ຕຳຫລວດຝຣັ່ງກ່າວວ່າ ຢ່າງໜ້ອຍ 12 ຄົນເສຍຊີວິດ ໃນການ
ໂຈມຕີສຳນັກງານໃຫຍ່ຂອງໜັງສືພິມສຽດສີສັງຄົມລາຍສັບປະ
ດາ Charlie Hebdo.
ລາຍງານຂ່າວແຈ້ງວ່າ ມີມືປືນຢ່າງໜ້ອຍ 2 ຄົນໄດ້ຍິງປືນຍາວ
Kalashnikov ແລະປືນຍິງຈະຫຼວດ RPG ເຂົ້າໃສ່ຕຶກອາຄານ ທີ່ຫ້ອງການຂອງໜັງສືພິມດັ່ງກ່າວ. ເປັນທີ່ເຊື່ອກັນວ່າຜູ້ຕ້ອງສົງ ໄສຈຸນີ້ໄດ້ພາກັນຫລົບໜີໄປດ້ວຍລົດ.
ສື່ມວນຊົນທ້ອງຖິ່ນລາຍງານວ່າ ພວກພະນັກງານຂອງໜັງສືພິມ
ພວມປະຊຸມກັນກ່ຽວກັບບົດຂຽນຕ່າງໆຢູ່ເວລາການໂຈມຕີເກີດ
ຂຶ້ນ.
ປະທານາທິບໍດີຝຣັ່ງ ທ່ານ Francois Hollande ກ່າວຕໍ່ພວກ
ນັກຂ່າວວ່າ ເຫດຮ້າຍໃນຄັ້ງນີ້ "ບໍ່ຕ້ອງສົງໄສເລີຍ" ແມ່ນເປັນ
ການໂຈມຕີຂອງພວກກໍ່ການຮ້າຍ.
ຝຣັ່ງໄດ້ເພີ້ມການເຕືອນໄພກ່ຽວກັບພວກກໍ່ການຮ້າຍຂຶ້ນສູ່ລະ
ດັບສູງສຸດ ຫລັງຈາກໄດ້ມີການໂຈມຕີແລ້ວ.
ສຳນັກງານ ຂອງໜັງສືພິມສຽດສີສັງຄົມ ສະບັບນີ້ ເຄີຍຖືກລະ
ເບີດໄຟມາແລ້ວ ໃນປີ 2011 ຫລັງຈາກໄດ້ພິມເຜີຍແຜ່ຮູບກາ
ຕູນ ຂອງພະສາສະດາໂມຮຳເມັດ ໃສ່ໜ້າປົກ ຂອງໜັງສືພິມ.
