ລິ້ງ ສຳຫລັບເຂົ້າຫາ

logo-print

ໂທລະສັບມືຖື 5G ໄດ້ໃຊ້ຢ່າງເປັນທາງການແລ້ວ ຢູ່ໃນນະຄອນຫຼວງວຽງຈັນ


ສູນບໍລິການລູກຄ້າ ໂທລະສັບມືຖື 5-G ໃນ ສປປ ລາວ.

ຂະນະທີ່ພະຍາດໂຄວິດ-19 ຍັງລະບາດຢ່າງໜັກຢູ່ ລາວກໍໄດ້ເລີ້ມເປີດໃຫ້ ການນໍາໃຊ້
ເຄືອຂ່າຍໂທລະສັບມືຖືລະບົບ 5G ຂອງບໍລິສັດຫົວເວີຍຂອງຈີນ ຢູ່ໃນບາງພື້ນທີ່ ຂອງນະຄອນຫລວງວຽງຈັນ ຫລັງຈາກລັດຖະບານລາວ ໄດ້ເປີດໃຫ້ນໍາໃຊ້ຢ່າງເປັນທາງການ
ໃນເດືອນສິງຫາທີ່ຜ່ານມາ ພາຍຫຼັງ ມີການທົດລອງນໍາໃຊ້ມາເປັນ ເວລາໄດ້ເກືອບຮອດ
ປີນຶ່ງແລ້ວ. ລາຍລະອຽດຄືແນວໃດນັ້ນ ກິ່ງສະຫວັນ ມີລາຍງານຈາກນັກຂ່າວຂອງພວກ
ເຮົາ ເຊີນທ່ານໄປຮັບຟັງໄດ້ ໃນອັນດັບຕໍ່ໄປ.

ຂະນະທີ່ການລະບາດຂອງພະຍາດໂຄວິດ-19 ກໍາລັງຄຸກຄາມໄປ ເກືອບທົ່ວທຸກມຸມໂລກ
ມາໄດ້ເວລາເກືອບຮອດ 1 ປີມາແລ້ວນີ້ ສປປ ລາວ ເຖິງຈະເປັນປະ ເທດທີ່ມີເສດຖະກິດ
ນ້ອຍ ທີ່ໄດ້ຮັບຜົນກະທົບຢ່າງໜັກໜ່ວງ ຈາກການລະບາດ ພະຍາດດັ່ງກ່າວກໍຕາມ ແຕ່
ກໍໄດ້ເດີນໜ້າຕໍ່ໄປ ໃນການນໍາໃຊ້ເຄືອຂ່າຍ ໂທລະ ສັບມືຖືລະບົບ 5G ຂອງບໍລິສັດຫົວ
ເວີຍ, ຊຶ່ງເປັນບໍລິສັດຍັກໃຫຍ່ທາງເທັກໂນໂລຈີຂອງຈີນ ພາຍຫລັງທີ່ລັດຖະບານລາວ
ໄດ້ເປີດໃຫ້ທົດລອງນໍາໃຊ້ໃນເດືອນຕຸລາປີກາຍນີ້ ແລະກໍປະກາດໃຫ້ໃຊ້ ຢ່າງເປັນທາງ
ການ ໃນວັນທີ 31 ສິງຫາຜ່ານມາ. ພື້ນທີ່ບໍລິການເບື້ອງຕົ້ນ ແມ່ນເປີດໃຫ້ໃຊ້ຢູ່ໃນພື້ນທີ່
ບາງຈຸດ ຂອງນະ ຄອນຫລວງວຽງຈັນບ່ອນທີ່ມີຊຸມຊົນຢູ່ຢ່າງແໜ້ນໜາກ່ອນແລ້ວຈຶ່ງຈະ
ຂະຫຍາຍອອກໄປແຫ່ງອື່ນໆ ດັ່ງການເປີດເຜີຍຂອງພະນັກງານທ່ານນຶ່ງຂອງບໍລິສັດ
ລາວໂທລະຄົມ LTC ທີ່ເປັນບໍລິສັດຕິດຕັ້ງອຸປະກອນ ສໍາລັບເຄືອຂ່າຍລະບົບ 5G ໃນ
ເຂດນະຄອນຫລວງວຽງຈັນສູ່ຟັງດັ່ງນີ້: ​

