ລິ້ງ ສຳຫລັບເຂົ້າຫາ

logo-print

ທ່ານ​ນາງ ​ເຮ​ລີ ກ່າວ​ວ່າ ເກົາ​ຫຼີ​ເໜືອ ຍົກເລີກ ​ການ​ເຈລະຈາ ​ລະ​ດັບ​ສູງ ກັບ ວໍຊິງຕັນ


ທ່ານ​ກິ​ມ ຈົງ ໂຈ​ລ ຫົວ​ໜ້າ​ສືບ​ລັບ​ເກົາ​ຫຼີ​ເໜືອ​ ຊ້າຍ ແລະ​ລັດ​ຖະ​ມົນ​ຕີ​ຕ່າງ​ປະ​ເທດ​ສະ​ຫະ​ລັດ ທ່າ​ນ​ໄມ​ຄ໌ ພອມ​ພຽວ ຂວາ​ມື.

ເອກ​ອັກ​ຄະ​ລັດ​ຖະ​ທູດ​ສະ​ຫະ​ລັດ​ປະ​ຈຳ​ສະ​ຫະ​ປະ​ຊາ​ຊາດ ທ່າ​ນ​ນາງ​ນິກ​ກີ ເຮລີ ກ່າວ
​ວ່າ ແມ່ນ​ເກົາ​ຫຼີ​ເໜືອ​ທີ່ເລື່ອນກາ​ນພົບ​ປະລະ​ດັບ​ສູງກັບ​ວໍ​ຊິງ​ຕັນ​ທີ່​ຈະ​ຈັດ​ຂຶ້ນ​ໃນອາ​
ທິດ​ນີ້.

ລັດ​ຖະ​ມົນ​ຕີ​ຕ່າງ​ປະ​ເທດ​ສະ​ຫະ​ລັດ ທ່ານ​ໄມ​ຄ໌ ພອມ​ພຽວ​ມີ​ກຳ​ນົດວ່າ ຈະ​ພົບ​ປະກັບ
ທ່ານ​ກິມ ຢົງ ໂຈ​ລ ທີ່​ປຶກ​ສາ​ອາ​ວຸ​ໂສ​ແກ່​ຜູ້​ນຳ​ເກົາ​ຫຼີ​ເໜືອ ທ່ານ​ກິມ​ ຈົງ ອຶນ ​ໃນ​ວັນ​ພະ
​ຫັດ​ວານ​ນີ້ ເພື່ອ​ສົນ​ທະ​ນາກັນ​ໃນ​ເລື້ອງ​ທີ່​ຈ​ະ​ເຮັດ​ໃຫ້​ຂັ້ນ​ຕໍ່​ໄປ ເພື່ອ​ປະ​ຕິ​ບັດ​ຕາມຂໍ້​ຕົກ
​ລົງ​ທີ່​ບໍ່​ມີ​ຄວາມຊັດ​ເຈນທີ່ເຊັນ​ກັນ​ໃນ​ເດືອນ​ມິ​ຖຸ​ນາໂດຍ ​ທ່ານກິມ ກັບ​ປະ​ທາ​ນາ​ທິ​ບໍ​ດີ
​ສະ​ຫະ​ລັດ ທ່ານດໍ​ໂນ​ລ ທ​ຣຳ ຢູ່​ໃນກອງ​ປະ​ຊຸມ​ສຸດຍອດ​ຂອງ​ພວກ​ເພິ່ນທີ່​ຮຽ​ກຮ້ອງ
​ໃຫ້ພຽງ​ຢາງ​ຍົກ​ເລີກ​ໂຄງ​ການ​ອາ​ວຸດ​ນິວ​ເຄ​ລຍ.

ທ່ານ​ນາງ​ ເຮລີ ​ທີ່​ກ່າວ​ຕໍ່​ບັນ​ດາ​ນັກ​ຂ່າວກ່ອນ​ ແລະ​ຫຼັງ​ຈາກກອງ​ປະ​ຊຸມ​ປິດ​ປະ​ຕູ​ຂອງ
​ສະ​ພາ​ຄວາມ​ໝັ້ນ​ຄົງ​ສະ​ຫະ​ປະ​ຊາ​ຊາດ ບໍ່​ໄດ້​ໃຫ້​ຄວາມ​ສຳ​ຄັນຕໍ່ ການເລື່ອນກອງ
​ປະ​ຊຸມ​ດັ່ງ​ກ່າວໂດຍ​ກ່າວ​ວ່າ “ຂ້າ​ພະ​ເຈົ້າ​ບໍ່ຄິດ​ວ່າມັນ​ມີ​ບັນ​ຫາ​ສຳ​ຄັນ ອັນ​ໃດ” ໃນ​
ເລື້ອງ​ການ​ເລື່ອນນີ້.

