ຖັງແກັສເຮັດກິນ ໄດ້ລະເບີດຢູ່ຮ້ານອາຫານແຫ່ງນຶ່ງ ທີ່ເຕັມໄປ
ດ້ວຍຜູ້ຄົນ ຢູ່ໃນພາກກາງຂອງປະເທດອິນເດຍໃນວັນເສົາມື້ນີ້
ເຮັດໃຫ້ມີຜູ້ເສຍຊີວິດ ຢ່າງໜ້ອຍ 60 ຄົນແລະບາດເຈັບອີກຈຳ
ນວນນຶ່ງ. ສື່ມວນຊົນທ້ອງຖິ່ນລາຍງານວ່າຈຳນວນຜູ້ເສຍຊີວິດ
ຄາດວ່າຈະເພີ້ມຂຶ້ນກາຍ 80 ຄົນ.
ຮ້ານອາຫານທີ່ລັດ Madhya Pradesh ທີ່ເຕັມໄປດ້ວຍຜູ້ຄົນ
ພາກັນໄປກິນອາຫານເຊົ້າເວລາເຫດລະເບີດຂະໜາດແຮງໄດ້
ເກີດຂຶ້ນ.
ເຫດລະເບີດດັ່ງກ່າວໄດ້ສ້າງຄວາມເສຍຫາຍໃຫ້ແກ່ຕຶກອາຄານ
ທີ່ຕັ້ງຢູ່ໃກ້ຄຽງ.
ລາຍງານຂ່າວບາງກະແສແຈ້ງວ່າ ໄຟຈາກເຫດລະເບີດ ໄດ້ລາມໄປໄໝ້ດິນລະເບີດທີ່ເກັບ ມ້ຽນໄວ້ໃນບໍລິເວນໃກ້ຄຽງ ຊຶ່ງພາໃຫ້ເກີດເຫດລະເບີດຮ້າຍແຮງຄັ້ງທີສອງຂຶ້ນ.
ພວກກູ້ໄພ ແລະອາສາສະໝັກກຳລັງຊອກຄົ້ນຫາຜູ້ທີ່ລອດຊີວິດມາໄດ້ຢູ່ຕາມຊາກຫັກພັງ.
ການລະເບີດຂອງຖັງແກັສເຮັດກິນ ຢູ່ຕາມບ້ານເຮືອນ ແມ່ນມີຂຶ້ນຢູ່ເລື້ອຍໆໃນປະເທດອິນ ເດຍ.