“5G ໜີ້ ຕິດຕັ້ງ ມີແຕ່ຕິດຕັ້ງເບດຂອງບໍລິສັດ ມີແຕ່ເຂດໃນນະຄອນຫຼວງເນາະ ລາວໂທ
ລະຄົມຕິດຕັ້ງນີ້ ກະມີຢູ່ດົງໂດກ ກັບຢູ່ເຊັນເຕີພອຍ, ຢູ່ສີຫອມຫັ້ນທີ່ວ່າໃຫ້ໃຊ້. ເປີດໃຊ້
ແລ້ວ ຢູ່ເຂດ ມຊ ຖືວ່າໃຊ້ໄດ້ ແລະຢູ່ເຂດເຊັນເຕີພອຍ, ເວົ້າແລ້ວ ກໍມີ 5 ຈຸດ.”

ການລະບາດຂອງພະຍາດໂຄວິດ-19 ທີ່ເຮັດໃຫ້ຜູ້ຄົນບໍ່ສມາດເດີນທາງໄດ້ ຫລືບໍ່ສະ
ດວກປອດໄພ ທີ່ຈະໄປຮ່ວມກອງປະຊຸດທີ່ຈັດໃຫ້ຄົນໄປເຕົ້າໂຮມກັນຢູ່ສະ ຖານທີ່ດຽວ
ກັນ. ການທີ່ເປີດໃຫ້ໃຊ້ມີເຄືອຂ່າຍໂທລະສັບມືຖືລະບົບ 5G ຢູ່ໃນລາວ ໃນຕອນນີ້ກໍ
ປາກົດວ່າທັນກັບສະພາບທີ່ມີຄວາມຕ້ອງການ ໃນການຕິດຕໍ່ສື່ສານແລະສົນທະນາທາງ
ອອນລາຍເພີ້ມຂຶ້ນ ໂດຍສະເພາະມັນຊ່ວຍໃຫ້ໜ່ວຍງານລັດຖະບານທີ່ມີການພົວພັນກັບ
ສາກົນສາມາດເຂົ້າຮ່ວມກອງປະຊຸມລະດັບພາກພື້ນ ແລະສາກົນຕ່າງໆທີ່ແມ່ນຈັດຂຶ້ນ
ທາງອອນລາຍນັ້ນ ໄດ້ສະດວກຂຶ້ນ. ດັ່ງຢູ່ໃນການສໍາພາດພະນັກງານ ຂອງບໍລິສັດລາວ
ໂທລະຄົມ ທ່ານນັ້ນ ກໍບອກວ່າ ໄດ້ມີການນໍາໃຊ້ລະບົບ 5G ນີ້ ໃນເວລາມີກອງປະຊຸມ
ໃຫຍ່ຕ່າງໆຂອງລັດຖະບານ ເຊັ່ນກອງປະຊຸມກ່ຽວກັບເທັກໂນໂລຈີດ້ານຂໍ້ມູນແລະການ
ສື່ສານ ຫລື ICT ຊຶ່ງເປັນກອງປະຊຸມລະດັບລັດຖະມົນຕີ ຂອງບັນດາປະເທດໃນກຸ່ມອາ
ຊຽນ ຫລື TELMIN ຊຶ່ງຫຍໍ້ມາຈາກ ASEAN Telecommunications Ministers
Meeting ທີ່ຈັດຂຶ້ນໃນວັນທີ 15 ຕຸລາຜ່ານມານີ້.

ພ້ອມກັນນັ້ນພະນັກງານຂັ້ນສູງຂອງກົມເທັກໂນໂລຈີການສື່ສານຂໍ້ມູນຂ່າວສານ ຂອງ
ກະຊວງໄປສະນີ ແລະໂທລະຄົມມະນາຄົມອະທິບາຍວ່າທາງລັດຖະບານ ຫລືອົງການ
ມະຫາພາກເປັນຜູ້ຄຸ້ມຄອງ ໃນຂະນະທີ່ບໍລິສັດເປັນຜູ້ສະໜອງການ ບໍລິການລະບົບ 5G
ນີ້ ຊຶ່ງທ່ານກ່າວວ່າ:

“ໂຕນີ້ຈຸລະພາກເປັນຜູ້ດໍາເນີນການຫັ້ນໜາ ເພາະວ່າດຽວນີ້ ປະເທດອື່ນເຂົາກະໄປ 5G
ແລ້ວ ເຮົາກະເຮັດນໍາເຂົາຫັ້ນແຫລະ. ກະພວກລາວໂທລະຄົມຫັ້ນເຮັດ 5G ອອກມາໃຫ້
ບໍລິການສັງຄົມ. ພວກຫົວເຫວີຍກະສັບພອດເລື້ອງລະບົບເທັກໂນໂລຈີ, ເບື້ອງລັດກະເປັນ
ຜູ້ຄຸ້ມຄອງ, ມະຫາພາກ ກະຄວບຄຸມ ເລື້ອງນະໂຍ ບາຍ ນິຕິກໍາ ແລະຕິດຕາມຜົນງານ,
ສ່ວນຈຸລະພາກ ກາເຮັດບໍລິການ.”

