ບັນດາສະມາຊິກສະພາ ສະຫະລັດ ຈຳນວນນຶ່ງ ໄດ້ມີໂອກາດຊັກ
ຖາມ ແລະຟັງຄຳໃຫ້ການຈາກບັນດາເຈົ້າໜ້າທີ່ຂັ້ນສູງໃນວັນພຸດ
ມື້ນີ້ ໃນຂະນະທີ່ເຂົາເຈົ້າ ຊັ່ງຊາ ເບິ່ງຂໍ້ຕົກລົງນິວເຄລຍສາກົນກັບ
ອີຣ່ານ.
ລັດຖະມົນຕີຕ່າງປະເທດ ສະຫະລັດ ທ່ານ John Kerry ລັດຖະ
ມົນຕີ ປ້ອງກັນປະເທດ ທ່ານ Ash Carter ລັດຖະມົນຕີພະລັງ
ງານ ທ່ານ Ernest Moniz ແລະປະທານເສນາທິການຮ່ວມ ຂອງ
ກອງທັບສະຫະລັດ ນາຍພົນ Martin Dempsey ແມ່ນຕຽມພ້ອມ
ທີ່ຈະປາກົດໂຕ ຕໍ່ໜ້າຄະນະກຳມະການ ກອງທັບຂອງສະພາສູງ ຊຶ່ງການຮັບຟັງຄໍາໃຫ້ການນີ້ ມີກຳນົດທີ່ຈະເນັ້ນໜັກກ່ຽວກັບວ່າຂໍ້
ຕົກລົງຈະເປັນຜົນກະທົບແນວໃດຕໍ່ “ຜົນປະໂຫຍດຂອງສະຫະລັດ ແລະຄວາມກຳ້ເກິ່ງທາງທະຫານ ຢູ່ໃນພາກຕາເວັນອອກກາງ.”
ສະພາມີເວລາຢູ່ 60 ມື້ ເພື່ອທົບທວນເບິ່ງຂໍ້ຕົກລົງນີວເຄລຍກັບອີຣ່ານ ແລະຄະນະກຳມະ
ການ ທັງຂອງສະພາຕໍ່າ ແລະສະພາສູງ ໄດ້ຊັກຖາມບັນດາເຈົ້າໜ້າທີ່ຂັ້ນສູງຂອງປະທານາ
ທິບໍດີ Barack Obama ໂດຍສະເພາະແລ້ວ ທ່ານ Kerry ແລະທ່ານ Moniz ຜູ້ທີ່ໄດ້ເຂົ້າ
ຮ່ວມໃນການເຈລະຈາ ໃນການບັນລຸຂໍ້ຕົກລົງໃນຕົ້ນເດືອນນີ້.
ທ່ານ Kerry ໄດ້ລາຍງານຕໍ່ຄະນະກຳມະການກິດຈະການຕ່າງປະເທດຂອງສະພາຕ່ຳ ໃນວັນອັງຄານວານນີ້ວ່າ ການປະຕິເສດຂອງສະຫະລັດຕໍ່ຂໍ້ຕົກລົງນີ້ ທີ່ຈະເຮັດໃຫ້ພາດ “ໂອ
ກາດດີທີ່ສຸດ” ເພື່ອຄວບຄຸມໂຄງການນິວເຄລຍອີຣ່ານ ແລະຈະບໍ່ເປີດຊ່ອງຫວ່າງ ໃຫ້ແກ່ການພັດທະນາອາວຸດນິເຄລຍຂອງອີຣ່ານ.
ທ່ານ Kerry ກ່າວວ່າ “ມັນເປັນຂໍ້ຕົກລົງທີ່ດີສຳລັບໂລກ ຂໍ້ຕົກລົງທີ່ດີສຳລັບອາເມຣິກາ ຂໍ້
ຕົກລົງທີ່ດີສຳລັບບັນດາພັນທະມິດແລະບັນດາເພື່ອນຂອງພວກເຮົາ.”
ຂໍ້ຕົກລົງລະຫວ່າງ ອີຣ່ານ ແລະກຸ່ມປະເທດທີ່ຮວມທັງ ສະຫະລັດ ອັງກິດ ຈີນ ຝຣັ່ງ ຣັດ
ເຊຍ ແລະເຢຍຣະມັນ ໄດ້ຍັບຢັ້ງໂຄງການນິວເຄລຍອີຣ່ານ ເພື່ອເປັນການແລກປ່ຽນ ກັບ
ການຍົກເລີກການລົງໂທດຂອງສະຫະປະຊາຊາດ ແລະປະເທດຕາເວັນຕົກ ທີ່ໄດ້ສ້າງຄວາມເສຍຫາຍຢ່າງໜັກແກ່ເສດຖະກິດຂອງອີຣ່ານ.
ທ່ານ Kerry ກ່າວວ່າ “ມັນເປັນຂໍ້ຕົກລົງທີ່ດີສຳລັບໂລກ ຂໍ້ຕົກລົງທີ່ດີສຳລັບອາເມຣິກາ ຂໍ້
ຕົກລົງທີ່ດີສຳລັບບັນດາພັນທະມິດແລະບັນດາເພື່ອນຂອງພວກເຮົາ.”
ຂໍ້ຕົກລົງລະຫວ່າງ ອີຣ່ານ ແລະກຸ່ມປະເທດທີ່ຮວມທັງ ສະຫະລັດ ອັງກິດ ຈີນ ຝຣັ່ງ ຣັດ
ເຊຍ ແລະເຢຍຣະມັນ ໄດ້ຍັບຢັ້ງໂຄງການນິວເຄລຍອີຣ່ານ ເພື່ອເປັນການແລກປ່ຽນ ກັບ
ການຍົກເລີກການລົງໂທດຂອງສະຫະປະຊາຊາດ ແລະປະເທດຕາເວັນຕົກ ທີ່ໄດ້ສ້າງຄວາມເສຍຫາຍຢ່າງໜັກແກ່ເສດຖະກິດຂອງອີຣ່ານ.
