ລິ້ງ ສຳຫລັບເຂົ້າຫາ

ວັນອັງຄານ, ໑໙ ມີນາ ໒໐໒໔

ການຍິງກັນ ລະເບີດຂຶ້ນ ຂະນະທີ່ ກຳລັງ ນິກາຣາກົວ ເຄື່ອນເຂົ້າສູ່ ຄຸ້ມນຶ່ງ ໃນເມືອງ ມາຊາຍາ


ຜູ້ປະທ້ວງຄົນນຶ່ງຢືນໃຫ້ຖ່າຍຮູບ ໃນຂະຂະທີ່ລາວເຂົ້າຮ່ວມສົງສະການ ທ້າວໂຮເຊ ແອັດເຕີບານ ຜູ້ທີ່ໄດ້ເສຍຂີວິດລະຫວ່າງການປະທະກັນ ວັນທີ 16 ກໍລະກົດ 2018.
ຜູ້ປະທ້ວງຄົນນຶ່ງຢືນໃຫ້ຖ່າຍຮູບ ໃນຂະຂະທີ່ລາວເຂົ້າຮ່ວມສົງສະການ ທ້າວໂຮເຊ ແອັດເຕີບານ ຜູ້ທີ່ໄດ້ເສຍຂີວິດລະຫວ່າງການປະທະກັນ ວັນທີ 16 ກໍລະກົດ 2018.

ຕຳຫຼວດ​ນິກາຣາກົວ ​ແລະ​ກຳລັງ​ສະໜັບສະໜູນ​ລັດຖະບານ ​ໄດ້ເຂົ້າ​ຄວບ​ຄຸມ​ເອົາ​ຄຸ້ມ
​ບ້ານ​ແຫ່ງນຶ່ງ ​ໃນແລງ​ວັນ​ອັງຄານ​ວານ​ນີ້ ຢູ່ເມືອງ​ມາ​ຊາຍາ ທີ່​ໄດ້​ກາຍ​ມາ​ເປັນ​ສູນ​ກາງ
​ຕໍ່ຕ້ານ ​ຂອງພວກ​ຝ່າຍ​ຄ້ານ.

ພວກ​ປະ​ທ້ວງ​ຕໍ່ຕ້ານ​ລັດຖະບານທ່ານ​ດາ​ນຽລ ​ອອກ​ເຕກາ ​ໄດ້​ຍິງ​ລູກປືນຄົກທີ່ີເຮັດ
ເອົາເອງແລະ​ອາວຸດ​ຕ່າງໆ ເຂົ້າໃສ່​ຕຳຫຼວດ ແຕ່​ໄດ້​ຖືກ​ຕອບ​ໂຕ້ຢ່າງ​ວ່ອງ​ໄວ.

ພວກ​ນັກ​ຂ່າວ ​ທີ່​ພະຍາຍາມ​ຈະເຂົ້າ​ໄປ​ໃນຄຸ້ມໂມ​ນິມ​ໂບ ກ່າວ​ວ່າ ​ພວກ​ມີ​ປືນ​ສະໜັບ
ສະໜູນ​ລັດຖະບານ ໄດ້​ຍິງ​ປືນເຂົ້າໃສ່​ເຂົາ​ເຈົ້າ.

ພວກ​ນັກ​ເຄື່ອນ​ໄຫວເພື່ອ​ສິດທິມະນຸດ​ນິກາຣາກົວ ກ່າວ​ວ່າ ​ຢ່າງໜ້ອຍມີ​ສອງ​ຄົນ​ໄດ້​
ເສຍ​ຊີວິດ ​ແລະ​ຫຼາຍ​ສິບ​ຄົນ​ ໄດ້​ຮັບ​ບາດ​ເຈັບ.

ກຳລັງ​ສະໜັບສະໜູນ​ທ່ານ​ອອກ​ເຕກາ ​ໄດ້​ໂຈມ​ຕີ​ເມືອງ​ມາ​ຊາຍາ ​ເຖິງ​ແມ່​ນວ່າ​ໄດ້​ມີ
ການຮ້ອງຂໍ​ໂດຍ​ກົງ​ ຈາກ​ສະຫະລັດ ບໍ່​ໃຫ້​ໂຈມ​ຕີ.

ຮອງ​ລັດຖະມົນຕີ ຊ່ວຍວ່າການ ກະຊວງ​ການ​ຕ່າງປະ​ເທດ​ສະຫະລັດ ທ່ານແຟຣນຊິ​ສ
​ໂກ ພາລເມຣີ ​ໄດ້​ສົ່ງ​ຂໍ້ຄວາມ​ທາງ​ທວິດ​ເຕີ ໃນ​ວັນ​ອັງຄານ​ວານ​ນີ້​ວ່າ “​ຄວາມ​ຮຸນ​ແຮງ
ແລະ​ການນອງ​ເລືອດ ຊຶ່ງໄດ້ຮັບການຊຸກຍູ້ໂດຍລັດຖະ ບານ ທີ່ຍັງດຳເນີນຢູ່ຕໍ່ມາ ໃນ​ນິກາຣາກົວນັ້ນ ຕ້ອງ​ຍຸຕິໃນທັນທີ. ​ໂລກ​ກຳລັງ​ຈັບຕາເບິ່ງ​ຢູ່​.”

​ການ​ລຸກ​ຮືຂຶ້ນຂອງປະຊາຊົນຕໍ່​ຕ້ານ​ທ່ານ​ອອກ​ເຕກາ ​ໄດ້​ເລີ້ມ​ຂຶ້ນ​ໃນ​ເດືອນ​ເມສາ ​ເວລາ​
ທ່ານ​ໄດ້​ປະກາດ ​ປ່ຽນແປງ​ລະບົບ​ບໍານານ​ຂອງ​ປະ​ເທດ.

ນັບ​ແຕ່​ນັ້ນ​ມາ ​ທ່ານກໍ​ໄດ້ຍົກ​ເລີກ ແຜນເຫລົ່າ​ນັ້ນ ​ແຕ່​ຍັງ​ບໍ່​ທັນ​ໄດ້​ຢຸດເຊົາ​ການ​ປາບປາ
ມທີ່​ຮ້າຍ​ແຮງ ​ຕໍ່​ພວກ​ປະ​ທ້ວງລັດຖະບານ. ທ່ານ​ກ່າວ​ຫາ​ເຂົາ​ເຈົ້າ​ວ່າ​ພະ​ຍາ​ຍາມ​ຫາ
ທາງ​ເຮັດ​ລັດຖະປະຫານ.

ນອກນັ້ນ ທ່ານ​ອອກ​ເຕກາ​ຍັງ​ບໍ່ເອົາ​ຫົວຊາ ນຳ​ການຮຽກ​ຮ້ອງຂອງພວກນັກບວດ ​ເພື່ອ​ໃຫ້ມີສັນຕິພາບ ​ແລະ​ປະຕິ​ເສດ​ທີ່​ຈະ​ຈັດການ​ເລືອກ​ຕັ້ງ​ກ່ອນ​ກຳນົດ.

ອ່ານຂ່າວນີ້ເພີ້ມເປັນພາສາອັງກິດ

XS
SM
MD
LG