ບິດອນຜູ້ກໍ່ຕັ້ງສິງຄະໂປກ່າວວ່າ ທ່ານຈະລາອອກຈາກການເປັນຜູ້ນໍາລັດຖະບານ ເພື່ອແຜ້ວ ທາງໃຫ້ພວກຜູ້ນໍາລຸ້ນຕໍ່ໄປ.
ທ່ານ ລີ ກວນ ຢູ ນາຍົກລັດຖະມົນຕີຄົນທໍາອິດຂອງສິງຄະໂປ ໄດ້ປະກາດການຕັດສິນໃຈ ຂອງທ່ານ ທີ່ຈະລາອອກຈາກລັດຖະບານ ໃນວັນເສົາວານນີ້.
ລັດຖະມົນຕີອາວຸໂສ ທ່ານ Goh Chok Tong ຜູ້ເຄີຍດໍາລົງຕໍາແໜ່ງນາຍົກລັດຖະມົນຕີ ຄົນທີ່ສອງຄົນດຽວຂອງປະເທດ ກໍໄດ້ປະກາດການລາອອກ ຂອງທ່ານເຊັ່ນກັນ.
ໃນຖະແຫລງການຮ່ວມຂອງພວກທ່ານເມື່ອວັນເສົາວານນີ້ ຜູ້ນໍາສໍາຄັນທັງສອງທ່ານ ກ່າວ ວ່າ ມັນເຖິງເວລາແລ້ວທີ່ຈະມີຄະນະລັດຖະມົນຕີລຸ້ນໜຸ່ມນ້ອຍກວ່າທັງໝົດ ເພື່ອເຂົ້າພົວພັນ ກັບພວກຄົນໜຸ່ມຂອງສິງຄະໂປ ຕໍ່ໄປ.
ການປະກາດຂອງພວກທ່ານມີຂຶ້ນລຸນຫລັງຈາກຜົນການເລືອກຕັ້ງທີ່ຂີ້ຮ້າຍ ທີ່ສຸດຂອງພັກຂອງພວກທ່ານ ນັບຕັ້ງແຕ່ສິງຄະໂປໄດ້ຮັບເອກະລາດຈາກອັງກິດ ເມື່ອປີ 1965 ນັ້ນ.