ແຕ່​ ທ່ານນ​າງ​ຍັງໄດ້​ໃຊ້​ເວ​ລາປະ​ນາມ​ຣັດ​ເຊຍ ທີ່ຢາກຈະ​ຍົກ​ເລີກ​ການ​ລົງ​ໂທດ​ທາງ​
ດ້ານ​ທະ​ລະ​ກິດທ​ະ​ນາ​ຄານທີ່ວາງ​ໄວ້​ຕໍ່​ເກົາ​ຫຼີ​ເໜືອ. ທ່ານ​ນາງ​ກ່າວຢ່າງ​ເປັນ​ໄນໆ ​ວ່າ
ໂດຍ​ການ​ໃຊ້ວິ​ທີ​ການ “ຫົວ​ກາ​ຣົດ ແລະ​ໄມ້​ແສ້” ຊຶ່ງ​ໝາຍ​ເຖິງ “ການ​ໃຊ້​ທັງ​ໄມ້​ອ່ອນ
ແລະ​ໄມ້​ແຂງ” ​ນັ້ນ ​ສະ​ຫະ​ລັດ​ໄດ້ພະ​ຍາ​ຍາ​ມ ແລະ​ໄດ້ເຮັດ​ໃຫ້​ໂຄງ​ການ​ນິວ​ເຄ​ລຍ​
ຂອງພຽງ​ຢາງຫລຸດ​ລົງ. ແລະ​ເວົ້າ​ວ່າ “ພວກ​ເຮົາ​ໄດ້​ເອົາ​ຫົວ​ກາ​ຣົດ​ໃຫ້ ​ຈົນ​ຮອດ​ເທົ່າ
​ປັດ​ຈຸ​ບັນນີ້. ພວກ​ເຮົາ​ຈະ​ບໍ່​ຍອມທີ່​ຈະ​ວາງ​ໄມ້​ແສ້ລົງ ເພາະ​ວ່າ​ເຂົາ​ເຈົ້າຍັງ​ບໍ່ໄດ້​ເຮັດ​
ຫຍັງ ເພື່ອ​ເປັນ​ການ​ຄ້ຳ​ປະ​ກັນວ່າ​ຈະ​ຍົກ​ເລີກ​ການ​ລົງ​ໂທດ​ເທື່ອ.”

ຢູ່​ໃນກອງ​ປະ​ຊຸມ​ນັກ​ຂ່າວ​ທີ່​ທຳ​ນຽບ​ຂາວ​ໃນ​ວັນ​ພຸດ​ທີ່​ຜ່ານ​ມາ ປະ​ທາ​ນາ​ທິ​ບໍ​ດີ​ທ​ຣຳ
ກ່າວ​ວ່າທ່ານ​ບໍ່​ “ຮີບ​ຮ້ອນ” ເຮັດ​ໃຫ້​ມາ​ການ​ເຈ​ລະ​ຈາ​ຂໍ້​ຕົກ​ລົງເສັດ​ສິ້ນລົງ.

ປະ​ທາ​ນາ​ທິ​ບໍ​ດີ​ທ​ຣຳ ກ່າວ​ວ່າ “ຂ້າ​ພະ​ເຈົ້າ​ຢາກ​ຈະ​ຍົກ​ເລີກການ​ລົງ​ໂທດ​ນັ້ນ​ຫລາຍ​ທີ່
​ສຸດ ແຕ່​ເຂົາ​ເຈົ້າ​ຕ້ອງ​ສະ​ແດງ​ການຕອບຮັບ​ກັບ​ຄືນ​ເໝືອນ​ກັນ. ມັນ​ແມ່ນການ​ພົບ​ກັນ
​ຢູ່​ເຄິ່​ງ​ທາງ​ທີ່​ເດີນ​ມາ​ຈາກ​ສອງສົ້ນ.”