ເມື່ອຖາມເຖິງຜົນປະໂຫຍດວ່າລະບົບ 5G ນີ້ ແຕກຕ່າງຈາກລະບົບ 4G ທີ່ໃຊ້ຢູ່ ໃນປັດຈຸ
ບັນນີ້ຄືແນວໃດ ພະນັກງານຂັ້ນສູງທ່ານນີ້ຕອບວ່າ:

“ໂອຍມັນກະໄວຂຶ້ນກວ່າກັນຫລາຍຫັ້ນແລ້ວສັນຍານອິນເຕີເນັດ. ຕາມເຂົາເຮັດລາຍ
ການອອກມາໂຄສະນາຂາຍຫັ້ນ ສິບພັນກີບເຈົ້າຊື້ໃນແພກເກັດໂຕໃດ ຕາມແຕ່ບໍລິສັດ
ແຈ້ງອອກມາ. ຄືສິບ10.000 ກີບໃຊ້ໄດ້ 10 ມື້ ບໍ ຫລື 7 ມື້ຫັ້ນເດ. ມັນກະມີຫລາຍລາຍ
ການ ຕາມເຂົາແຈ້ງມາຫັ້ນນະ. ສ່ວນສັນຍານຂອງບໍລິສັດລາວໂທລະຄົມ ມັນກະທົ່ວ
ປະເທດແລ້ວເດ. ນອກຈາກ 5G ລະກາຍັງມີ 4.5 G ອີກ ທີ່ບໍລິສັດລາວໂທລະຄົມ ກັບ
ETL ສະໜອງບໍລິການ”

ແຕ່ຢ່າງໃດກໍຕາມ ການທີ່ຈະສາມາດໃຊ້ເຄືອຂ່າຍລະບົບ 5G ໄດ້ຈະຕ້ອງມີ ໂທລະສັບ
ມືຖືທີ່ທັນສະໄໝຈຶ່ງສາມາດຮອງຮັບລະບົບນີ້ໄດ້. ພ້ອມກັນນັ້ນ ນອກ ຈາກຄ່າໃຊ້ຈ່າຍ
ໃນການໃຊ້ລະບົບທີ່ວ່ານີ້ ສູງກວ່າລະບົບ 4G ທີ່ໃຊ້ກັນທົ່ວໄປນັ້ນ ຫລາຍແລ້ວ ສັນຍານ
ຂອງລະບົບດັ່ງກ່າວກໍກວາມເອົາພື້ນທີ່ກວ້າງ ສະນັ້ນ ມັນຍັງມີຂໍ້ຈໍາກັດຫລາຍຢູ່ ດັ່ງທີ່
ພະນັກງານລາວໂທລະຄົມ ທ່ານນີ້ບອກວ່າ:

“ນ້ອງຍັງບໍ່ໄດ້ໃຊ້ ມັນເປັນຈຸດໃນເມືອງ ມັນເປັນຈຸດຊຸມຊົນ ບ່ອນໄວລຸ້ນຫັ້ນນະ ຢູ່ດົງ
ໂດກພວກນ້ອງກະບໍ່ໄດ້ໃຊ້ ມັນບໍ່ສັບຟອດໃຫ້ ນ້ອງຍັງບໍ່ໄດ້ໃຊ້ ມັນເປັນຈຸດໃນເມືອງແດ່
ມັນເປັນຈຸດຊຸມຊົນ ບ່ອນໄວລຸ້ນຫັ້ນນະ ຢູ່ດົງໂດກພວກນ້ອງກະຍັງບໍ່ທັນໄດ້ໃຊ້ ມັນບໍ່ສັບ
ຟອດໃຫ້. ຫາກມັນໄປກາບໍ່ໄກ ຄັນຊິລົງທຶນມັນກະຊິບໍ່ຄຸ້ມຄ່າດອກ.”

