ບຸກຄົນທີ່ປະທານາທິບໍດີ ດໍໂນລ ທຣຳ ໃຫ້ຄວາມສຳຄັນໃນການສ້າງການປ່ຽນແປງຢ່າງວ່ອງໄວ ໃນໜ່ວຍງານລັດຖະບານ ສະຫະລັດ ແມ່ນ ທ່ານ ອີລອນ ມັສຄ໌, ເຊິ່ງແມ່ນຜູ້ບໍລິຫານໃຫຍ່ຂອງບໍລິສັດຜະລິດລົດ Tesla ແລະບໍລິສັດອະວະກາດ SpaceX. ສະມາຊິກພັກເດໂມແຄຣັດ ໃນລັດຖະສະພາເວົ້າວ່າ ຄວາມພະຍາຍາມຂອງມະຫາເສດຖີຫຼາຍພັນຕື້ໂດລາ ທີ່ໄດ້ຮັບການໜູນຫຼັງໂດຍ ທ່ານ ທຣຳ, ເພື່ອຫຼຸດການໃຊ້ຈ່າຍຂອງລັດຖະບານກາງ ແມ່ນບໍ່ຖືກຕ້ອງ.
ການປະທ້ວງຢູ່ນອກອົງການລັດຖະບານກາງແຫ່ງນຶ່ງໃນນະຄອນຫຼວງ ວໍຊິງຕັນ ໃນອາທິດນີ້ໄດ້ເພັ່ງເລັງໃສ່ວຽກງານຂອງທ່ານ ອີລອນ ມັສຄ໌, ຜູ້ທີ່ຖືກແຕ່ງຕັ້ງໂດຍປະທານາທິບໍດີ ດໍໂນລ ທຣຳ ໃຫ້ຮັບຜິດຊອບໃນການຫຼຸດຂະໜາດຂອງລັດຖະບານ ສະຫະລັດ.
ສະມາຊິກສະພາສູງສັງກັດພັກເດໂມແຄຣັດ ທ່ານ ຄຣິສ ເມີຟີ ກ່າວວ່າ “ປະຊາຊົນຄວນໄດ້ຮັບໂອກາດເພື່ອຕັດສິນ ກ່ຽວກັບ ວິທີທີ່ພວກເຮົາປ້ອງກັນ ສະຫະລັດ ອາເມຣິກາ. ປະຊາຊົນຄວນມີໂອກາດທີ່ຈະຕັດສິນໃຈວິທີທີ່ເງິນຂອງຜູ້ຈ່າຍພາສີຖືກນຳໃຊ້. ທ່ານ ອີລອນ ມັສຄ໌ ບໍ່ສາມາດເປັນຜູ້ຕັດສິນໄດ້.”
ທ່ານ ມັສຄ໌ ເປັນຄົນທີ່ລວຍທີ່ສຸດໃນໂລກ ແລະ ເປັນຜູ້ບໍລິຫານໃຫຍ່ຂອງບໍລິສັດລົດໄຟຟ້າ Tesla ແລະ ບໍລິສັດອະວະກາດ SpaceX ແລະ ເປັນເຈົ້າຂອງບໍລິສັດອື່ນໆ, ລວມທັງສື່ສັງຄົມ X ທີ່ຮູ້ຈັກກັນກ່ອນໜ້ານີ້ ຄື Twitter.
ນັບຕັ້ງແຕ່ການສາບານຕົວເຂົ້າຮັບຕຳແໜ່ງຂອງທ່ານ ທຣຳ, ທ່ານ ມັສຄ໌, ໃນຖານະເປັນຫົວໜ້າຂອງພະແນກປະສິດທິພາບຂອງລັດຖະບານທີ່ຖືກຕັ້ງຂຶ້ນໃໝ່ ຫຼື DOGE, ໄດ້ເລີ່ມເຮັດວຽກເພື່ອຕັດສິ່ງທີ່ລາວ ແລະ ປະທານາທິບໍດີ ທຣຳ ເຫັນດັ່ງກັບໂຄງການລັດຖະບານກາງທີ່ມີຄ່າໃຊ້ຈ່າຍສູງ.
