ການຢຸດຍິງທີ່ບອບບາງແຕກຫັກງ່າຍ ທີ່ຮຽກຮ້ອງໃຫ້ມີຂຶ້ນໂດຍບັນດາຜູ້ນຳທີ່ເປັນຄູ່ແຂ່ງ ປາກົດວ່າ ໄດ້ຮັບການເຄົາລົບໃນວັນອັງຄານວານນີ້ ຢູ່ທີ່ນະຄອນ ຫລວງ Juba ຂອງຊູດານໃຕ້ ຫລັງຈາກໄດ້ມີການຍິງປືນໃຫຍ່ ແລະປືນນ້ອຍ ໂຈມຕີກັນເປັນເວລາ 4 ມື້ ທີ່ເຮັດໃຫ້ມີຜູ້ເສຍຊີວິດຫລາຍຮ້ອຍຄົນ ແລະບໍ່ມີທີ່ຢູ່ອາໄສຫລາຍພັນຄົນ.
ການຢຸດຍິງທີ່ໄດ້ຮຽກຮ້ອງໃຫ້ມີຂຶ້ນໂດຍປະທານາທິບໍດີ Salva Kiir ແລະຜູ້ນຳ ຝ່າຍຄ້ານເປັນເວລາດົນນານຂອງທ່ານ ຮອງປະທານາທິບໍດີຜູ້ທີ່ນຶ່ງ ທ່ານ Reik Machar ແມ່ນໄດ້ຮັບການຊົມເຊີຍ ຈາກປະຊາຊົນ ທີ່ອິດເມື່ອຍກັບການສູ້ລົບ ແລະບັນດາລັດຖະບານຕ່າງ ປະເທດ ທີ່ເປັນຫ່ວງຢ້ານວ່າປະເທດໃໝ່ສຸດໃນອາຟຣິກາ ພວມສ່ຽງກັບຕໍ່ການຫວນຄືນເຂົ້າສູ່ສົງຄາມກາງເມືອງຢ່າງເຕັມທີ່ອີກຄັ້ງ.
ຢູ່ທີ່ຄອນຫລວງວໍຊິງຕັນ ກະຊວງຕ່າງປະເທດສະຫະລັດໄດ້ສະແດງຄວາມເປັນ ຫ່ວງ ໂດຍທີ່ໂຄສົກໄດ້ໃຫ້ຂໍ້ສັງເກດ ກ່ຽວກັບລາຍງານ ການຍິງກັນຢູ່ໃນບາງບ່ອນ ທັງໆທີ່ສ່ວນ ຂອງນະຄອນ Juba ມີຄວາມງຽບສະຫງົບ. ທ່ານ John Kirby ໄດ້ກ່າວຕໍ່ບັນດານັກຂ່າວວ່າ ທ່ານບໍ່ຄາດວ່າຈະມີການຍົກຍ້າຍເອກອັກ ຄະລັດຖະທູດສະຫະລັດອອກໜີ ເຖິງແມ່ນວ່າໄດ້ມີໃນອັນທີ່ທ່ານບັນລະຍາຍວ່າ ເປັນຄຳ “ສັ່ງໃຫ້ອອກ” ສຳລັບບັນດາພະນັກງານທີ່ບໍ່ສຸກເສີນຈາກສະຖານທູດສະຫະລັດ.
ສະພາອົບພະຍົບນໍເວ ຫລື NRC ໄດ້ໃຫ້ການບັນເທົາທຸກ ແລະສະໜັນສະໜູນພວກພົນ ລະເຮືອນ ທີ່ໄດ້ຫລົບໜີການສູ້ລົບ ຢູ່ໃນນະຄອນ Juba ແຕ່ວ່າກຸ່ມດັ່ງ ກ່າວໄດ້ ຄືດັ່ງບັນດາອົງການຊ່ວຍເຫລືອອຶ່ນໆ ຕ້ອງໄດ້ໂຈະການດຳເນີນຄວາມ ພະຍາຍາມ ເນຶ່ອງຈາກຄວາມຮຸນແຮງ.
ຜູ້ອຳນວຍການ ອົງການ NRC ທ່ານ Victor Moses ກ່າວວ່າ “ນອກຈາກວ່າ ການຢຸດຍິງໄດ້ຮັບການເຄົາລົບ ສະພາບການດ້ານມະນຸດສະທຳທີ່ຢູ່ໃນຂັ້ນຮ້າຍແຮງຢູ່ແລ້ວນັ້ນ ອາດຈະຊຸດໂຊມລົງໄປອີກ. ພວກເຮົາຕ້ອງການເຂົ້າໄປຫາປະຊາຊົນດ້ວຍຄວາມປອດໄພ ທີ່ຕ້ອງການອາຫານ ນໍ້າ ແລະທີ່ີຢູ່ອາໄສ ຫລື ຊູດານໃຕ້ຈະຜັນຂະຫຍາຍໄປໜ້າເຂົ້າ ສູ່ຄວາມຮຸນແຮງແລະຄວາມຍາກລຳບາກ.
ການສູ້ລົບຢູ່ຕາມເສັ້ນຊົນເຜົ່າ ໄດ້ເກີດຂຶ້ນໃນວັນພະຫັດທີ່ຜ່ານມາລະຫວ່າງກອງທະ ຫານ ທີ່ຈົງຮັກພັກດີຕໍ່ປະທານາທິບໍດີ ແລະບັນດາຜູ້ທີ່ຢູ່ໃນຖັນແຖວຂອງທ່ານ Machar. ມັນໄດ້ເພີ້ມທະວີຄວາມຮ້າຍແຮງຂຶ້ນຫລາຍກວ່າສາມວັນ ເຮັດໃຫ້ສາ ມາດໃຫ້ເຫັນຄວາມເສຍຫາຍ ແລະຄວາມທຸກທໍລະມານຂອງມະນຸດ ທີ່ບໍ່ໄດ້ພົບເຫັນນັບແຕ່ສອງປີຂອງສົງ ຄາມກາງເມືອງທີ່ໄດ້ສີ້ນສຸດລົງໃນປີ 2015.
ຢູ່ຕາມຖະໜົນຂອງນະຄອນ Juba ໃນວັນອັງຄານວານນີ້ ພວກນັກທ່ອງທ່ຽວພາກັນຊອກຫາອາຫານການກິນຢູ່ຕາມຕະຫລາດກາງເມືອງ ແມ່ນໄດ້ພົບເຫັນພາບທີ່ໜ້າໂສກເສົ້າ ບັນດາຮ້ານຄ້າຕ່າງໆຖືກລັກເອົາສິ່ງຂອງ ແລະລາຄາແພງຂຶ້ນສຳລັບອາຫານທີ່ຊອກຫາໄດ້ຍາກ.