ສະຫລຸບແລ້ວ ສປປ ລາວ ເຖິງຈະເປັນປະເທດທີ່ມີເສດຖະກິດນ້ອຍ ແລະໄດ້ຮັບຜົນກະ
ທົບຢ່າງໜັກຈາກການລະບາດຂອງພະຍາດໂຄວິດ-19 ກໍຕາມ ແຕ່ກໍ ເດີນໜ້າກ້າວໄປ
ເປີດການນໍາໃຊ້ເຄືອຂ່າຍໂທລະສັບມືຖື ລະບົບ 5G ຊຶ່ງເປັນ ລະບົບທີ່ໄວທີ່ສຸດຂອງໂລກ
ພາຍຫຼັງໄດ້ມີການທົດລອງນໍາໃຊ້ມາໄດ້ເກືອບຮອດ 1 ປີ. ການເປີດນໍາໃຊ້ລະບົບດັ່ງກ່າວ
ປາກົດວ່າເຮັດໃຫ້ລັດຖະບານລາວ ສາ ມາດນໍາໃຊ້ໃນການສື່ສານທາງອອນລາຍໄດ້ສະ
ດວກຂຶ້ນ ໃນຍຸກລະບາດຂອງໂຄວິດ-19 ຢູ່ນີ້ ແຕ່ກໍຍັງມີຂໍ້ຈໍາກັດຫລາຍດ້ານ ເປັນຕົ້ນ
ແມ່ນການຮັບສັນຍານ ຍັງບໍ່ກວາມເອົາເນື້ອທີ່ ອັນກວ້າງຂວາງເທື່ອ.

ເບິ່ງຄວາມເຫັນ

ລາຍງານບລອກສົດ! ຜົນການເລືອກຕັ້ງ ປະທານາທິບໍດີ ສະຫະລັດ 2020

ລາຍງານບລອກສົດ! ການເລືອກຕັ້ງ ໃນ ສະຫະລັດ ປີ 2020

ອະດີດຮອງປະທານາທິບໍດີິສະຫະລັດ ທ່ານໂຈ ໄບເດັນ ຊຶ່ງເປັນບຸກຄົນທີ່ຮູ້ຈັກກັນດີໃນວົງການເມືອງຂອງນະຄອນ ຫຼວງວໍຊິງຕັນ ເກືອບເຄິ່ງສັດຕະວັດແລ້ວນັ້ນ ຄາດຄະເນກັນວ່າ ຈະເປັນຜູ້ຊະນະການເລືອກຕັ້ງປະທານາທິບໍດີຂອງສະຫະລັດ ແລະຈະໄດ້ສາບານຕົວເຂົ້າຮັບຕຳແໜ່ງໃນວັນທີ 20 ມັງກອນຈະມາ ເປັນປະທານາທິບໍດີທີ່ມີອາຍຸແກ່ທີ່ສຸດ ໃນປະຫວັດສາດ. ທ່ານໄບເດັນ ສັງກັດພັກເດໂມແຄຣັດ ທີ່ໄດ້ເປັນສະມາຊິກສະພາສູງມາ 36 ປີ ແລະ 8 ປີ ເປັນຮອງປະທານາທິບໍດີ ໃນສະໄໝປະທານາທິບໍດີບາຣັກໂອບາມາ ແມ່ນຄາດກັນໂດຍອົງການຂ່າວຕ່າງໆ ໄດ້ເອົາຊະນະປະທານາທິບໍດີດໍໂນລ ທຣຳ ທີ່ລົງສະໝັກແຂ່ງຂັນເອົາຕຳແໜ່ງຕື່ມອີກ ໃນການໂຄສະນາຫາສຽງທີ່ຂົມຂື່ນ ແລະຫຼັງຈາກໄດ້ມີການນັບບັດຄະແນນສຽງຫຼັງຈາກການເລືອກຕັ້ງມາໄດ້ຫຼາຍມື້ແລ້ວ. ຄະແນນສຽງແມ່ນຍັງຈະໄດ້ຮັບການຢືນຢັນຢ່າງເປັນທາງການ ແລະພວມໄດ້ຮັບການທ້າທາຍຢູ່ໃນສານ ແຕ່ກໍຄາດກັນວ່າ ຈະຜ່ານຜ່າໄປໄດ້. ທ່ານໄບເດັນ ໄດ້ຊະນະຕຳແໜ່ງປະທານາທິບໍດີ ໂດຍໄດ້ຮັບຄະແນນຈາກຜູ້ແທນລັດ ຢ່າງໜ້ອຍ 270 ຄະແນນ ຂອງຈຳນວນທັງໝົດ 538 ຄະແນນ. ການໄດ້ຮັບໄຊຊະຂອງທ່ານໄບເດັນ ເຮັດໃຫ້ທ່ານທຣຳເປັນປະທານາທິບໍດີຄົນທີ 3 ໃນຮອບສີ່ທົດສະວັດ ທີ່ບໍ່ສາມາດໄດ້ຮັບເລືອກ ໃຫ້ເຂົ້າຮັບຕຳແໜ່ງຕື່ມອີກ ຫຼັງຈາກໄດ້ຂຶ້ນເປັນປະທານາທິບໍດີ 4 ປີແລ້ວ.