ທີມຂອງທ່ານ ມັສຄ໌ ຖືກລາຍງາຍວ່າ ສາມາດເຂົ້າເຖິງລະບົບການຊຳລະເງິນຂອງກະຊວງການເງິນໄດ້ ເຮັດໃຫ້ເກີດຄວາມກັງວົນ ແລະ ໄດ້ພະຍາຍາມຄວບຄຸມໜ່ວຍງານ ເພື່ອການພັດທະນາລະຫວ່າງປະເທດຂອງ ສະຫະລັດ ຫຼື USAID ຊຶ່ງໃຫ້ຄວາມຊ່ວຍເຫຼືອດ້ານມະນຸດສະທຳ ແລະ ການຊ່ວຍເຫຼືອອື່ນໆ ແກ່ປະເທດຕ່າງໆຫຼາຍກວ່າ 100 ປະເທດ. ນັ້ນແມ່ນບ່ອນທີ່ເຫດການປະທ້ວງໄດ້ເກີດຂຶ້ນໃນອາທິດນີ້.
ສະມາຊິກສະພາຕ່ຳສັງກັດພັດເດໂມແຄຣັດ ທ່ານ ດອນ ບາຍເອີ ກ່າວວ່າ “ປະທານາທິບໍດີ ທຣຳ ໄດ້ຊີ້ນຳໝູ່ພວກມະຫາເສດຖີພັນລ້ານໂດລາທີ່ສໍ້ໂກງຂອງລາວ, ຄື ທ່ານ ອີລອນ ມັສຄ໌, ໃຫ້ປຸ້ນສະດົມອົງການທີ່ສຳຄັນຂອງລັດຖະບານ ສະຫະລັດ.”
ແນວໃດກໍຕາມ, ທ່ານ ທຣຳ ໄດ້ກ່າວຢ້ຳການສະໜັບສະໜູນຂອງທ່ານສຳລັບທ່ານ ມັສຄ໌.
ປະທານາທິບໍດີ ດໍໂນລ ທຣຳ ກ່າວວ່າ “ມັນເປັນບາງສິ່ງທີ່ລາວຮູ້ສຶກຢ່າງແຂງແຮງນຳ, ແລະ ຂ້ອຍກໍປະທັບໃຈ ເພາະວ່າລາວເປັນຜູ້ດຳເນີນບໍລິສັດທີ່ໃຫຍ່ຢ່າງເຫັນໄດ້ຊັດ.”
ທ່ານ ອີລອນ ມັສຄ໌ ກ່າວວ່າ ສິ່ງທີ່ລາວໄດ້ພົບເຫັນຢູ່ອົງການ USAID ແມ່ນບໍ່ສາມາດກູ້ຄືນມາໄດ້.
ທ່ານ ອີລອນ ມັສຄ ກ່າວວ່າ “ໃນຂະນະທີ່ພວກເຮົາຂຸດເຈາະເຂົ້າໄປໃນ USAID, ມັນໄດ້ປະກົດອອກມາວ່າ ສິ່ງທີ່ພວກເຮົາມີຢູ່ທີ່ນີ້ ບໍ່ແມ່ນໝາກແອັບເປິລທີ່ມີໜອນຢູ່ໃນ, ແຕ່ແທ້ຈິງແລ້ວ ພວກເຮົາມີແຕ່ໂຕໜອນທີ່ລວມກັນເປັນກ້ອນເທົ່ານັ້ນ.”
ສະມາຊິກລັດຖະສະພາສັງກັດພັກເດໂມແຄຣັດ ໄດ້ໂຕ້ແຍ້ງ ແລະ ເວົ້າວ່າ ມັນຜິດຫຼາຍທີ່ທ່ານ ມັສຄ໌ ມີອຳນາດຢ່າງຫຼວງຫຼາຍ ແຕ່ມີຄວາມຮັບຜິດຊອບ ແລະ ການຄວບຄຸມພຽງໜ້ອຍດຽວ, ໂດຍສະເພາະຢ່າງຍິ່ງເມື່ອບໍລິສັດ SpaceX ມີສັນຍາກັບລັດຖະບານກາງ.
ສະມາຊິກສະພາສູງສັງກັດພັກເດໂມແຄຣັດ ທ່ານນາງ ແພັດຕີ ເມີເຣ ກ່າວວ່າ “ເສດຖີພັນລ້ານທີ່ບໍ່ໄດ້ຮັບການເລືອກຕັ້ງ, ບໍ່ມີຄວາມຮັບຜິດຊອບຕໍ່ໃຜ ຊຶ່ງມີຄວາມຂັດແຍ້ງທາງຜົນປະໂຫຍດຢ່າງຫຼວງຫຼາຍ, ມີສາຍພົວພັນທີ່ເລິກເຊິ່ງກັບ ຈີນ ແລະ ມີອັກຄະຕິທີ່ຈະທຳຮ້າຍຜູ້ທີ່ຖືວ່າເປັນພວກສັດຕູ ແມ່ນກຳລັງຍຶດຄອງລະບົບຂໍ້ມູນດ້ານການເງິນທີ່ລະອຽດອ່ອນທີ່ສຸດຂອງປະເທດ ແລະ ປຶ້ມເຊັກທະນາຄານຂອງພວກເຮົາ.”
