ຕະຫລາດຮຸ້ນຢູ່ຈີນ ໄດ້ຂື້ນໆລົງໆ ແຕ່ກໍມີລາຄາສູງຂຶ້ນເລັກ
ນ້ອຍ ໃນຕອນປິດ ຕະຫລາດວັນພຸດມື້ນີ້ ໃນຂະນະທີ່ບັນດາ
ຜູ້ລົງທຶນ ພາກັນຫວາດຫວັ່ນຢ້ານກົວ ວ່າ ລັດຖະບານຈະສືບ
ຕໍ່ ໃນຄວາມພະຍາຍາມ ເພື່ອເຮັດໃຫ້ຕະຫລາດຮຸ້ນ ມີ ຄວາມ
ທຸ່ນທ່ຽງຫລືບໍ່.
ຕະຫລາດຮຸ້ນທີ່ນະຄອນ Shanghai ຕົກລາຄາເຖິງຫ້າເປີ
ເຊັນ ໃນການຊື້ຂາຍ ຕອນເຊົ້າມື້ນີ້ ກ່ອນຈະມີລາຄາສູງຂື້ນ
1.6 ເປີເຊັນ ໃນຕອນອັດຕະຫລາດ.
ຮຸ້ນທີ່ນະຄອນ Shanghai ມີຄ່າຕົກຫຼາຍກວ່າ 6 ເປີເຊັນໃນ
ວັນອັງຄານວານນີ້. ມັນເປັນການຕົກລາຄາທີ່ໃຫຍ່ສຸດພຽງໃນມື້ດຽວ ນັບແຕ່ທ້າຍເດືອນ
ກໍລະກົດເປັນ ຕົ້ນມາ ເວລາມີການຂາຍຮຸ້ນອອກຢ່າງໃຫຍ່ຫລວງ ທີ່ໄດ້ເຮັດໃຫ້ປັກກິ່ງຕ້ອງໄດ້ ເອົາມາດຕະການຊຸກຍູ້ຕະຫລາດໃຫ້ທຸ່ນທ່ຽງເປັນການຊົ່ວຄາວ.
ຢູ່ແຫ່ງອຶ່ນໆໃນເອເຊຍ ຮຸ້ນແມ່ນປະສົມປະສານມີທັງຂຶ້ນແລະລົງ. ຕະຫລາດ ຮຸ້ນ Tokyo
ໄດ້ຕົກລາຄາປະມານ 1.6 ເປີເຊັນ ຫລັງຈາກລັດຖະບານໄດ້ລາຍງານກ່ຽວກັບການສົ່ງ
ສິນຄ້າອອກ ທີ່ບໍ່ຄ່ອຍແຈ່ມໃສ. ຮຸ້ນຍັງໄດ້ຕົກລາຄາຢູ່ Hong Kong ແລະ Soul ແຕ່ໄດ້ມີ
ລາຄາສູງຂຶ້ນທີ່ນະຄອນ Sydney.
ບັນດານັກລົງທຶນຫລາຍຄົນ ຍັງມີຄວາມຢ້ານກົວວ່າ ຈີນອາດຈະຢຸດເຊົາການ ເອົາມາດ
ຕະການສະໜັບສະໜຸນຕະຫລາດ ແລະນອກນັ້ນຍັງມີຄວາມຢ້ານກົວວ່າ ປັກກິ່ງອາດຈະ
ຫລຸດຄ່າຂອງເງິນຢວນລົງ.
