ສ່ວນຢູ່ໃນອຸປະຕິເຫດທາງທະເລອີກອັນນຶ່ງນັ້ນ ພວກເຈົ້າໜ້າທີ່ເກົາຫລີໃຕ້ເວົ້າວ່າ ຢ່າງ
ໜ້ອຍມີ 3 ຄົນເສຍຊີວິດ ແລະອີກ 8 ຄົນຫາຍສາບສູນ ລຸນຫລັງເຮືອບັນທຸກນໍ້າມັນຂອງ
ເກົາຫລີໃຕ້ ລະເບີດຂຶ້ນ.
ໜ່ອຍຍາມຝັ່ງທະເລຂອງເກົາຫລີໃຕ້ເວົ້າວ່າ ກໍ່າປັ່ນບັນທຸກນໍ້າມັນທີ່ໜັກ 4,191 ໂຕນ ໄດ້ລະເບີດຂຶ້ນໃນເຊົ້າວັນອາທິດມື້ນີ້ ຢູ່ໃນເຂດທະເລເຫລືອງ ນອກຝັ່ງເມືອງທ່າເຮືອ
Incheon ທາງພາກຕາເວັນຕົກຂອງປະເທດ.
ລູກເຮືອລວມມີ ຄົນເກົາຫລີ 11 ຄົນ ແລະ ຄົນມຽນມາ 5 ຄົນ. ສອງຄົນໃນຈໍານວນທີ່
ຖືກຢືນຢັນວ່າ ເສຍຊີວິດນັ້ນ ແມ່ນມາຈາກມຽນມາ. ຄົນເກົາຫລີ 5 ຄົນ ແລະຄົນມຽນມາ
3 ຄົນ ແມ່ນຍັງຫາຍສາບສູນຢູ່ໃນຂະນະທີ່ລູກເຮືອອີກ 5 ຄົນ ໄດ້ຖືກຊ່ວຍກູ້ຊີວິດໄວ້ໄດ້.
ພວກເຈົ້າໜ້າທີ່ກໍາລັງສືບສວນສອບສວນສາເຫດຂອງການລະເບີດດັ່ງກ່າວ ແຕ່ວ່າໜ່ວຍ
ທະຫານຍາມຝັ່ງເວົ້າວ່າ ບໍ່ຊົງວ່າມັນຈະເກີດຈາກການກະທໍາຂອງເກົາຫລີເໜືອ.
