ເຈົ້າໜ້າທີ່ ໂຊມາລີ ກ່າວວ່າ ພວກຫົວຮຸນແຮງ al-Shabab ໄດ້ຍຶດເອົາສອງເມືອງໃນພາກໃຕ້ຂອງ ປະເທດ ໂຊມາລີ ໃນວັນເສົາວານນີ້ຈາກທະຫານສະຫະພາບ ອາຟຣິກາ ທີ່ໄດ້ຖອຍທັບອອກໄປ, ພຽງບໍ່ເທົ່າໃດມື້ຫຼັງຈາກການໂຈມຕີຮ້າຍແຮງຂອງພວກຫົວຮຸນແຮງຢູ່ຖານທັບ ທະຫານສະຫະພາບ ອາຟຣິກາ ໃນບໍລິເວນດຽວກັນເຮັດໃຫ້ທະຫານ Uganda ຫຼາຍສິບຄົນເສຍຊີວິດ.
ຮອງຜູ້ປົກຄອງລັດພື້ນທີ່ລຸ່ມ Shabelle ທ່ານ Abdifitah Haji Abdulle, ໄດ້ກ່າວຕໍ່ວີໂອເອ ໂຊມາລີ ວ່າ ກອງທັບຈາກສະຫະພາບ ອາຟຣິກາ ປະຈຳ ໂຊມາລີ ໄດ້ຖອນໂຕອອກຈາກຖານທັບຫຼັກທີ່ເມືອງ El Salindi, 60 ກິິໂລແມັດ ຢູ່ພາກໃຕ້ຂອງນະຄອນຫຼວງ Mogadishu. ທ່ານຍັງໄດ້ກ່າວວ່າ ກອງທະຫານ AMISOM ໄດ້ຖອນໂຕຖອນໃນວັນສຸກທີ່ຜ່ານມາຈາກເມືອງ Kunturwarey.
ເຈົ້າໜ້າທີ່ໃນທ້ອງຖິ່ນໄດ້ກ່າວວ່າ ລາວໄດ້ຖືກແຈ້ງໃຫ້ຮູ້ໂດຍທະຫານ AMISOM ວ່າພວກຫົວຮຸນແຮງໃຫ້ເຂົ້າໄປໃນເມືອງສອງສາມຊົ່ວໂມງຫຼັງຈາກທະຫານປ້ອງກັນຄວາມສະຫງົບໄດ້ອອກໄປ. ລາວໄດ້ກ່າວວ່າ ປະຊາຊົນບາງຄົນໄດ້ເລີ່ມຫຼົບໜີໄປ, ໃນເວລາອະທິບາຍວ່າ ຄົນອື່ນໆໄດ້ພາກັນຕົກໃຈ ແລະ ຢ້ານວ່າພວກຫົວຮຸນແຮງຈະຂ້າປະຊາຊົນຖິ້ມ.
