ການວາງລະເບີດຕໍ່ເນື່ອງກັນຫຼາຍໆບັ້ນ ໄດ້ສັ່ນສະເທືອນ
ນະຄອນຫຼວງ ແບກແດດ ເຮັດໃຫ້ ຢ່າງນ້ອຍ 26 ຄົນ ເສຍ
ຊີວິດ ໃນອັນທີ່ເປັນນຶ່ງ ໃນເຫດການກໍ່ຄວາມຮຸນແຮງ ທີ່
ຮ້າຍແຮງຫຼາຍໆບັ້ນ ໃນເມືອງຫລວງຂອງອີຣັກ ຫຼັງຈາກທີ່
ພວກອິສລາມຫົວຮຸນແຮງ ໄດ້ຍຶດຄອງເອົາເມືອງ Mosul
ໃນເດືອນແລ້ວນີ້.
ເຫດການຮ້າຍແຮງສຸດ ບັ້ນດຽວ ເມື່ອວັນເສົາວານນີ້ ເກີດຂຶ້ນ
ຢູ່ໃກ້ກັບປ້ອມຍາມຂອງຕຳຫລວດແຫ່ງນຶ່ງ ຢູ່ເຂດເມືອງ Abu
Dsheer ທີ່ມີຊາວມຸສລິມ ນິກາຍ Shi’ite ອາໄສຢູ່ເປັນສ່ວນໃຫຍ່
ໃນພາກໃຕ້ ຂອງແບກແດດ.
ເຈົ້າໜ້າທີ່ສືບສວນສອບສວນ ກ່າວວ່າ ຄົນວາງລົດລະເບີດສະລະຊີບ ຢູ່ປ້ອມຍາມແຫ່ງ
ນັ້ນ ໄດ້ສັງຫານຢ່າງນ້ອຍ 7 ຄົນ.
ຕໍ່ຈາກນັ້ນມາ ລະເບີດໄດ້ແຕກຂຶ້ນອີກ ຢ່າງນ້ອຍ 3 ເທື່ອ ພາຍໃນລະຍະນຶ່ງຊົ່ວໂມງ ຢູ່ໃນ
ທົ່ວຕົວເມືອງ ແລະໄດ້ສັງຫານ ຢ່າງນ້ອຍ 15 ຄົນ. ລະເບີດລູກທີ 4 ໄດ້ເກີດຂຶ້ນ ເມື່ອຕອນ
ແລງຂອງມື້ດຽວກັນ.
ບໍ່ມີກຸ່ມໃດອອກມາອ້າງເອົາ ຄວາມຮັບຜິດຊອບໃນທັນທີເທື່ອນີ້.
