ໜ່ວຍບໍລິການເຫດການສຸກເສີນຂອງ ຢູເຄຣນ ກ່າວວ່າ ປະຊາຊົນ 17 ຄົນໄດ້ເສຍຊີວິດ ໃນ ເຫດການໄຟໄໝ້ໃນຕຶກທີ່ຢູ່ອາໄສຊົ່ວຄາວຂອງຄົນອາວຸໂສ.
ບັນດາເຈົ້າໜ້າທີ່ກ່າວວ່າ ແປວໄຟໄດ້ເກີດຂຶ້ນໃນຕອນເຊົ້າຂອງວັນອາທິດມື້ນີ້ໃນອາຄານ ສອງຊັ້ນທີ່ບ້ານ Litochky, ປະມານ 40 ກິໂລແມັດໄປທາງພາກເໜືອ ຫ່າງຈາກນະຄອນ ຫຼວງ Kyiv.
ໜ່ວຍບໍລິການເຫດສຸກເສີນກ່າວວ່າ ປະຊາຊົນ 35 ຄົນໄດ້ຕິດຢູ່ໃນທີ່ພັກແຫ່ງດັ່ງກ່າວໃນ ເວລາທີ່ໄຟໄດ້ເລີ່ມໄໝ້ຂຶ້ນ. ພວກເຂົາເຈົ້າກ່າວວ່າ 18 ຄົນໄດ້ຖືກຊ່ວຍເຫຼືອອອກມາຈາກ ໄຟ, ແຕ່ວ່າ 5 ຄົນໃນນັ້ນ “ໄດ້ຖືກນຳສົ່ງເຂົ້າໂຮງໝໍດ້ວຍບາດແຜໄຟໄໝ້ໃນລະດັບຂອງ ຄວາມ ຮ້າຍແຮງທີ່ແຕກຕ່າງກັນ.”
ນາຍົກລັດຖະມົນຕີ ທ່ານ Volodymyr Grovsman ໄດ້ກ່າວວ່າ ເຫດໄຟໄໝ້ນີ້ແມ່ນ “ເຫດການທີ່ຮ້າຍແຮງ” ແລະ ໄດ້ຮຽກຮ້ອງໃຫ້ມີການສືບສວນສອບສວນຢ່າງຮີບດ່ວນ.