ເອກ​ອັກ​ຄະ​ລັດ​ຖະ​ທູດ​ສະ​ຫະ​ລັດ​ປະ​ຈຳ​ສະ​ຫະ​ປະ​ຊາ​ຊາດ ທ່າ​ນ​ນາງ​ນິກ​ກີ ເຮລີ ກ່າວ​ຢູ່​ສະ​ພາ​ຄວາມ​ໝັ້ນ​ຄົງ​ສະ​ຫະ​ປະ​ຊາ​ຊາດ ວັນ​ທີ 28 ສິງ​ຫາ 2018.
ເອກ​ອັກ​ຄະ​ລັດ​ຖະ​ທູດ​ສະ​ຫະ​ລັດ​ປະ​ຈຳ​ສະ​ຫະ​ປະ​ຊາ​ຊາດ ທ່າ​ນ​ນາງ​ນິກ​ກີ ເຮລີ ກ່າວ​ຢູ່​ສະ​ພາ​ຄວາມ​ໝັ້ນ​ຄົງ​ສະ​ຫະ​ປະ​ຊາ​ຊາດ ວັນ​ທີ 28 ສິງ​ຫາ 2018.

ທັງ​ສອງ​ປະ​ເທດ ຣັດ​ເຊຍ ແລະ​ຈີນ ໄດ້​ກ່າວ​ວ່າ​ ເຂົາ​ເຈົ້າ​ເຊື່ອ​ວ່າ ເກົາ​ຫຼີ​ເໜືອສົມ​
ຄວນ​ໄດ້​ຮັບ​ລາງວັນ ທີ່​ໄດ້​ຢຸດຕິ​ການ​ທົດ​ລອງ​ລູກ​ສອນ​ໄຟ ແລະ​ເປີດ​ກາ​ນ​ສົນ​ທະ​ນາ​
ກັບ​ສະ​ຫະ​ລັດໄດ້. ແຕ່​ວໍ​ຊິງ​ຕັນ ແລະ​ບັນ​ດາ​ປະ​ເທດ​ມະ​ຫາ​ອຳ​ນ​າດ​ຕາ​ເວັນ​ຕົກ​ອື່ນໆ
ກ່າວ​ວ່າ​ການ​ລົງ​ໂທດ​ຕ້ອງໄດ້​ຖືກປະ​ຕິ​ບັດ​ຈົນ​ກວ່າ​ວ່າ​ຈະບໍ່​ມີ​ອາ​ວຸດ​ນິວ​ເ​ຄ​ລຍອີກຕໍ່​ໄປ.

ເກົາ​ຫຼີ​ເໜືອ​ໄດ້​ເຕືອນ​ອາ​ທິດ​ແລ້ວ​ນີ້​ວ່າ ຕົນ​ຈະ​ພິ​ຈາ​ລະ​ນາ​ຟື້ນ​ຟູ​ໂຄງ​ການ​ອາ​ວຸດ​ນິວ​
ເຄ​ລຍ​ຂອງ​ຕົນ​ຄືນ​ອີກຖ້​າ​ຫາກ​ສະ​ຫະ​ລັດບໍ່​ໄດ້​ຍົກ​ເລີກ​ລົງການ​ລົງ​ໂທດ​ເສດ​ຖະ​ກິດ
​ທີ່​ອ່ອນ​ເພຍເພື່ອ​ຕ້ານການ​ປົກ​ຄອງ​ຂອງ​ຕົນ. ເກົາ​ຫຼີ​ເໜືອ​ຍັງ​ຊອກ​ຫາ​ທາງ​ລົງ​ນາມສັນ
​ຕິ​ພ​າບກັບ​ສະ​ຫະ​ລັດ ແລະ​ເກົາ​ຫຼີ​ໃຕ້ ເພື່ອເຮັດ​ໃຫ້​ສົງ​ຄາມ​ເກົາ​ຫຼີ 1950-1953 ທີ່​ໄດ້
​ແບ່ງ​ແຍກ​ປະ​ເທດ​ຄອມ​ມິວ​ນິ​ສ​ເກົາ​ຫຼີ​ເໜືອ ແລະ​ປະ​ຊາ​ທິ​ປະ​ໄຕ​ເກົາ​ຫຼີ​ໃຕ້ ນັ້ນສິ້ນ​ສຸດ​
ລົງຢ່າງ​ເປັນ​ທາງ​ການ​.

ອ່ານ​ຂ່າວ​ນີ້​ເພີ້ມ​ເປັ​ນ​ພາ​ສາ​ອາງ​ກິດ

ທ່ານອາດຈະມັກເລື້ອງນີ້ຄືກັນ

XS
SM
MD
LG