00:30 8.11.2020

ລາຍງານຂ່າວຫຼ້າສຸດ ໃນເຊົ້າວັນເສົາມື້ນີ້ແຈ້ງວ່າ ທ່ານໂຈ ໄບເດັນ ແລະທ່ານນາງຄາມາມາ ແຮຣິສ ຜູ້ສະໝັກເປັນປະທານາທິບໍດີ ຈາກພັກເດໂມແຄຣັດ ໄດ້ຮັບຄະແນນ 273 ຄະແນນສຽງຂອງຜູ້ຕາງໜ້າລັດແລ້ວ ເຊີນເບິ່ງແຜນທີ່ການເລືອກຕັ້ງໃນສະຫະລັດຂອງເຮົາຕື່ມ!

23:51 7.11.2020

ມາຮອດເຊົ້າວັນເສົາມື້ນີ້ ຕາມເວລາໃນພາກຕາເວັນອອກຂອງສະຫະລັດ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍງານໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214 ຄະແນນ. ທ່ານໄບເດັນຕອ້ງການອີກພຽງ 17 ຄະແນນ ຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາ ແມ່ນຕ້ອງການອີກ 56 ຄະແນນຈຶ່ງຈະຮອດ 270 ຄະແນນເພື່ອຈະເຂົ້າກຳຕຳແໜ່ງຕື່ມອີກ 4 ປີ. ເວລານີ້ຫຼາຍລັດຍັງສືບຕໍ່ນັບຄະແນນກັນຢູ່ ແລະລັດຈໍເຈຍ ໄດ້ປະກາດໃນວັນສຸກມື້ວານນີ້ວ່າ ຕົນຈະນັບຄະແນນ ຄືນໃໝ່ທັງໝົດ ຍ້ອນວ່າ ປະທານາທິບໍດີດໍໂນລ ທຣຳ ຜູ້ສະໝັກຂອງພັກຣີພັບບລີກັນ ແລະຜູ້ທ້າຊິງ ຫຼືຄູ່ແຂ່ງຈາກພັກເດໂມແຄຣັດ ທ່ານໂຈ ໄບເດັນ ມີຄະແນນໃກ້ຄຽງກັນຫຼາຍ.

18:52 7.11.2020

ໃນຕອນຄ່ຳຂອງວັນພະຫັດວານນີ້ ປະທານາທິບໍດີດໍໂນລ ທຣຳ ໄດ້ກ່າວອ້າງ ໂດຍບໍ່ມີຫຼັກຖານວ່າ ທ່ານໄດ້ຖືກສໍ້ໂກງ ໃຫ້ອອກຈາກຕໍາແໜ່ງ ໃນສະໄໝທີສອງ. ທ່ານກ່າວວ່າ “ຖ້າທ່ານນັບບັດຄະແນນສຽງທີ່ປ່ອນແບບຖືກຕ້ອງຕາມກົດໝາຍ, ຂ້າພະເຈົ້າຈະໄດ້ຊະນະຢ່າງງ່າຍໆ.” ທ່ານກ່າວຕໍ່ໄປອີກວ່າ "ຖ້າທ່ານນັບບັດຄະແນນສຽງທີ່ຜິດກົດໝາຍ, ພວກເຂົາສາມາດພະຍາຍາມລັກເອົາການເລືອກຕັ້ງໄປ ຈາກພວກເຮົາໄດ້." ທ່ານທຣໍາ ໄດ້ໃຊ້ເວລາ 16 ນາທີ ຢືນກ່າວຄໍາປາໄສ ຢູ່ຫ້ອງປະຊຸມຖະແຫລງຂ່າວ ໃນທຳນຽບຂາວ ໂດຍກ່າວວ່າ ຄະແນນນຳໜ້າຂອງທ່ານທີ່ມີຢູ່ໃນລັດຕ່າງໆກຳລັງຖືກ "ລັກເອົາອອກໄປຢ່າງລັບໆ ເທື່ອລະເລັກລະນ້ອຍ" ໃນຂະນະທີ່ມີການນັບຄະແນນສຽງຍັງສືບຕໍ່ດໍາເນີນໄປຢູ່ນັ້ນ. ມາຮອດວັນສຸກ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາແໜ່ງໄວ້ ໃນອີກ 4 ປີຕໍ່ໜ້າ.

