ນາຍົກລັດຖະມົນຕີ Serbia ທ່ານ Aleksandar Vucic ກ່າວ
ຕໍ່ ວີໂອເອ ວ່າ ປະເທດຂອງທ່ານພ້ອມແລ້ວ ທີ່ຈະຮັບເອົາການ
ຮຽກຮ້ອງຂອງສະຫະລັດ ເພື່ອ ໃຫ້ຫລຸດຜ່ອນການກາງຕໍ່ອາໄສ
ໃນເລື້ອງແກັສ ຈາກຣັດເຊຍ.
ລະຫວ່າງການໃຫ້ສຳພາດຕໍ່ວີໂອເອ ທີ່ນະຄອນຫລວງວໍຊິງຕັນ
ໃນວັນພະຫັດ ຜ່ານມານີ້ ທ່ານ Vucic ກ່າວວ່າ ເຊີເບຍ ຕ້ອງ
ການເພີ້ມທາງເລືອກ ກ່ຽວກັບແຫລ່ງພະລັງງານ ແລະການສ້າງ
ທໍ່ສົ່ງ ທີ່ຈະນຳເອົາແກັສມາສູ່ປະເທດ ຜ່ານທາງ Hungary ແລະ Croatia.
ທ່ານ Vucic ພວມຢູ່ໃນລະຫວ່າງການເດີນທາງ ມາຢ້ຽມຢາມສະຫະລັດ ຢ່າງເປັນທາງການເທື່ອທຳອິດ ໃນນາມຜູ້ນຳ Serbia ຊຶ່ງທ່ານໄດ້ພົບປະກັບບັນດາເຈົ້າໜ້າທີ່
ສະຫະລັດ.
ທ່ານກ່າວຕໍ່ຫ້ອງຂ່າວໂທລະພາບ ພາກພາສາ Serbia ຂອງ ວີໂອເອ ວ່າ ບັນດາເຈົ້າໜ້າທີ່ສະຫະລັດ ໄດ້ບອກທ່ານວ່າ ລັດຖະບານທ່ານ Obama ສະໜັບ ສະໜູນຄວາມພະຍາ
ຍາມຂອງ Belgrade ໃນການເຂົ້າຮ່ວມ ສະຫະພາຍຢູໂຣບ.
ທ່ານ Vucic ກ່າວວ່າ “ບັນດາເຈົ້າໜ້າທີ່ສະຫລັດ ທີ່ຂ້າພະເຈົ້າໄດ້ພົບ ຢາກຊັກຊວນໃຫ້
ສະຫະພາບຢູ່ໂຣບ ເປີດການເຈລະຈາກັບ Serbia. ຄວາມເຂົ້າໃຈລະຫວ່າງກັນທີ່ດີຂື້ນ
ກັບສະຫລັດ ທ່ານຈະເຫັນ ຈະຊ່ວຍໃຫ້ພວກເຮົາໄດ້ເຂົ້າຢູ່ໃນສະຫະພາບຢູໂຣບໄວຂື້ນ.
ວໍຊິງຕັນ ເປັນຈຸດໝາຍປາຍທາງພິເສດສຳຄັນທີ່ສຸດແກ່ພວກເຮົາ.”
ນາຍົກລັດຖະມົນຕີ Vucic ຍັງກ່າວຕໍ່ວີໂອເອ ວ່າ ລັດຖະບານຂອງທ່ານໝັ້ນໝາຍທີ່ຈະຊອກຫາພວກຮັບຜິດຊອບໃນກນສັງຫານສາມອ້າຍນ້ອງອາເມຣິກັນ ເຊື້ອສາຍອາລບາ
ເນຍ ທີ່ໄດ້ສູ້ລົບຄ່ຽງບ່າຄ່ຽງໄຫລ່ກັບກອງທັບປົດປ່ອຍ Kosovo ໃນລະຫວ່າງທ້າຍຊຸມ
ປີ 1990.
ທ່ານກ່າວວ່າ ບັນຫານີ້ບໍ່ໄດ້ຖືກຍົກຂື້ນມາຫາລືກັນ ເວລາທ່ານສົນທະນາກັບພວກເຈົ້າ
ໜ້າທີ່ສະຫະລັດ ແຕ່ທ່ານກໍກ່າວວ່າ “ມັນນອນຢູ່ໃນຜົນປະໂຫຍດທີ່ດີທີ່ສຸດຂອງພວກ
ເຮົາ ເພື່ອແກ້ໄຂກໍລະນີດັ່ງກ່າວບໍ່ພໍພຽງແຕ່ວ່າເປັນເລື້ອງການ ເມືອງ ແລະການຮຽກຮ້ອງ
ຂອງອາເມຣິກັນ ແຕ່ເພາະວ່າ ເປັນຜົນປະໂຫຍດທີ່ດີທີ່ສຸດ ໃນດ້ານກົດໝາຍແລະຄວາມ
ຍຸດຕິທຳ.”