ແຕ່ທ່ານ ທຣຳ ເວົ້າວ່າ ທຳນຽບຂາວ ແມ່ນກຳລັງສະໜອງຄຳຊີ້ນຳທີ່ຈຳເປັນຕໍ່ວຽກງານຂອງທ່ານ ມັສຄ໌.
ປະທານາທິບໍດີ ດໍໂນລ ທຣຳ ກ່າວວ່າ “ບ່ອນທີ່ພວກເຮົາຄິດວ່າ ມີຄວາມຂັດແຍ້ງ ຫຼື ບ່ອນທີ່ມີບັນຫາ, ພວກເຮົາຈະບໍ່ໃຫ້ລາວເຂົ້າໄປໃກ້ມັນ. ພວກເຮົາກຳລັງພະຍາຍາມຫຼຸດຂະໜາດຂອງລັດຖະບານ, ແລະ ລາວຄົງຈະສາມາດຫຼຸດມັນໄດ້ດີ ຄືກັບຄົນອື່ນໆຖ້າແມ່ນບໍ່ດົນກວ່າ.”
ໃນບົດບາດທີ່ບໍ່ໄດ້ຮັບຄ່າຈ້າງ ດັ່ງກັບ “ພະນັກງານລັດຖະບານພິເສດນັ້ນ,” ທ່ານ ມັສຄ໌ ແມ່ນໄດ້ຮັບອະນຸຍາດບໍ່ໃຫ້ເຮັດວຽກຫຼາຍກວ່າ 130 ວັນຕໍ່ປີ.
ອ່ານລາຍງານນີ້ເປັນພາສາອັງກິດ
President Donald Trump’s point person for making rapid changes at U.S. governmental agencies is Elon Musk, the chief executive of carmaker Tesla and aerospace company SpaceX. Congressional Democrats say that the Trump-backed multibillionaire's attempt to reduce federal government spending is wrong.
A protest outside a federal agency in Washington this week focused on the work of Elon Musk, President Donald Trump’s designee for shrinking the U.S. government.
“The people get to decide how we defend the United States of America. The people get to decide how their taxpayer money is spent. Elon Musk does not get to decide.”
Musk is the world’s richest man and the chief executive of electric vehicle firm Tesla and aerospace company SpaceX. He also owns other companies, including the social media platform X, formerly known as Twitter.
Since Trump’s inauguration, Musk, as the leader of the newly created Department of Government Efficiency, or DOGE, ((Dough-zhe)), has gotten down to work cutting what he and President Trump see as costly federal programs.
Musk’s team has reportedly gained access to the Treasury Department’s payment systems, raising alarms, and has sought control of the U.S. Agency for International Development, or USAID, which provides humanitarian and other aid to more than 100 countries. That’s where the protest happened this week.
“President Trump directed his corrupt billionaire friend, Elon Musk, to ransack a critical agency of the U.S. government.”
Trump, however, reiterated his support for Musk.
“It’s something that he feels very strongly about, and I’m impressed because he’s running obviously a big company.”
Elon Musk said what he discovered at USAID isn’t salvageable.
"As we dug into USAID, it became apparent that what we have here is not an apple with a worm in it, but we have actually just a ball of worms."
Congressional Democrats dispute that and say it is wrong that Musk has so much power and little accountability and oversight, especially given that SpaceX has contracts with the federal government.
“An unelected, unaccountable billionaire with expansive conflicts of interest, deep ties to China and an indiscreet axe to grind against perceived enemies is hijacking our nation's most sensitive financial data systems and its checkbook.”
But Trump says that the White House is providing the necessary oversight to Musk’s work.
“Where we think there’s a conflict or there's a problem, then we won’t let him go near it.// We are trying to shrink government, and he can probably shrink it as well as anybody else if not better.”
In his unpaid role as a “special government employee,” Musk is permitted to work no more than 130 days a year.
ຟໍຣັມສະແດງຄວາມຄິດເຫັນ