19:29 6.11.2020

ໃນຕອນບ່າຍວັນພະຫັດມື້ນີ້ ຕາມເວລາໃນເຂດພາກຕາເວັນອອກຂອງສະຫະລັດ ທ່ານໂຈ ໄບເດັນ ໄດ້ປາກົດຕົວເປັນເວລາສັ້ນໆ ທີ່ນະຄອນວິລມິງຕັນ ໃນລັດເດລາແວ ໂດຍກ່າວວ່າ "ບັດທຸກໆບັດຈະຕ້ອງໄດ້ຖືກນັບ." ທ່ານກ່າວຕື່ມວ່າ "ມັນແມ່ນກ່ຽວກັບວ່າ ປະຊາຊົນໃນປະເທດນີ້ ໄດ້ສະແດງອອກເຖິງການຕັດສິນໃຈຂອງພວກເຂົາເຈົ້າແບບໃດ ແລະມັນເປັນຄວາມປະສົງຂອງຜູ້ມີສິດປ່ອນບັດ ບໍ່ມີໃຜ ແລະບໍ່ມີສິ່ງໃດທັງໝົດ ທີ່ໄດ້ເລືອກເອົາປະທານາທິບໍດີຂອງສະຫະລັດ."

06:13 6.11.2020

ໃນເວລາ 12 ໂມງເຄິ່ງຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທ່ານໂຈ ໄບເດັນ ຄູ່ແຂ່ງຈາກພັກເດໂມແຄຣັດ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ແຕ່ທ່ານປະທານາທິບໍດີ ດໍໂນລ ທຣຳ ໄດ້ຮັບຕື່ມອີກນຶ່ງຄະແນນ ເພີ້ມຂຶ້ນເປັນ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນຊຶ່ງຄາດໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້. ລາຍງານຂ່າວແຈ້ງວ່າ ມາຮອດວັນພະຫັດມື້ນີ້ ທ່ານໄບເດັນແມ່ນນຳໜ້າ ໃນຄະແນນສຽງຂອງປະຊາຊົນ ຄືໄດ້ 71 ລ້ານ 6 ແສນຄົນ ປຽບທຽບໃສ່ທ່ານທຣຳ ທີ່ໄດ້ຮັບ​ແຕ່ 68​ ລ້ານ 1 ແສນຄົນ ອີງຕາມອົງການຄົ້ນຄວ້າເອດີສັນແລະອົງການຂ່າວເອພີ.

00:38 6.11.2020

ມາຮອດ 7:00 ຕອນເຊົ້າຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທັງທ່ານໂຈ ໄບເດັນ ແລະປະທານາທິບໍດີດໍໂນລ ທຣຳ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້ ແຕ່ພວກທ່ານກໍສາມາດຕິດຕາມເບິ່ງໜ້າເວັບໄຊຂອງພວກເຮົາ ກ່ຽວກັບຄະແນນຫລ້າສຸດ.

19:20 5.11.2020

ມາຮອດ 9:00 ຕອນຄໍ່າຂອງວັນພຸດ, ທີ 4 ພະຈິກ ທ່ານໂຈ ໄບເດັນໄດ້ຄະແນນຈາກຜູ້ແທນລັດຕື່ມອີກສອງລັດ ຄືມິຊິແກນ ແລະວິສຄັນຊິນ ຈຶ່ງເຮັດໃຫ້ທ່ານນໍາໜ້າ ທ່ານທຣໍາ ໂດຍມີ 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້!

ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ
ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ

08:42 5.11.2020
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ

ມາເຖິງປັດຈຸບັນນີ້ ຄະແນນຈາກຜູ້ແທນ ຂອງທ່ານດໍໂນລ ທຣຳ ແລະທ່ານໂຈ ໄບເດັນ ສູສີກັນ 213 ຕໍ່ 220 ໃນຂະນະນີ້ ຍັງເຫຼືອອີກຢູ່ 9 ລັດທີ່ຍັງບໍ່ທັນສຳເລັດການນັບຄະແນນສຽງເທື່ອ ປະກອບດ້ວຍລັດ ເມນ ເພັນຊີລເວເນຍ ຄາໂຣໄລນາເໜືອ ຈໍເຈຍ ມິຊິແກນ ວິສຄັນຊິນ ເນວາດາ ອາຣິໂຊນາ ແລະອາລາສກາ ຄາດກັນວ່າ ຜົນການນັບບັດເລືອກຕັ້ງ ທີ່ສົ່ງເຂົ້າໄປທາງໄປສະນີ ຈະເລີ້ມຂຶ້ນໃນຕອນເຊົ້າ ວັນທີ 4 ພະຈິກນີ້ ຢູ່ໃນສະຫະລັດ ແລະຈະໃຊ້ເວລາຫຼາຍສົມຄວນ ບໍ່ຮູ້ວ່າ ຈະແລ້ວເສັດໃນມື້ນີ້ຫຼືບໍ່!

16:01 4.11.2020

ລາຍງານກ່ຽວກັບການນັບຄະແນນສຽງໃນເບື້ອງຕົ້ນຈາກລັດຕ່າງໆທາງພາກຕາເວັນອອກ ທີ່ໄດ້ປິດໜ່ວຍເລືອກຕັ້ງ

ມື້ນີ້ ປະທານາທິບໍດີ ດໍໂນລ ທຣໍາທີ່ສັງກັດພັກຣີພັບບລິກັນ ແລະຄູ່ແຂ່ງຂອງ ທ່ານກໍຄື ອະດີດຮອງປະທານາທິບໍດີ ໂຈ ໄບເດັນໄດ້ຮັບໄຊຊະນະໃນຫລາຍລັດ ແລ້ວ ຂະນະທີ່ຜົນຂອງການເລືອກຕັ້ງກໍາລັງອອກມາເລື້ອຍໆຢູ່ ແລະຊາວອາເມຣິ ກັນຕັດສິນໃຈວ່າໃຜຈະບໍລິຫານປະເທດຈາກທໍານຽບຂາວໃນນຶ່ງສະໄໝກໍຄື 4 ປີຕໍ່ໜ້າ ຊຶ່ງເລີ້ມຈາກເດືອນມັງກອນຈະມາເຖິງນີ້.

ໜ່ວຍເລືອກຕັ້ງຂອງບັນດາລັດຢູ່ໃນເຂດແຄມຝັ່ງທະເລທາງຕາເວັນອອກ ແລະ ຫລາຍໆລັດໃນເຂດພາກໃຕ້ ແລະພາກຕາເວັນຕົກຕອນກາງ ຂອງປະເທດ ໄດ້ປິດລົງ ແລະກໍໄດ້ເລີ້ມນັບຄະແນນສຽງແລ້ວ. ສ່ວນບັນດາລັດໃນພາກຕາເວັນ ຕົກຂອງປະເທດກໍກໍາລັງປິດໜ່ວຍປ່ອນບັດລົງ ແລະກໍຈະເລີ້ມນັບບັດເລືອກຕັ້ງ ໃນໄວໆນີ້.

ໃນຊົ່ວໂມງທີ່ຈະມາເຖິງນີ້ ຄວນເອົາໃຈໃສ່ຕິດຕາມການນັບຄະແນນສຽງໃນລັດທີ່ຕັ້ງແຄມມະຫາສະໝຸດແອດແລນຕິກ ຄືລັດຟລໍຣິດາ ແລະ ຄາໂລໄຣນາເໜືອ- ເຊິ່ງທັງສອງລັດນີ້ໄດ້ຊ່ວຍໃຫ້ທ່ານທຣໍາ ໄດ້ຮັບໄຊຊະນະໃນປີ 2016 ແລະບ່ອນທີ່ການຢັ່ງຫາງສຽງທ້າຍປີນີ້ສະແດງໃຫ້ເຫັນວ່າທ່ານທຣໍາ ແລະທ່ານໄບເດັນມີ ຄະແນນສູສີກັນ. ລັດເພັນໂຊວາເນຍ ທີ່ເປັນລັດຍາດແຍ່ງກັນ ກໍ່ແມ່ນຈຸດສຸມຂອງຄວາມສົນໃຈອີກແຫ່ງນຶ່ງ ແຕ່ອາດຈະບໍ່ລາຍງານຜົນເລືອກຕັ້ງທີ່ສົມບູນເປັນເວລາຫຼາຍມື້. ນັກວິເຄາະກ່າວວ່າທັງສາມລັດແມ່ນມີຄວາມຈຳເປັນ ສຳລັບທ່ານທຣໍາ ຖ້າເພິ່ນຕ້ອງການດຳລົງຕຳແໜ່ງ ເປັນສະໄໝທີສອງແລະຫລີກລ້ຽງການເປັນປະທານາທິບໍດີສະຫະລັດ ຄົນທີສາມໃນສີ່ທົດສະວັດທີ່ຜ່ານມາທີ່ຈະເສຍໄຊຢູ່ໃນການເລືອກຕັ້ງຄືນ.

