ພວກຫົວແບ່ງແຍກນິຍົມຣັດເຊຍ ໄດ້ຍິງເຮືອບິນລົບໄອພົ່ນ
Mig-19 ຂອງຢູເຄຣນຕົກໃນວັນອາທິດມື້ນີ້ ໃນພາກຕາເວັນ
ອອກຂອງປະເທດທີ່ຖືກທຳລາຍຍ້ອນສົງຄາມນັ້ນ.
ໂຄສົກກອງທັບຢູເຄຣນ ກ່າວວ່າ ນັກບິນໄດ້ກະໂດດອອກຈາກ
ເຮືອບິນ ແລະຖືກຊ່ອຍຊີວິດໄວ້ໄດ້ໃນເຂດເມືອງ Luhansk.
ໃນຂະນະດຽວກັນ ອົງການຂ່າວຝຣັ່ງ ລາຍງານວ່າ ບັນດາເຈົ້າ
ໜ້າທີ່ຂອງຄະນະກຳມະການສະພາກາແດງສາກົນ ເດີນທາງ
ໄປຮອດຣັດເຊຍແລ້ວ ໃກ້ກັບຊາຍແດນຢູເຄຣນ ເພື່ອເລີ້ມທຳ
ການກວດກາພວກລົດຂົນສົ່ງການຊ່ອຍເຫຼືອຂອງຣັດເຊຍ ຂະບວນນຶ່ງ ທີ່ຈອດຢູ່ໃກ້ໆ
ກັບຊາຍແດນຢູເຄຣນນັ້ນ.
ໂຄສົກຍິງປະຈຳສະພາກາແດງນາໆຊາດ ຫຼື ICRC ກ່າວຕໍ່ອົງການຂ່າວຝຣັ່ງວ່າ ໄດ້ມີ
ການບັນລຸຂໍ້ຕົກລົງກັນໃນວັນເສົາວານນີ້ ກ່ຽວກັບວ່າຈະກວດກາລົດເຫຼົ່ານີ້ແນວໃດນັ້ນ.
ໂຄສົກຍິງກ່າວອີກວ່າ ນາງບໍ່ແນ່ໃຈວ່າ ການກວດກາຈະເລີ້ມຂຶ້ນໃນວັນອາທິດມື້ນີ້.
ແຕ່ວ່າ ບັນດາເຈົ້າໜ້າທີ່ຢູເຄຣນໄດ້ກ່າວວ່າ ພວກເຂົາເຈົ້າໄດ້ເລີ້ມທຳການກວດກາ
ຂະບວນລົດບັນທຸກຂອງຊ່ອຍເຫຼືອນີ້ແລ້ວ.
ລົດບັນທຸກເກືອບ 300 ຄັນ ທີ່ຈອດຢູ່ນອກເມືອງ Kamens-Shakh tinsky ຂອງຣັດ
ເຊຍ ກຳລັງລໍຖ້າການຮັບປະກັນທາງດ້ານຄວາມປອດໄພ ຊຶ່ງຈະອຳນວຍໃຫ້ພວກລົດ
ເຫຼົ່ານີ້ຂ້າມຊາຍແດນເຂົ້າໄປໃນຢູເຄຣນ ພ້ອມກັບເຄື່ອງຂອງຊ່ອຍເຫຼືອດ້ານມະນຸດສະ
ທຳນັ້ນໄດ້. ຫຼັງຈາກນັ້ນພວກສະພາກາແດງສາກົນ ຈະເປັນຜູ້ຮັບຜິດຊອບໃນການແຈກຢາຍເຄື່ອງຊ່ອຍເຫຼືອໃຫ້ແກ່ຊາວຢູເຄຣນ ທີ່ຕົກຄ້າງໃນການສູ້ລົບກັນລະຫວ່າງພວກກຳ
ລັງຂອງຢູເຄຣນ ແລະພວກຫົວແບ່ງແຍກນັ້ນ.
ມົສກູ ກ່າວວ່າ ການຈັດສົ່ງເຄື່ອງຊ່ວຍເຫຼືອຂອງຕົນແມ່ນເພື່ອມະນຸດ ສະທຳເທົ່ານັ້ນ ແຕ່ລັດຖະບານ Kyiv ແລະຝ່າຍຕາເວັນຕົກໄດ້ສະແດງຄວາມເປັນຫ່ວງອອກມາວ່າ ຣັດເຊຍອາດຈະໃຊ້ເປັນ “ຂໍ້ອ້າງ” ເພື່ອເຂົ້າຮຸກຮານ ຫຼືເພື່ອສົ່ງອາວຸດໄປໃຫ້ພວກກະບົດນິຍົມ
ຣັດເຊຍ ທີ່ໄດ້ສູນເສຍອາວຸດເປັນຈຳນວນຫຼວງຫຼາຍ ໃນການຕໍ່ສູ້ກັບກຳລັງຢູເຄຣນນັ້ນ.
ພວກລັດຖະມົນຕີຕ່າງປະເທດຂອງຣັດເຊຍ ຢູເຄຣນ ຝຣັ່ງ ແລະເຢຍຣະມັນ ກຳລັງພົບປະ
ກັນໃນວັນອາທິດມື້ນີ້ ທີ່ນະຄອນ Berlinເພື່ອໂອ້ລົມສົນທະນາກັນ ເລື້ອງຄວາມເຄັ່ງຕຶງ
ຢູ່ໃນຢູເຄຣນ.
