ລິ້ງ ສຳຫລັບເຂົ້າຫາ

ວັນສຸກ, ໒໙ ມີນາ ໒໐໒໔

ເກົາຫຼີ​ໃຕ້​ ຮຽກຕົວ ເອກ​ອັກຄະ​ລັດ​ຖະທູ​ດ ​ຍີ່ປຸ່ນ ເຂົ້າ​ພົບ (ວີດີໂອ)


ຊາວເກົາຫຼີໃຕ້ ຂວາຈັດ ຮ້ອງໂຮຕໍ່ຕ້ານຕໍ່ຍີ່ປຸ່ນ
ຊາວເກົາຫຼີໃຕ້ ຂວາຈັດ ຮ້ອງໂຮຕໍ່ຕ້ານຕໍ່ຍີ່ປຸ່ນ
ເກົາຫຼີ​ໃຕ້​ໄດ້​ຮຽກຕົວ ເອກ​ອັກຄະ​ລັດ​ຖະທູ​ດຂອງ​ຍີ່ປຸ່ນ ປະ​ຈໍາ​
ກຸງ Soul ເຂົ້າ​ພົບ ເພື່ອ​ຢື່ນສານ​ປະ​ທ້ວງ​ຕໍ່​ການ​ທີ່​ ສະມາຊິກ
ສະພາແລະ​ເຈົ້າ​ໜ້າ​ທີ່​ຂັ້ນ​ສູງຂອງ​ຍີ່ປຸ່ນ ​ໄດ້​ເຂົ້າ​ໄປ​ສັກກາລະ​
ບູຊາ​ຫໍ Yasukuni ທີ່ເປັນສານ​ເຈົ້າ​ຂອງ​ສາສະໜາ​ຊິນ​ໂຕ
ແລະເປັນ​ຫົວ​ຂໍ້​ຂັດ​ແຍ້​ງກັນ ທີ່ຫຼາຍໆ​ຄົນເຫັນ​ວ່າ ​ເປັນ​ສັນຍາ
​ລັກ​ຂອງ​ການຮຸກ​ຮານ​ສະ​ໄໝ​ລ່າຫົວ​ເມືອງ​ຂຶ້ນ​ຂອງ​ຍີ່ປຸ່ນ.

​ໄດ້​ມີສະມາຊິກ​ສະ​ພາແຫ່ງ​ຊາດ​ຍີ່ປຸ່ນ ຫຼາຍ​ກວ່າ 160 ທ່ານ​
ໄປ​ທໍາ​ການ​ເຄົາລົບ​ຕໍ່ ​ຫໍ Yasukuni ​ໃນ​ວັນ​ພຸດ​ວານນີ້.
ລັດຖະມົນຕີ 3 ທ່ານກໍ​ໄດ້​ເຂົ້າ​ໄປທໍາ​ການ​ເຄົາລົບ​ແບບ​ດຽວ
​ກັນ ທີ່ສານ​ເຈົ້າ​ຂອງ​ສາສະໜາ Shinto ແຫ່ງ​ນັ້ນ ໃນ​ກຸງໂຕ​ກຽວ ໃນອາທິດແລ້ວນີ້.

ຫໍ​ດັ່ງກ່າວ​ເປັນສະຖານ​ທີ່ໃຫ້​ກຽດ​ແກ່​ບັນດາ​ນັກ​ລົບທີ່​ລົ້ມ​ຕາຍໃນສົງຄາມ​ຍີ່ປຸ່ນ ຈໍານວນ
2 ລ້ານ 5 ​ແສນຄົນ​ ຊຶ່ງ​ໂຮມ​ທັງອາ​ຊະ​ຍາກ​ອນສົງຄາມ​ຈໍານວນ​ນຶ່ງ ຈາກສົງຄາມ​ໂລກ​ຄັ້ງ
​ທີ 2. ​ເກົາຫຼີ​ໃຕ້​ແລະ​ຈີນ ສອງ​ປະ​ເທດ​ທີ່​ໄດ້​ຮັບ​ຜົນ​ກະທົບ​ໜັກ​ທີ່​ສຸດ ຈາກ​ການ​ຮຸກ​ຮານ​
ຂອງ​ຍີ່​ປຸ່ນນັ້ນ ​ໄດ້​ທໍາ​ການປະທ້ວງ​ເປັນ​ປະ​ຈໍາ ຕໍ່ການໄປທໍາ​ການ​ເຄົາລົບແລະຢ້ຽມຢາມດັ່ງ ກ່າວ.

ຮອງລັດຖະມົນຕີການຕ່າງປະເທດຂອງຂອງເກົາຫຼີ​ໃຕ້ ທ່ານ Kim Kyou-hyun ກ່າວໃນ
ວັນພະຫັດມື້ນີ້ວ່າ ​ເອກ​ອັກຄະ​ລັດ​ຖະທູ​ດຍີ່ປູ່ນຖືກ​ຮຽກ​ຕົວ​ໄປ​ພົບ ​ເພື່ອ​ໃຫ້​ຮັບ​ເອົາ ສານ
ປະທ້ວງຕໍ່ການໄປຢ້ຽມຢາມດັ່ງກ່າວ ແລະຮັບ​ຊາບ​ຄວາມ​ເຫັນ​ຂອງທ່ານນາຍົກລັດຖະ
ມົນຕີຍີ່ປຸ່ນ ທ່ານ Shinzo Abe ກ່ຽວ​ກັບ​ເລື້ອງ​ນີ້.

Japan South Korea Shrine
please wait

No media source currently available

0:00 0:01:32 0:00
XS
SM
MD
LG