ສຳລັບທ່ານໄບເດັນແລ້ວ ການໄດ້ໄຊຊະນະໃນລັດໃດກໍ່ຕາມໃນ 3 ລັດນັ້ນແມ່ນຈະເພີ່ມໂອກາດໃຫ້ທ່ານໄດ້ຮັບຕຳແໜ່ງປະທານາທິບໍດີໃນການພະຍາຍາມຄັ້ງທີສາມຂອງທ່ານ. ທ່ານໄດ້ສູນເສຍການແຂ່ງຂັນເປັນຜູ້ຕາງໜ້າພັກເດໂມແຄຣັດ ເພື່ອເຂົ້າຮ່ວມການເລືອກຕັ້ງປະທານາທິບໍດີ ໃນປີ 1988 ແລະ 2008 ມາແລ້ວ.

ໃນການເລືອກເອົາຜູ້ນໍາປະເທດນັ້ນສະຫະລັດແມ່ນໃຊ້ລະບົບປະຊາທິປະໄຕແບບທາງອ້ອມ ຊຶ່ງບໍ່ໄດ້ເອົາຕາມຄະແນນນິຍົມຂອງປະຊາຊົນທັງຊາດ. ຜົນຂອງການເລືອກຕັ້ງແມ່ນຖືກຕັດສິນໂດຍການເລືອກຕັ້ງຢູ່ໃນແຕ່ລະລັດໃນທົ່ວປະເທດ ທີ່ມີ 50 ລັດ ແລະນະຄອນຫລວງວໍຊິງຕັນ. ເພື່ອຈະໃຫ້ໄດ້ໄຊຊະນະ ໃນການເລືອກຕັ້ງ, ຜູ້ສະໝັກປະທານາທິບໍດີຕ້ອງໄດ້ຮັບ 270 ຄະແນນສຽງ ຈາກຜູ້ແທນໃນລັດ ທີ່ມີສະມາຊິກທັງໝົດ 538 ຄົນ ກໍຄື 538 ສຽງນັ້ນ.

ການເລືອກຕັ້ງປະທານາທິບໍດີສະຫະລັດຈັດຂຶ້ນໃນທຸກໆ 4 ປີໃນວັນອັງຄານທໍາອິດຂອງເດືອນພະຈິກ ຊຶ່ງປີນີ້ກໍກົງກັບວັນທີ 3 ກໍຄືມື້ນີ້ເອງ. ຕາມປົກກະຕິແລ້ວປະຊາຊົນອາເມຣິກັນພາກັນໄປປ່ອນບັດດ້ວຍຕົວເອງຢູ່ສະຖານທີ່ບ່ອນບັດຕ່າງໆ. ແຕ່ວ່າໃນປີນີ້ຍ້ອນການລະບາດຂອງໄວຣຣັສໂຄໂຣນາຫລາຍໆ ລັດແມ່ນຈັດໃຫ້ມີການປ່ອນບັດກ່ອນການເລືອກຕັ້ງ ຊຶ່ງຜູ້ມີສິດປ່ອນບັດ ເລືອກຕັ້ງ ສາມາດສົ່ງບັດລົງຄະແນນສຽງຂອງຕົນໄປທາງໄປສະນີ ຫລືໄປປ່ອນບັດດ້ວຍ ຕົວເອງກ່ອນວັນເລືອກຕັ້ງຕາມສະຖານທີ່ທີ່ຈັດໄວ້ໃຫ້ໃນເມືອງ ແລະເຂດເລືອກ ຕັ້ງຕ່າງໆ ອີງຕາມກົດລະບຽບຂອງແຕ່ລະລັດ.

10:47 4.11.2020
ມີລາຍງານ ຕື່ມອີກ
XS
SM
MD
LG