໃນ​ຂໍ້​ຫາ​ເຂົ້າ​ເມືອງ​ຜິດ​ກົດໝາຍ. ນອກ​ນີ້​ແລ້ວ ລາວ​ຍັງ​ກັກ​ຂັງຊາວ​ເກົາຫຼີ​ໃຕ້​
ອີກສອງ​ຄົນ​ທີ່​ມາ​ນໍາ​ພວກຊາວ​ໜຸ່ມ​ເກົາຫຼີ ​ເໜືອ​ຈຸ​ດັ່ງກ່າວ ໃນ​ຖານສົງ​ໄສວ່າ​ ລັກ​ລອບ​ຄ້າ
ມະນຸດ​ຜິດ​ກົດໝາຍ.

ກຸງໂຊ​ລປະຕິ​ເສດຕໍ່​ຂໍ້​ຫາ​ການ​ລັກລອບ​ຂົນ​ສົ່ງ​ມະນຸດ ​ແລະ​ເວົ້າວ່າ ​ຊາວ​ເກົາຫຼີ​ໃຕ້​ສອງ​ຄົນ
​ພຽງ​ແຕ່​ພະຍາຍາມ​ຊ່ວຍ​ຊາວ​ໜຸ່ມ​ເກົາຫຼີ​ເໜືອ​ໃຫ້​ໂຕນ​ໜີ​ໄປ​ເກົາຫຼີ​ໃຕ້​ໂດຍ​ຜ່ານ​ລາວ.
ລັດຖະບານ​ເກົາຫຼີ​ໃຕ້​ຍັງ​ກ່າວ​ຫາ​ເກົາຫຼີ​ເໜືອ​ວ່າ​ໄດ້​ສົ່ງ​ສາຍ​ລັບ​ໄປ​ລາວ​ ເພື່ອ​ບັງຄັບ​
ໃຫ້​ຊາວ​ໜຸ່ມເກົາຫຼີ​ເໜືອ​ທັງ 9 ກັບ​ຄືນ​ປະ​ເທດ ​ຜ່ານທາງ​ຈີນ.

​ລັດຖະບານ​ຈີນ​ເວົ້າ​ວ່າ ພວກ​ຊາວ​ໜຸ່ມຈຸ​ດັ່ງກ່າວ ​ໄດ້​ເຂົ້​າ​ໄປ​ຈີນ​ ຈາກ​ລາວ ພ້ອມ​ກັບ
​ເອກ​ກະສາ​ນ ທີ່​ຖືກຕ້ອງ ​ເມື່ອ​ວັນ​ທີ 27 ພຶດສະພາ ​ແລະ​ກັບ​ຄືນ​ໄປ​ເກົາຫຼີ​ເໜືອ​ມື້​ນຶ່ງ​ຕໍ່​ມາ
​ໂດຍ​ສະ​ແດງ​ໃຫ້​ເຫັນ​ວ່າ ​ພວກ​ເຂົາ​ເຈົ້າ​ເດີ​ນທາງ​ຜ່ານຈີນ​ນັ້ນ ​ແມ່ນ​ດ້ວຍ​ຄວາມ​ສະໝັກ​ໃຈ.

ຄວາມເຫັນຂອງທ່ານ

ສະແດງຄວາມເຫັນໃຫ້ເບິ່ງ

XS
SM
MD
LG