ລິ້ງ ສຳຫລັບເຂົ້າຫາ

ວັນພະຫັດ, ໒໘ ມີນາ ໒໐໒໔

ເຊີເບຍຈັບກຸມທ່ານ Hadzic ທີ່ສານນາໆຊາດ ຕ້ອງການໂຕ


ທ່ານ Goran Hadzic ອາຊະຍາກອນສົງຄາມເຊີເບຍ ທີ່ຫາກໍຖືກຈັບກຸມໃໝ່ໆ, ວັນທີ 20 ກໍລະກົດ 2011
ທ່ານ Goran Hadzic ອາຊະຍາກອນສົງຄາມເຊີເບຍ ທີ່ຫາກໍຖືກຈັບກຸມໃໝ່ໆ, ວັນທີ 20 ກໍລະກົດ 2011

ບັນດາ​ເຈົ້າ​ໜ້າ​ທີ່​ເຊີ​ເບຍ​ກ່າວ​ວ່າ ​ເຂົາ​ເຈົ້າ​ຈັບ​ກຸມ​ທ່ານ Goran Hadzic ​ໄດ້​ແລ້ວ ຊຶ່ງ​ເປັນ
ນັກ​ໂທ​ດ ຜູ້​ຫລົບໜີ​ຈາກ​ການ​ຈັບ​ກຸມ​ຄົນດຽວ​ທີ່​ຍັງ​ເຫຼືອ​ທີ່​ສານ​ອາຊະຍາກ​ອນສົງຄາມສະຫະ
ປະຊາຊາດ​ຊອກ​ຫາ​ໂຕ​ຢູ່​ນັ້ນ.

ເຈົ້າ​ໜ້າ​ທີ່​ເຊີ​ເບຍ​ທ່ານ​ນຶ່ງ​ກ່າວ​ໃນ​ວັນ​ພຸດ​ມື້​ນີ້​ວ່າ ຜູ້​ນໍາ​ກະບົດ​ເຊີ​ເບຍ​ໃນໂຄຣ​ເອ​ເຊຍ​ປາງສົງ
ຄາມຢູ່​ໃນ​ປະ​ເທດ​ດັ່ງກ່າວໃນ​ຊຸມ​ປີ 1990 ນັ້ນ​ໄດ້​ຖືກ​ຈັບກຸມ​ແລ້ວແຕ່​ບໍ່​ໄດ້​ແຈ້ງ​ລາຍລະອຽດ
ໃດໆ​ໃຫ້​ຊາບ​ໃນ​ເວລາ​ນີ້.

ທ່ານ Hadzic ​ໄດ້​ຫລົບໜີ​ການ​ຈັບ​ກຸມ ​ຫລັງ​ຈາກ​ຜູ້ກ່ຽວ​ຖືກ​ກ່າວຫາວ່າມີ​ຄວາມ​ຜິດໃນ​ຂໍ້​
ຫາ​ເປັນ​ອາ​ຊະ​ຍາກ​ອນສົງຄາມ​ແລະ​ກໍ່ອາ​ຊະ​ຍາ​ກໍາ​ຕ້ານ​ມະນຸດຊາດ​ໃນ​ປີ 2004. ທ່ານ​ຖືກ​
ກ່າວ​ຫາ​ວ່າ​ເປັນ​ຜູ້​ອອກ​ຄໍາ​ສັ່ງໃຫ້​ສັງຫານ​ພວກ​ປະຊາຊົນ​ທີ່​ບໍ່​ແມ່ນ​ຊາວ​ເຊີ​ເບຍຫລາຍ​ຮ້ອຍ
ຄົນ​ຕະຫລອດ​ທັງ​ເນລະ​ເທດ​ພວກ​ປະຊາຊົນ​ອີກຫລາຍ​ພັນ​ຄົນ​ເຊ່ນ​ກັນ.

ການ​ຈັບ​ກຸມ​ທ່ານ Hadzic ມີ​ຂຶ້ນ​ພຽງ​ບໍ່​ເທົ່າ​ໃດ​ສັບປະດາ​ຜ່ານ​ມາ​ ຫລັງ​ຈາກ​ການ​ຈັບກຸມ​
ທ່ານ Ratko Mladic ຫົວໜ້າ​ກອງທັບ​ເຊີ​ເບຍ​ໃນ​ບອສ​ເນຍ ​ໃນ​ເດືອນ​ພຶດສະພາ​ຜ່ານ​ມາ.
ທ່ານ Mladic ປະ​ເຊີນ​ກັບ​ການ​ຖືກ​ລົງ​ໂທດ​ຈໍາ​ຄຸກ​ຕະຫລອດ​ຊີ​ວິດ​ ຖ້າ​ທ່ານ​ຖືກ​ຕັດສິນ​ວ່າ​
ມີ​ຄວາມຜິດ​ແທ້​ ໃນ​ຂໍ້​ຫາ​ຖານໃຫ້ການ​ສະໜັບສະໜຸນ​ ການ​ສັງຫານ​ໝູ່​ປະຊາຊົນໃນ​ເມືອງ
Srebrenica ​ແລະ​ການ​ປິດລ້ອມກຸງ​ຊາຣາ​ເຢ​ໂວ ນະ​ຄອນຫລວງ​ຂອງ​ບອສ​ເນຍ​ເປັນ​ເວລາ
44 ​ເດືອນ ຊຶ່ງ​ປະຊາຊົນ 10 ພັນ​ໄດ້ເສຍ​ຊີວິດ​ໄປ​ນັ້ນ.

XS
SM
MD
LG